31 oktober 2015

Amed çi ye yaho?

Serokkomarê Tirkiyê şahê diz û keleşan Erdogan, ji bo ku kurd ji Diyarbekrê ra carnan dibêjin ”Amed” xwe pir aciz kiriye û gotiye:
”Mêrik rabûye dibêje Amed. Amed çi ye yaho? Çi diqewime?”
De heger Ensarîoglu û kurdên AKPê mêr in, piçek şexsiyet bi wan ra heye bira ji Erdogan ra bibêjin Amed çi ye!
Weleh ewê tiliya xwe li çavê wan xe.
Bi tirkî navê wê Diyarbakir e û dibê her kes bibêje ”Diyarbakir”!
Ma yê navê Kurdistanê yasax bike, ewê navê ”Amedê” li kurdan yasax neke….

XXX

Şerefa herî mezin meriv ji bo azadiya gelê xwe bixebete.
Bêşerefiya herî mezin meriv bibe zilamê djmin û li dijî azadiya gelê xwe be.
Formulärets överkant

XXX

Ji bo kurdan nuha, di vê merhelê da ya herî baş kêmbûna rayên AKPê ye, AKP bi tena serê xwe neyê ser hukim.
Dibê çeteyên faşîst ji ser hukim da bikevin. AKP jî dibê wek CHPê û MHPê li Kurdistanê nemîne.
Bêyî îktîdara AKPê her netîceya ji hilbijartinan derkeve ewê ji vê dîktatoriya Erdogan baştir be.
Heger îcar jî AKP rayên xwe zêde bike Erdogan ewê har bibe, ewê Kurdistanê bi carê da bişewitîne. Ewê êrîşî PYDê û kurdên Sûriyê bike.
Li Kurdistanê ewê şerekî mezin dest pê bike.
Di nabêna Orhan Mîroglu,Talîp Ensarîoglu û Tayyar Şamîl da tu ferq tuneye.
Şamîl çi be, Miroglu û Ensarioglu jî ew in, ew jî mecbûr in bi qasî Şamîl û Erdogan neyartiya kurdan bikin.
Çimkî ew mecbûr in emeriyê Şamîl û Erdogan bin.
Kurdê vê bindestiyê, vê emirerîtiya Erdogan qebûl neke nabe namzetê AKPê, nikane bibe.

30 oktober 2015

Naskirina însên sinetekî zor e


Bi rastî jî naskirina însên(mirov) sinetekî zor e.
Belkî jî qet ne mimkûn e.
Meriv nizane bi kê çiqasî û heta ku bawer bike, ji kê çuqasî hez bike.
Însan ne zebeşê li ser dikane mêwefiroş e ku tu bi çipiskan kontrol bikî, bizanibî sor bûye ya kal e…
Tu dibêjî a weleh min ev camêr baş nas kir, tu jê hez dikî, baweriya xwe pê tînî, bi salan pê ra hevaltiyê dikî, lê rojek tê tu hew dibînî wek kelekekî kurmî derket. Tu xeyalşikestî dibî.
Tu dibêjî ev pir baş e, xerab derdikve, tu dibêjî xerab e, baş derdikve.
Meriv gêjomêjo dibe, nizane bi kê baweriya xwe bîne, bi kê nîne, ji kê ra bibêje baş e û jê kê ra bibêje xerab e.
Welhasil meriv nizane çi bike, bi kê bawer bike, bi kê neke.
Him baş meriv matmayî dihêlin, him jî xerab.
Baş bi xerabiyên xwe, xerab bi başiyên xwe…
Diyar e ev dinya wiha ye, heta meriv sax be, merivê gelek caran şaşomaşo bibe, di heqê însên da gelek caran matmayî bimîne.
Ji ber ku naskirina însên sinetekî zor e, ezbenî.
Tu jê hez dikî, dilê xwe bi halê wî dişewitinî, baweriyê pê tînî, xêra wî û serketina wî dixwazî, li hemberî wî wefdar dimînî, lê tu dibihîzî ew li nigê te dixe, paşgotiniya te dike.
Naskirina însên sinetekî zor e, ezbenî.
Ne mekteba wê heye meriv herê, ne jî kitaba wê heye meriv bixwîne.
Mekteb jî, kitêb jî û ilim jî jiyan e, heta meriv bijî, di heqê însên da merivê tim tiştên nuh fêr bibe,
carnan xemgîn û carnan jî kêfxweş bibe.
Çimkî naskirina însên sinetekî zor e, ezbenî.
Însan bîreke bêbinî ye, tu hemû benên dinyayê bi hev ve girê bide jî tu nikanî xwe bigihîne binî…


Li Tirkiyê însanên herî bi namûs kurd in.

Meriv bi dilekî rehet dikane bibêje li Tirkiyê însanên herî bi namûs kurd in.
Ji ber ku kurd azadiyê, heq, huqûq, edaletê, demokrasiyê, wekheviyê dixwazin. Li dijî zulmê ne.
Kî li dijî van be, hevalê zulmê be, bindestiya kurdan biparêze bênamûs e.

XXX
”Tu balîf bi qasî ûjdanekî paqij ne nerm e”. Her kesê azadiya kurdan naxwaze, hevalê AKPê ye bêûjdan e, merivekî rezîl e.

XXX
Hin kes him heval û rêberên dijmin in û him jî ji kurdan ra dibêjin hêrs nebin, bîna xwe fireh bikin, xeberan nedin, fikrên xwe bibêjin.
Rast e, xeber ne xweş e, dibê meriv fikrê xwe bibêje, bi edeb be. Lê hevaltiya dijmin jî şermeke ji xeberan pir girantir e.
Kurdê hîn jî bi AKPê ra be, pesnê Erdogan bide bêheya ye, bêûjdan e, bêexlaq e.

XXX
Teror û zulma dewleta tirk û hukûmeta AKPê wisa kir ku kurd xwe nas bikin û fêm bikin ku hemû partiyên tirk dijmin in.

