18 april 2015

Davutoglu teskera Mahçupyan zû da destê wî...


Ecêba giran, Etyen Mahçupyan, şêwirmendê yekem yê serokwezîr Davutoglu ”îstîfa” kiriye(!)
Bi gotineke rast û bêderw, Davutoglu teskera wî zû tije kir û ew şand ber golikan.
Çi guneh, feqîro xwe rezîl û ruswa kir!
Meriv li ber dikeve. Lê ev yek heq kiribû…
Umrê şêwirmendiya rebeno bû umrê pinpinîkê, here were 3 mehan ajot.
Ji bo ku xwe têxe çavê Erdogan û tirkan, feqîro çend roj berê gotibû ”ez xwe ji ermeniyekî bêtir osmanî his dikim.”
Lê vê înkara eslê xwe û şalûziya qet bi wî nediket jî têrê nekir, rebeno dîsa jî ji xezeba Erdogan xelas nebû.
Ji ber ku bawerî bi ”demokratbûna tirkan anî” û got Papa rast gotiye, tiştê di sala 1915a da hat serê ermeniyan jenosîd e.
Ev gotina wî bû sebebê ku Erdogan û Davutoglu tezkera wî zû bidin destê wî…
Çu heyf ku Mahçûpyan ji serpêhatiyên gelek kurdan ders negirtibû. Loma jî bawerî bawerî tirkan anî û xwe pir erzan firot.
Lê buhayekî pir mezin da. Şêwirmendiya Davutoglu qet ne hêjayî vî buhayê giran bû.
Mahçûpyan ji kurdan dane ders negirt, lê hêvî dikim ku kurdên hîn li ba Erdogan in ji vê tarjediya Etyen Mahçûpyan dersê bigrin û berî ku tiştê hat serê Mahçûpyan werê serê wan jî, ew bi şerefa û heysiyeta xwe ji AKPê îstîfa bikin…

XXX
Li vê dinyayê însanê meriv bikanibe di her warî da bibe kefîlê wî û bibêje filan kes viya nake, filan kes viya nabêje tuneye. Lema jî bêyî xwe dibê meriv nebe kefîlê tu kesî û li ser navê tu kesî nebe xwedî tu fikir û îdîa…

Inga kommentarer:

Skicka en kommentar

PARVE BIKE