17 november 2012

Kes nikane miletekî heta û heta bi darê zorê bindest bihêle



Îro hêzên dagirker careke din Diyrbekir bi tank û topên xwe digir kirin. Lê miletê kurd êdî ne ji gefên wan û ne jî ji tank û topên wan natirse. Yên ditirsin ew in. Miletek heta û heta bi darê zorê bindest namîne, ew çi bikin jî kurd ewê welatê xwe rizgar bikin. Ne dûr e, ev rojên teng jî ewê derbas bibin...

XXX
Ahmet Altan, di nivîsa xwe ya îro da filistînî û kurd dane ber hev û çend pirsên baş ji ûjdanê mirovê tirk kirye, gotiye:
”Hûn tirk in, musulman in, xwedî ûjdan in.
Heger filistîniyan, zarokên xwe bikanîbûna tenê bi zimanê îbranî perwerde bikira we yê çi bigota?
Û dema kurd dikanin zarokên xwe tenê bi tirkî perwerde bikin hûn çi dibêjin?
Heger îdareya Îsraîlê nehêle zarokên filistînî bi ”zimanê diya xwe” perwerde bibin, we yê piştgiriya hukûmeta Îsraîl bikira ya jî ya filistîniyan?
Ji bo kurdên li welatê we pîvanek û ji bo filistîniyên li Rojhilata Navîn jî pîvaneke we ya cihê tunene, new wisa ?
Hûn filistîniyan ji bo ku hûn însan in, ji bo ku ûjdanê we heye, ji bo ku hûn tehamulî neheqiyan nakin diparêzin, ne wisa
Ew însaniyeta we di nava sînorên welatê we da wenda nabe, ne wisa, ûjdanê we di nava sînorên vî welatî da hus/bêdeng nabe, new isa?
Ji bo her kesê marûzî neheqiyê dibe hûnê dengê xwe derxin, ne wisa?
Tiştê bi navê ûjdan, ne tiştekî ”durû”, ”du ziman”, xapandineke li gorî rewşê ye, ne wisa?
Gelo ez şaş difikirim?”
Lê em dibînin ku ûjdanê mirovê tirk dema dor tê ser kurdan him kerr e û him jî kor . Û heta ku kurd li Tirkiyê bindest bin mirovê tirk ewê tim û tim durû be…


XXX
Li gorî Hasan Cemal dinivîsîne, Celal Talabanî jê ra gotiye, “Deriyê diyalogê tenê merivek dikane veke, Ocalan…Û ancax ew merivê di hefsê da, Abdulah Ocalan dikane yên li çiyê daxîne.”
Bi dîtina min jî rast e, tenê Abdulah Ocalan dikane şer rawestîne. Û Ocalan dixwaze jî. Lê hukûmta AKP-ê naxwaze, hukûmet ne li pey çareseriyê, li pey teslîmgirtinê ye. Ji ber ku naxwaze ji tiştên heyî zêdetir, mafekî din bide kurdan. Li gorî Erdogan, wî hemû mafê kurdan daye, loma jî dibê kurd devê bigrin û gav û saetê sipasiya wî bikin.
Loma jî Erdogan kînga bixwaze dikane bi Ocalan ra li hev bike, şer rawestîne û mesela kurd çareser bike.

Inga kommentarer:

Skicka en kommentar

PARVE BIKE