XXX
29ê cotmehê roja biratî û yekîtiya kurdan ya dîrokî pîroz be!
Par di 29ê cotmehê da hêzek pêşmerge bi çekên giran cû Kobanê hawara birayên xwe.
Û piştî çend hefte şerekî giran, pêşmerge û gerîlayên kurd qatilên dewleta tirk û Daîşê şikandin û Kobana birîndar ji çete û qatilan paqij kirin.
Ez salvegera vê serketin û hevkariya kurdan ya dîrokî bi dil û can pîroz dikim…
Bijî 29ê cotmehê roja biratî û yekîtiya kurdan ya dîrokî !


29 oktober 2015

Erdogan: ”Tiştê li bakurê Îraqê çê bû em naxwazin li bakurê Sûriyê jî çê bibe.” *

Ev peyva  Erdogan pir û pir muhîm e, gotiye:
”Tiştê li bakurê Îraqê çê bû, em naxwazin li bakurê Sûriyê jî çê bibe.” *
Nuha we fêm kir Tirkiye ji bo çi bela xwe di PYDê dide?
Nuha we fêm kir Tirkiye ji bo çi bi hemû hêza xwe alîkariya qatilên Daîşê dike?
Mêrik sebebê dijminatiya xwe ya bi PYDê ra pir vekirî aniye zimên, gotiye emê nehêlin kurdên Sûriyê jî wek kurdên Îraqê azad bibin, bibin xwedî statutyeke siyasî.
Yanî derdê wî ne Esad ra, bi kurdan ra ye. Naxwaze tiştê li başûrê Kurdistanê dît li Sûriyê jî bibîne.
Ev neyartiya xwe ya bi kurdan ra qet venaşartiye.
Ez vê peyva Erdogan diyarî hemû kurdên zilamên wî dikim; ew kurdên ku Erdogan wek dostê kurdên başûr dibînin.
Yanî problem ne PKK û PYD ye, mêrik dibêje gerek kurdên Sûriyê jî wek kurdên Îraqê nebin xwedî maf.
Esasê meselê ev e…
Erdogan ji vê yekê ditirse.
Lema jî şerê PYDê dikin.
Lema jî bela xwe ji kurdan venakin.
Bi qasî ku xuya ye federasyona kurdên Îraqê ji Erdogan ra bûye kul, bûye derd, bûye merez.
Naxwaze bi federasyoneke din ev mereza wî girantir bibe.
Lema êrîşî PYDê dikin.
Li alî din dostiya bi kurdên başûr ra jî derew e, azadiya kurdên başûr li ser dilê wî bûye kulek bêderman…
*Recep Tayyip Erdogan:
”Kuzey Irak'ta yaşananı, Kuzey Suriye'de yaşamak istemiyoruz.”
2015-10-28

XXX
29ê cotmehê roja biratî û yekîtiya kurdan ya dîrokî pîroz be!
Par di 29ê cotmehê da hêzek pêşmerge bi çekên giran cû Kobanê hawara birayên xwe.
Û piştî çend hefte şerekî giran, pêşmerge û gerîlayên kurd qatilên dewleta tirk û Daîşê şikandin û Kobana birîndar ji çete û qatilan paqij kirin.
Ez salvegera vê serketin û hevkariya kurdan ya dîrokî bi dil û can pîroz dikim…
Bijî 29ê cotmehê roja biratî û yekîtiya kurdan ya dîrokî !



28 oktober 2015

Şerê Sûriyê şerê Tirkiyê û kurda ye

Şerê îro li Sûriyê heye ne şerê Sûriyê ye, ne şerê hêzên îslamî û Beşar Esad e, ne şerê Daîşê û rejîma Esad e, ne şerê sunî û elewiyan e.
Şerê Tirkiyê û kurda ye.
Ji destpêkê da ev wiha ye.
Dewleta tirk him li Tikriyê û him jî li Sûriyê bi kurdan ra di nava şerekî mezin da ye.
Ji bo ku kurd li Sûriyê wek kurdên başûr/Îraqê nebin xwedî maf Tirkiyê xwe tevî şer kir û Daîş û çeteyên din li xwe top kirin û bera bedena kurdan dan.
Lema jî şerê Sûriyê di esasê xwe da şerê Tirkiyê û kurda ye.
Dibê meriv bi vî çavî lê binêre û wer jî bi nav bike
Lema jî Davutoglu dibêje, ”gerek YPG derbasî wî aliyê ferêt nebe. Heger derbas bibe emê lêxin û ji xwe me du carn jî lêxist.”
Heger ne şerê kurd û tirkan bûya Davutoglu wiha nedigot.
Çimkî tu têkiliya Tirkiyê bi vê meselê tuneye, mafê Davutoglu tuneye kurdan bi vî rengî tehdît bike.
Davutoglu viya ji Daîşê ra, ji El Nusra û qatilên din ra nabêje, ji Esad ra nabêje. Tenê ji kurdan ra dibêje.
Ji ber ku Tirkiye tenê li dijî kurda ye, şerê Tirkiyê tenê bi kurdan ra heye, bêyî kurdan Tirkiye li Sûriyê ne dijminê kesî ye, tenê dijminê kurda ye.
Û Tirkiye ne li Sûriyê tenê, li herderê dijminê kurda ye û şerë kurdan dike…

