15 maj 2015

Welatê te di bin îşxalê da ye û tu jî bindest î !



Îbrahîm Halîl Baran, li ser bindestî û şerê kurdan yê serxwebûnê û dîroka ”Sirûdê Millî ya Yûnan” û şerê wan yê li hemberî osmaniyan nivîseke xweş û manîdar nivîsîye.
Teşbîh û miqayeseyeke xweş kiriye…
Li kurdên wek bûzê heliyaye, xwe wenda kiriye, bi destarê asîmîlasyna tirkan bûye ard dike gazî û hawar, dibêje kurdo, şairo, nivîskaro, ronakbîro, siyasetmedaro bindestî, bêdewletî mirin e, riya mirinê hilnebijêre, wek her miletî tu jî xewn û xeyala welatekî azad û dewleteke serbixwe bike…
Xwîna ev 209 sal in bi serîhildana Abdurahman Paşayê Babanzade wek lehiyê ji bedena te dihereke bira badilhewa neçe…
Wek Yûnanan tu jî bibe xwedî welatekî serbixwe, vê bixwaze, bi hokabaziyên xapandinê , virên ”komara demokratîk”, ”biratiyan gelan” nexape.
Welatê te di bin îşxalê da ye, tu jî koleyê tirka yî lê haya te ji qûna te tuneye. Koletî pîs e, vê heqaretê qebûl neke, xweş nebîne….
Kurdistaneke azad û serbixwe bixwaze, ev heqê te ye…

XXX

Îro 15ê gulanê, Roja Zimanê Kurdî ye. Roja zimanê kurdî li hemû kurdên kurdîzan û ji bo kurdî dixebetin, bi zarokên xwe ra bi kurd dipeyivin, bi kurdî dinivîsin pîroz be !
Kurdê bi kurdî nizane ne kurdekî temam e, dibê vê kêmasiya xwe bibîne û ji ortê rake.
-Miletê zimanê xwe wenda bike her tiştê xwe wenda dike…

XXX
Weleh min îro hema ji nişka ve dîsa manqila xwe danî û izxara xwe çêkir.
Di dema gerê da bîna goşt bi serê min û xanimê ket. Min got xanim weleh ka em jî herin mal û manqila xwe deynin û goştê xwe bibrêjin.
Ji xwe îro rojbûna lawikê me Serhat bû. Me got bira ev jî xelata wî be.
Ez serê we neêşînim me çû goştê xwe, peqlawe û torta xwe kirî û me berê xwe da malê. Hewa zêde ne xweş bû lê îdare bû. Ya muhîm baran nebarî.
Ji şansê xerab ra manqila me got xirt û ket. Mala wê ava, baş li ber xwe da. Ev çend sal in em pê îdare dikin. Tifikek me li hewşê heye lê em zêde bikar naynin. Mecbûrî emê yeka nuh bikirin.
Mixabin min goştê xwe zêde biraşt, hinekî zuha hat. Lê gava zik birçî be çi be jî tê xwarin. Piştî ku me zikê xwe têr kir, me dest bi rexnekirina kêmasiyan kir….


2015-05-14

Inga kommentarer:

Skicka en kommentar

PARVE BIKE