Def di hustiyê Arinç da û qolik jî di destê Erdogan da bûye

Ev Bulent Arinç bi rasî jî merivekî pir bêşexsiyet e, şelafekî heta hûn bibêjin basît e…
Bêyî ku fedî bike ji Erdogan gazin kiriye, gotiyê li gel ku ez berpirsiyarê TRTê û Ajansa Anadoliyê bûm lê dîsa jî TRTê û AAyê û hin telewîzyonên din ambargo danîbûn ser min.
Hey gidî bêheya û şelafê şelafan, ev 13 sal in hûn li ser hukim in, tu tim merivê duyem bû, berdevk û serdilkê Erdogan bû.
Heta nuha te dengê xwe nekir, piştî ku Erdogan tu ji ber deriyê xwe qewitand qajeqaja te ye û tu van tiştan dibêjî.
Lê tu hîn jî newêrî wek mêran navê Erdogan hildî.
Tu hîn jî geh li mîx dixî geh li solê dixî…
Ya din jî her kes dizane ku te bi xwe eynî zorbatî li muxalifê xwe kiriye. Te bi xwe telefonî telewîzyonan kiriye û nehîştiye Selahedîn Demirtaş dawetî programên xwe bikin.
Lê nuha, gava Erdogan eynî ambargoyê datîne ser te, tu dikî qîjeqîj…
Çawa meriv berpirsiyarê TRTê û cîgirê serokwezîr be û hinek nehêlin meriv derkeve TRTê, beşdarî programekê bibe û fikrê xwe bibêje?
Heger tu merivekî cidî û ne şelûz bûya te yê eynî rojê ew heqaret qebûl nekira, serî hilda û îstîfa bikira…
Lê te ew nekiriye.
Wê demê tu merivekî bêşexsiyet û şelaf î !
Heger ne wisa bûya te heta nuha li hemberî xwe ev heqareta mezin qebûl nedikir.
Û tu hîn jî newêrî yek gotinê li dijî dîktatorekî, zorbayekî wek Erdogan bibêjî. Tu hîn jî dixwazî xwe têxe çavê wî û bibî zilamê wî.
Tu hîn jî bi xurtî wî diparêzî..
Bi Xwedê tu merivekî layiqî wê heqaretê yî, heger tu ne layiq bûya, te yê nehîşta Erdogan şexsiyeta te hewqasî rencîde bike, hewqasî pê li serê te ke.
Erdogan merivê xwe nas dike û li gora wê pê ra dide û distîne. Ew dizane tu merivekî şelaf î û loma jî wêrîbûye TRTê û axaftinê li te yasax bike…
Yanî def di hustuyê Arinç da û qolik jî di destê Erdogan da bûye...
Lê derdikve ortê bê Erdogan dîktatorekî çiqasî zalim e, axaftinê li berdevkê xwe jî yasax dike, him dike berpirsiyarê TRTê û him jî TRTê lê yasax dike. Numûneyeke wiha ez bawer nakim li dinyayê hebe.

Sihet xweş, bersîveke pir xweş e!


Serokê HDPê Selahedîn Demirtaş bersîveke xweş daye gotinên Ahmet Davutoglu ku gotibû, ”dibê PYD derbasî wî aliyê Ferêt nebe, heger derbas bibe emê lêxin û me du caran jî lêxist.”
Demirtaş gotiye,
”Davutoglu dibêje me du caran li YPGê xist. Heger derbasî wî aliyê Ferêt bibe emê lêxin. Daîş li Cerablûsê ye çima tu lê naxî? Efendim YPG ewê derbasî wî aliyê Ferêt nebe ! Ewê derbas bibe Davutoglu ! Binêre YPG ewê derbasî wî aliyê Ferêt bibe û tu yê jî li vî aliyê avê pel pel lê binêrî”!
Sihet xweş, bersîveke pir xweş e, di cî da ye û kurdperwerane ye.
Şerê Davutoglu û Erdogan ne kar û wezîfeya PKKê, PYDê û Demirtaş bi tenê ye, dibê hemû partiyên kurd, her siyasetmedar û ronakbîrê kurd bersîveke wek ya Demirtaş bidin Davutoglu û Erdoganê diz, faşîst û panturkîst.
Tirkên ji her fikrê û ji her îdeolojiyê li hemberî kurdan bûne yek. Dibê em jî li hemberî êrîş û çavsoriyên tirkan bibin yek dil…

XXX
Ma haya we ji tirşikê heye ?
Ji zûda bû min sîteya ”tirşikê” ziyaret nekiribû. Nuha di twitterê da navê Serhat Avci ber çavê min ket. Ji xwe her cara di vê cîhana xeyalî(irreel, sanal)da ez rastî Serhat Avcî têm, pê ra tirşik dikve bîra min. Îcar jî wer bû.
Tirşik yek ji sîteyên kurdî ye ku dibê meriv lê xwedî derkeve, piştgiriyê bidê û dewlemend bike.
Ez bi xwe gelkî dixwazim tê da binivîsim, him rindikî nizanim têkevimê û him jî pê ra nagihînim. Û li gorî min piçekî jî modern e, ez hebikekî klasîk im. Lema jî ez tirşikê baş li hev nebaniyan…
Lê ezê îşev bi belavkirina lînka wê, ezê him reqlema xwe û him jî ya tirşikê bikim.
Heger wexta we hebe seriyekî bidin tirşikê, soz hûnê poşman nebin.
Formulärets överkant


27 oktober 2015

Davutoglu dibêje gerek kurd li Sûriyê tim bindest bimînin


Hukûmeta AKPê bela xwe ji kurdan venake, ev faşîst, barbar û namerdên panturkîst nahêlin kurd li tu dereke dinyayê ji bin zulmê û bindestiyê derkevin û bigihîjin azadiya xwe.
Serokwezîrê Tirkiyê Davutogluyê faşîst kurdên Sûriyê tehdît dike û dibêje,
”Gelşa Sûriyê bêyî Tirkiye ne mimkûn e çareser bibe, denklemeke bêyî Tirkiyê ne mimkûn e. Formuleke Tirkiye qebûl neke ne mimkûn e bimeşe. Heger mimkûn bûya nuha Esad hemû Sûriye kontrol dikir. Ne mimkûn e, ji ber ku 911 km sînorê me bi Sûriyê ra heye. Me ev yek ji Rûsyayê ra jî û ji Emerîkayê ra jî got. Dibê PYD derbasî rojavayê Ferêt nebe. Me ji wan ra got, saniya derbas bibe emê lêxin. Me du caran jî lêxist.”
Hela hûn bala xwe bidin vî mahcirê faşîstê neyarê miletê kurd, ”dibêje gerek PYD derbasî wî aliyê Ferêt nebe, gava bibe emê lêxin”.
Ev jî tê maneya em qebûl nakin kurd welatê xwe rizgar bikin. Em qebûl nakin kurd zora Daşîê bibin.
Li aliyê din dibêje, ”heta ku formuleke Tirkiye qebûl dike neyê dîtin şer li Sûriyê nasekine. Heger mimkûn bûya nuha şer sekinî bû û Esad hemû Sûriye kontrol dikir.”
Bi van gotinan Davutoglu qebûl dike ku Tirkiye li pişt Daîşê ye û Tirkiye şer didomîne. Lema jî heta ku Tirkiye neyê razîkirin şer nasekine.
Dema Davutoglu dibêje emê li PYDê xin û me du caran jî lê xistiye blof nane, rast dibêje.
Merkeza çapemeniyê ya PYDê jî bi beyanekêîro ev îdîa Davutoglu ku ”me du caran li PYDê xist” piştrast kir.
PYD di beyana xwe da dibêje, ”artêşa tirk di 24ê mehê da êrîşê hêzên YPGê yên li ser sînorên Kobanê kir. Şeva 25ê mehê saeet di nabêna 22.00-23.00 da jî artêşa tirk bi çekên  A-4 yên giran êrîşî hêzên me yên li ser sînorê rojavayê Girê Spî kir. Do jî li gundê Zormixar hin êrîşên sûîkastî pêk anîn.”
Yanî êrîşên artêşa tirk rast in.
PYDê êrîşî Tirkiyê nekiriye, zirarek nedaye Tirkiyê, lê Tirkye dîsa jî êrîşî kurdan dike, Davutoglu ne Daîşê, lê kurdan tehdîdt dike.
Ji ber ku Davutoglu ne li dijî Daîşê ye, ew li dijî miletê kurd e, ew neyarê kurda ye.
Daîş du salan li Girê Spî û li ser sînor ma, Tirkiyê rojekê jî xwe aciz nekir, rojekê jî êrîşê Daîşê nekir. Rojekê jî Daîş tehdît nekirin.
Daîş ev du sal in derbasî rojavayê Ferêt bûye, Davutoglu ji vê yekê ne aciz e, lema jî Daîş tehdîd nake. Bira tehdît li wir bimîne, dixwaze hemû Kuristan têkeve destê qatilên Daîşê û ji bo wê jî her alîkariyê bi Daîşê ra dike.
Lê gava Davutoglu dibîne kurd dikin zora Daîşê bibin, kurd dikin sînorên Kobanê û Efrînê bigihînin hev tavilê PYDê tehdîd dike, ji PYDê ra dibêje heger tu Daîşê ji herêma Cerablûsê û Ezazê derxî emê li we xin.
Ji ber ku Daîş mitefikê Tirkiyeyê ye Davutoglu naxwaze PYD herêma Cerablûsê û Ezazê ji Daîşê bigre. Heger Davutoglu ne mitefikê Daîşê bûya  bi îftîxar qala êrîşa ser  PYDê nedikir.
Sînorên Tirkiyê bi Bulgarîstanê, Yunanîstanê, Sûriyê, Îraqê, Îranê, Gurcîstanê û Ermenîstanê ra heye, ne problem e, Davutoglu naxweze kesê ji cîrantiya xw derxe.
Tenê kurdan qebûl nake.
Tenê naxweze kurd bibin xwedî dewlet û cîranên Tirkiyê.
Ji ber ku kurdan dijminê xwe dibîne.
Piştî hewqas neyartî û çavsorî kurdê hîn jî bi AKPê ra bimîne, hîn jî raya xwe bide AKPê, hîn jî bibe parlamenter û wezîrê AKPê kurdekî pir bêxîret e, cahş e, xayinê qewmê xwe ye. Bi meriv ra piçek ûjdan û xîret hebe meriv vê çavsoriya van zaliman qebûl nake.


26 oktober 2015

Bira qet kes xewnan nebîne, AKP perçe nabe



Bulent Arinç, do li Wanê bi muxtar û hin merivên AKPê ra civînek çê kiriye. Di vê civînê da ji HDPê û PKKê ra gotinên nemayî, gotinên pir giran kiriye.
Arinç, careke din nîşan da ku ew çi xebîs e, çi faşîstekî demagog e û herî kêm bi qasî Erdogan neyarê miletê kurd e.
Lê hin kurd zû bi demagojiyên Arinç dixapin.
Çend roj berê kesên ji demagojiyên Arinç ra li çepikan xistin û di nava AKPê da qala muxalefetê û veqetandinê kirin, nuha xeyalşikestî bûne.
Min di nivîsa xwe ya du roj berê da jî got Arinç, sîleheke xerabe ye, ne tu mêr e, neyarê miletê kurd û ne mimkûn e biwêribe li heberî Erdogan rabe. ” Abdullah Gul û Bulent Arinç du namerdên di ser hev ra ne, yek jî ji Erdogan ne baştir e.
Arinç merivekî pir bêşexsiyet e, fêlbaz e, virek û bêexlaq e. Merivekî pir sivik e.”
Ji ber ku ew şexsiyet bi Arinç ra tuneye, ji ber ku merivekî ne di wê çapê da ye, lema jî nikane li hemberî Erdogan rabe.
Arinç dikane bibe mirîd, lê nikane bibe şêx.
Bi baweriya min perçebûna AKPê  ne mimkûn e, heta Erdogan sax be û bixwaze siyasetê bike AKP perçe nabe.
Hinek jê veqetin jî, heta partiyeke nuh çêkin jî vala ye, tişt jê der nayê, nikanin bibin raqib û alternatîfên Erdogan.
Lê ji xwe tu tiştekî AKP bide demokrasiya Tirkiyê tuneye. Wê rola xwe ya pozîtîf lîst, êdî tevgereke nîjadperest, paşverû û panturkîst e.
Bi sedan, bi hezaran însan ji PKKê jî veqetiyan, lê PKK tu carî perçe nebû û ji nava PKKê alternatîfê Abdulah Ocalan derneket.
Derneket ji ber ku lîderekî di çapa Ocalan da, yekî kanibe li hemberî wî rabe di nava PKKê da tuneye.
Û heta Abdulah Ocalan sax be jî ne PKK perçe dibe û ne jî ji nava PKKê raqibekî wî derdikve.
PKK Ocalan e, Ocalan PKK ye.
Heger Ocalan bi xwe dev jê bernede kes nikane Ocalan û PKKê ji hev biqetîne ya jî PKKê perçe bike.
Ev yek ji bo AKPê jî wiha ye, Erdogan AKP ye, AKP Erdogan e, kes nikane wan ji hev biqetîne ya jî biwêribe li hemberî Erdogan rabe.
Û heger rabe jî vala ye, nikane bibe hêz.
Çawa ku yên ji PKKê veqetiyan nebûn hêz, yên ji AKPê veqetin jî nikanin di nava gel da bibin hêz.
Bi dîtina min ev yek ji bo gelek partî û rêxistinên din jî wiha ye. Mesela meriv dikane ji bo tevgera DDKD/KIPê jî bibê.
DDKD/KIP, berhemeke rahmetî Emer Çetîn bû, bi xêra wî, bi navê wî û bi saya giranî û pêşegiya wî di demeke pir kin da li Kurdistana bakur bû hêza herî mezin, herî xurt.
Lê di 1980î da piştî ku Emer Çetîn dev ji serokatiya KIP(PKK)ê berda, ya jî nexwest wek destpêkê dom bike, lema jî tevgera KIP/DDKDê qediya.
Piştî Emer Çetîn, KIP ket destê xeşîm û nezanan, hin kesên ne ehil û ne layiq bûn serok û birêvebirên KIPê û ew hêza herî mezin hêdî hêdî qedandin û dû ra jî çûn li mala xwe rûniştin.
Keştî bi kaptanê xwe dikane bigihîje hedefa xwe, balafir bi pîlotê xwe dikane bifire û partiyek jî ancax bi serokê xwe dikane bijî, mezin bibe ya jî biqede.
Partiyên di destên lîderên hoste da man û mezin bûn û yên ketin destên ecemî nezanan jî mirin.
Mixabin di civata me da rola serok esas e, ev yek wiha ye,
Eynî tiştî meriv dikane ji bo Riya Azadî-TKSPê jî bibêje.
Ev tevger jî berhemeke Kemal Burkay e û heta ku Burkay li ser serê TKSPê bû û aktîv siyaset dikir, TKSP baş, xerab wek hêz hebû.
Lê roja Kemal Burkay dev ji serokatiya TKSPê berda, TKSP di praktîkê da qediya, tenê wek navekî ma.
Û nuha jî ji partiyekê bêtir, wek navekî heye.
Numûneyeke din jî meriv dikane ji başûr YNKê û Mam Celal nîşan bide.
Binêrin piştî nexweşiya Mam Celal, YNK jî bû heft serî, her kes li têlekê dixe.Giranî û îtîbara wê ya berê nema.
Ez bawer dikim piştî wefata Mam Celal, YNK ewê bêtir jî perçe bibe û belkî jî çend partî ji nav derkevin.
Yanî bi van numûneyan dixwazim balê bikşînim ser rol û giraniya serok û lîderan.
Ji ber ku civatên Rojhilat bi gelek aliyên xwe, bi taybetî jî ji aliyê kultura siyasî ve qet naşibe civatên Rojava.
Di cibvatên Rojhilat da rol û oterîteya lîderan, serokan pir mezin e, gelekê caran gava serok dihere ew tevger jî diqede. Û heta hebe jî tevger naqede, jiyana xwe kêm zêde dom dike.
Li Rojava helbet ne wiha ye, erê li wir jî tesîra lîderên karîzmatîk heye, lê ne wek civatên Rojhilat e. Li Rojava însan ji serokan bêtir didin pey îdeolojî û berjewendiyên xwe yên sinifî û grûbî.

Ev operasyona li hemberî Daîşê qet neket serê min !

Ev operasyona li hemberî Daîşê ji ku derket, çima îcap kir?

Êcêba giran, li Diyarbekrê polîs vê sibehê girt ser maleke Daîşê. 
Li gorî medyaya tirk dinivîse du(2) polîs û heft(7)çeteyên Daîşê hatin kuştin.
Ev operasyona ji nişkave ji ku derket, çima hewce kir?
Heta nuha hukûmetê çipiskek jî li qatilên Daîşê nexistiye, ji bo çi îro ji nişkave avêtin ser maleke wan û him jî li Diyarbekrê? Ev mesele hinekî tarî ye.
Di operasyonê da miheqeq hîleyek, planek û dolabeke Erdogan heye.
Ji ber ku polîs li ciyê rehetiyê naçe navêje ser mala terorîstên Daîşê.
Ya şaşiyek heye, ya jî planeke li pişt vê operasyonê ye…
Miheqeq bi hawakî, ji ber zixtên hin deran mecbûr man operesyoneke wiha bikin.
Lê qet texmîn nedikirin ewê hewş mayinkirî be. Lema jî polîsan pê li mayinan kirin û dudu mirin û dudu jî birîndar bûn.
Dibe ku têkiliya vê operasyonê bi hilbijartinan ra hebe.Dixwazin di propagandeyên hilbijartinan da ji xwe ra bikin malzeme, bibêjin mezê, va ye me li hemberî Daîşê operasyon kir û ji wan 7 kes kuştin. Çimkî hevaltiya wan û Daîşê pir deşîfre bûye. Loma jî bi vê bûyerê dixwazin hevalbendiya xwe ya bi Daîşê ra kamufle bikin.
Di rojên pê da, piştî hilbijartinan ewê mesele zelal bibe…

25 oktober 2015

Tirk li Japonyayê jî rehetiyê nadin kurdan

Tirkan li Japonyayê jî êrîşî kurdan kirin.
Li Japonyayê jî mafê jiyanê nadin kurdan.
Li Japonyayê jî xwîna kurdan rijandin…
Li gorî tirkan dibê kurd li vê dinyayê nemînin. Li ku hebin dibê werin kuştin, werin terorîzekirin.
Ev dîtina miletê tirk e, ya deweleta tirk e, ya irqçî, faşîst û dîndarê tirk e. Ya AKPê, MHPê û ya CHPê ye.
Yanî hin îstîsna ne tê da hemû tirk kurdan wek neyarên xwe dibînin, lema jî ji kurdan bêhed û bêhesab nefret dikin.
Yanî dibê meriv neyartiya tirkan bi partiyekê, bi hêzekê sînor neke.
Kurd ji bo ku rayên xwe bidin li ber sefareta Tirk ya Tokyoyê kom bûne. Komek tirk li dora 50 kesî êrîşî kurdan kiriye û gelek kes birîndar bûne.
Li ciyê rehetiyê, kurdan tiştek bi wan nekiriye, tu zirareke nedaye wan, lê dîsa jî êrîş dikin.
Li Swêd jî eynî tişt kirin. Li her dera kanibin wek gurên har êrîşî kurdan dikin.
Hin kes van êrîşan bi MHP, bi faşîstan ve girê didin. Dibêjin ”faşîstan” êrîşî kurdan kirin…
Lê bi dîtina min ev ne rast e, faşîst ne nefaşîst, MHP ne MHP, irqçî, ne irqçî tirk wek milet neyarên kurdan e û bi hev ra êrîş dikin.
Belkî ji hezarî yekê tirkan êrîşî kurdan nake. Ev jî ne reqemeke muhîm e.
Lema jî faşîst, ne faşîst tirk neyarên kurdan e, li her derê êrîşî kurdan dikin. Yên faşîst jî êrîş dikin û yên ne faşîst, kemalîst jî û dîndar jî êrîşî kurdan dikin. Dibê em viya baş bibînin.

XXX
Însan carê dest bi derewan bike hew dikane dev jê berde. Êdî bi derewekê, du derwan nayê serî, dibe kûreya derewan.
Erdogan û Davutoglu du numûneyên zindî ne. Herdu jî bûne nexweşên derewan, du mitomanên ji hev wêdatir.

Ji bo yek saliya PAKê


Gelî dost û havalên ezîz,
di ser avakirina partiya we PAKê ra salek derbas bû.
Di vê sala borî da we xebateke pir hêja kir û îmtihaneke pir baş da.
Ez we ji dil û can pîroz dikim.
Ez wek dostekî, hevalekî we yê kevn û dilxwazekî PAKê, yeksaliya damezirandina PAKê ji dil û can li hemû endam, kadir, berpisiyar û damezrênerên PAKê pîrzoz dikim.
Û ji partiya we ra jiyaneke serketî û berhemdar dixwazim.
Hevalên hêja,
di jiyana partiyan da salek demeke pir kin e, hîn destpêk e, dema xebata bi destopelkê ye.
Di salekê da zarok jî bi ser nigan nakevin.
Ev yek ji bo partiyên siyasî jî wisa ye.
Hinekî din wext û xebat lazim e.
Lê li gel vê dema kin jî bi baweriya min we bi xebata xwe,
bi dengê xwe yê nuh,
bi fikir û şêla xwe ya kurd û Kurdistanî,
we ruh û hestê netewî di nava kurdan da geş kir.
Pir biçûk be jî we hêviyek da însanan,
da kadir û kesên welatparêz.
Hûn nebûn dostê hinekan û dijminên hinekên din.
Ev gelkî muhîm e.
di anva kurdan da ev dîtin û xeteke nuh e.
Dibê meriv vê xetê, vê siyasetê xurt bike.
Ya li ba kurdan kêm ev e.
Li hemberî her rûdanê, her bûyer û gelşê we sekneke serbixwe û netewî nîşan da.
Bi baweriya min li Kurdistanê, di nava kurdan da ev, şêlelek nuh û siyaseteke nuh e.
Kurd îro roj motajî siyaseteke wiha ya netewî ne.
Dibê em berjewendiyên netewî di ser her berjewendiyê ra bigrin.
Dibê êdî kultureke nuh, adeteke nuh di nava siyaseta kurd da peyda bibe.
Meriv dikane bi dîtin û siyaseteke netewî nebe dijminê tu hêzê, tu partiyê.
Dostiya partiyekê ne şert e me bike dijminê oartiyeke din.
Ev mimkûn e.
Bi kurtî, di vê dema pir kin da we xebateke ji gelek partî û hêzên ji we pir kevintir û bi tecrûbetir kir.
Û di saha siyasî û di nava kurdan da jî we ji xwe û ji partiya xwe ra hurmet û giraniyeke hêja û bi rûmet peyda kir…
Ez hêv dikim ev xebata we ya giranbuha û bi îstîkrar,
ev siyaseta we ya kurd û Kurdistanî,
ev şêl û îdeolojiya we ya netewî, Kurdistanî, demokrat, xweşbîn
û ji hemûyan jî girîngtir ya avakar tu carî kêm nebe, her berdewam be.
Wek li her çar perçeên Kurdistanê, li Kurdistana bakur jî hewcedariya kurdan bi siyaseteke netewî û avakar heye,
hewcedariya kurdan bi hevkariyê û yekîtiyê heye.
Hêvî dikim PAK, di vê rewşa krîtîk ya dîrokî da li Kurdistanê bibe partiyeke xwedî hêz û xeteke nuh ya netewî.
Di kar û xebata we ya netewî, ya ji bo kurd û Kurdistanê da ji we ra serketinê dixwazim û careke din yeksaliya PAKê ji dil pîroz dikim.
Bijî dostî, hevkarî û yekîtiya kurdan !
Bijî azadî û serxwebûna kurdan!
Bijî kurd û Kurdistan !
Zinarê Xamo
Stockholm
2015-10-16


Bulent Arinç sîleheke xerabe ye


Hin kesan heta nuha di hin beyan û gotinên Abdullah Gul da keramet dibîtin û jê hin netîceyên dijberiya Erdogan derdixistin.
Ev du sê roj in îcar jî hin gotinên Bulent Arinçê teqlebaz û fêlbaz belav dikin. Fena ku Arinç hatibe ser riyeke rast…
Efendim Arinç nizanim li dijî Erdogan çi gotiye, nizanim filan gotina wî tê çi maneyê, nizanim di mesela kurdan da çi îtîraf kiriye, filan û bîvan.
Birayên delal, ez heyrana çavên we, Abdullah Gul û Bulent Arinç du namerdên di ser hev ra ne, yek jî ji Erdogan ne baştir e.
Arinç merivekî pir bêşexsiyet e, fêlbaz e, virek û bêexlaq e. Merivekî pir sivik e.
Bi dîtina min ne hêja ye meriv wî bigre cidiyê û gotinên wî belav bike…
Guh nedin hin reqlaman, hemû tiyatro ye.
Gul jî û Arinç jî wek Erdogan panturkîst in û neyarên miletê kurd in û ne ji hedê bavê wan e li hemberî Erdogan rabin.
Yanî bi hev nakevin, çimkî hemûyan bi hev ra gelek sûcên mezin kirine.
Lema jî zû bi zû terka hev nakin…
Ya din terkan hev bikn jî, ji AKPê veqetin jî ewê çi bibe û çi biguhere ku?
Dibê ev partî, ev îdeolojî jî wek kemalîzmê li Kurdistanê pûç bibe, were qewirandin.
Çavê li deriya xwelî li seriya!
Ji nava AKPê hêzeke demokrat dernakeve. Dibê hezeke altarnatîfê van dizan û panturkîstan derkeve, dibê ne bi derewan, bi rastî demkrat bin û ji bo Tirkiyê demokrasiyê bixwazin.
Ji nav vê tevgerê hêzeke wiha dernakeve.
Ji hesenê xerab şûrê baş çê nabe. Malzebe xerab e…


24 oktober 2015

Min îşev bi hin dost û hevalan ra demeke xweş borand


Kitêbxaneya kurdî ya Stockholmê ji bo alîkariyê îşev şeveke kulturî çêkiribû. Ez nuha ji wir têm. 
Weleh gelek kurd hatibûn. Alîkariyeke baş jî top kirin.
Camêran xwarinên kurdî û şerab dan me.
Şeveke xweş û bi qalîte bû.Şahiyên wiha kurdan tîne ba hev û bîna meriv fire dibe. Em kurdên li dîasporayê hewcedarî şahiyên wiha ne. Enerjiyê dide meriv.
Xanim Roza Kurdî kovara ”Zarema” difrot. Ji min pirsî bê hela ez nakirim. Min got ma ez nekirim kê ewê bikire?
Hemû hejmarên wê tunebûn. Min hejmara 4 û 5a kirî.
Heta nuha min kovara ”Zarema” nedîtibû, min nuh dît. Nav û dngê wê min bihîstibû, lê ew bi xwe nedîtibû.
Wa ye îşev dîtina wê bû qismetê min.
Di hejmara 4a da li ser asîmîlasyonê nivîseke Mihmed Şarman heye. Bi rê da min hinek jê xwend. Ezê bixwînim. Mijareke pir balkêş e. Gelo asîmîlasyonê çi tesîr li miletê kurd, li rih û hişê kurdan kiriye, Şarman di nivîsa xwe da li ser vê mijarê radiwesta.
Mijara vê hejmarê femînîzm e, nabêna min û femînîzmê zîde tuneye lê dîsa jî ez lê binêrim. Belkî hin nivîsên balkêş hebin.
Di hejmara 4a da jî li ser bêdewletbûnê û nasnameyê hin nivîsên balkêş hene.
Bi îzna Xwedê hêdî hêdî ezê bixwînim….

Heger ji te were em zanin tu nahêlî

Erdoganê faşîst li Dîlokê(Entabê)dîsa zirt dane xwe, kurd, Rûsya û Emerîka tehdît kiriye, gotiye:
”Derdê wan girtina bakurê Sûriyê ye. Ez viya vekirî dibêjim. Emê bakurê Sûriyê tu carî nekin qurbana planên ew çê dikin. Ev ji bo me tehdîdê teşkîl dike. Ne mimkûn e ku em ji vê tehdîdê ra bibêjin erê. Emê planên wan yên bakurê Sûriyê ebeden qebûl nekin” filan û bêvan.

Erdogan  herwisa gotiye ji sedî 90ê Girê Spî ereb in, ji sedî 5ê tirk in û ji sedî 5 jî kurd in, lê PYDê ew der kiriye kanton.
Wey agir bi derewên te keve, îcar ji sedî 90 ereb û 5 jî kurd ! Ew jî zane rastî eksî wê ye lê ji derewan fedî nake.


Mêrik eşkere dibêje ez qebûl nakim kurd li Sûriyê jî bibin xwedî maf û statu.
Û heger hewce be ewê Kurdistana rojava jî îşxal bikin.
Viya em dizanin. ne hewce ye tu bibêjî, em dizanin tu çi mal î.
Hema çi ji destê te tê qet texsîr neke.

Lê vana tehdîdên vala ne, heger Emerîka û Rûya bixwzin û bi kurdna ra bêbextiyê nekin Tirkiye nikane tu jahrê jî bixwe. Fort û tehdîdên Erdon wek qurrequrra beq e, kes ji qurrequrra beqan natirse.
Bi şerê Sûriyê tiştek ji bo kurdan baştir eşkerebû, tu dijmin, tu deleta îşxalkar bi qasî Tirkiyê û hukûmeta Akpê ne tahlûke ye.

Heta ji Erdogan û hukûmeta AKPê were ewê li her çar perşên Kurdistanê xerabiyê bi kurdan bike, nehêje kurd li Sûriyê bibin xwedî maf.

Lê heger tifaqa me hebe, heger em bi hev nekevin Tirkiye bêyî fortên vala nikane tu tiştî bike.
Tenê dikane nîşan bide ku ew gelkî dijminê me ye…

XXX


XXX
Xwedê Davutoglu şaş kiriye û rastî pê daye gotin: Hevalê zaliman û qatilan di kongreya Hak-Îşê da gotiye:
”Zalimek li ku hebe emê li ba wî bin…”
Peyva rast rast e, kî dikane bibêje derew e ?
Û ji ber ku dizanin bêhemdî rastî gotiye, yên lê guhdarî dikin jî jê ra li çepikan dixin. Yanî Ahmedkê me dîsa baş fahş bûye.
Ji xwe eksê wê ne normal e, bêguman zalim ewê tim li ba zaliman û li pişta zaliman bin.
Lê belê îqrara wî helbet pir xweş bûye…

Ji ber ku bi kurdî kilamek got tirkan ew kuştin


Li gorî ku sîteya Avestayê dinivîse, dengbêjê kurd Selîm Serat, ji ber ku bi kurdî straye li Stenbolê ji alî tirkan ve hatiye kuştin.
Û him jî li ser sahnê dikujin. Gava bi kurdî distirê tirk êrîşî ser sahneyê dikin û wî didin ber kêran. Û li ser sahnê temam dikin!
Ev ne tişekî nuh e, ”birayên” me (!) yên tirk ji zûda ye axaftin û stranên kurdî li me qedexe kirine. 
Kî li bajarekî tirkan bi kurdî bipeyive ya jî bi kurdî bistirê dîrekt ya tê kêrkirin ya jî lînckirin.
Diyar e kurdperwerê hêja şehîd Selîm Serhat ya haya wî ji vê qedexeye tirkan tunebûe ya jî ji bîr kiribûye.
Ev, barbarî û faşîzmeke dirinde ye, ji nazîzmê jî xerabtir e. 
Însan çawa ji ber zimanê xwe were kêrkirin û kuştin?
Li Tirkiyê êdî her kurd di binê tahlûkê da ye, kurdên kanibin Tirkiyê terk bikin dibê vegerin welatê xwe.
Û êdî her kes, kurdê ”baş jî û yê xerab” jî dibê ji bo welatekî azad, ji bo Kurdistaneke serbixwe bixwebite.
Wek kurd bi tirkan ra şertên jiyaneke bi hev ra nemaye, dibê kurd li welatê xwe bibin xwedî desthilat. 
Wekî din rê tuneye…
Bi şehadeta Selîm Serhat pir xemgîn bûm. Ji malbat û zarokên wî ra serxaxiyê dixwazim…

XXX

Ez dixwazim bibim ferdê miletekî azad û li Kurdistaneke azad bijîm. Ez dixwazim berî mirina xwe wê azadiyê, wê hewayê tenefus bikim.
Bibînim hela bîhn û hewa welatekî azad çawa ye…
Bavê min ji min ra welatekî azad nehîşt, lê ez dixwazim ji zarokên xwe ra, ji neviyên xwe ra welatekî azad li dû xwe bihêlim. Bi wê xeyalê dijîm. 
Ji bo ku ew jî weke min bindest nejîn û bindest nemirin…

23 oktober 2015

Îro li Swêd rojeke reş e


 Qetlîama çar sal berê(2011) Anders Behring Breivik li Norweçê kir, îro li Swêd li dibistaneke bajarê Trollhettan jî qewimî.
Lê Xwedê kir ku wek ya Breivik mezin nebû. Breivik 69 xort kuştin, Anton Lundîn Pettersson du kes kuştin û dudu jî birîndar kirin.
Xortekî swêdî bi navê Anton Lundin Pettersson, îro(22/10)saet li dora 10ê sibê bi şûrekî dihere mektebeke ku hema hema hemû xerîb in û êrîşê zarokan dike.
Ji ber ku bê çek bû, bi şûrekî êrîş kiriye, lema jî g...elek zarok ji mirinê xelas bûn. Heger bi çek bûya ewê bikanîbûya gelek kî bikuje.
Mamosteyek rê li ber digre, nahêle têkeve hundur sinifê û bi vî hawî rê li ber komkujiyeke pir mezin digre. Lê mamoste bi xwe tê kuştin.
Di demeke pir kin da hejmareke pir zêde koçber hatine Swêd û rojê bi hezaran jî tên.
Xanî tunene, ciyên li bimînin tuneye, bi hezaran di çandiran da dimînin.
Xaniyên belediye ji bo demekê dibînin, rasîst dişewitênin. Di nava du sê heftan da 15 cî şewitandin.
Ji ber ku jimareke pir hatiye û her roj bi sedan însan tên, lema di nava swêdiyan da jî li dijî xerîban dijminatiyeke pir mezin û pir tahlûke çêbûye.
Her dem dikane bûyerên pir mezin biqewimin, komkujiyên mezin çê bibin.
Kesên tên ne tenê koçberên ji Sûriyê yên misteheq in. Feqîr ji her welatî tên.
Ji Afganîstanê, Pakîstanê, Bengladeşê, Somalî, Erître, filistînî û ji Afrîkayê her roj bi sedan însan tên.
Bi kurtî rewş li Swêd pir krîtîk e, her tim dikane bûyerên pir nexweş biqewimin.
Ereban Sûriye, Îraq, Lîbye, Yemen xera kirin, nuha jî bela xwe anîn Ewrûpayê.
Heger wiha here li gelek welatên Ewrûpa ewê di nabêna koçber, mahcir û ewrûpiyan da bûyerên pir mezin derkevin, şerên mezin biqewimin.
Mesele ji çarçeweya, sînorê rasîstan geêkî buhuruye, êdî însanên ne rasîst jî, kesên demokrat jî ketine panîkê û li dijî vê koçberiya bêdawî gelkî nerehet in.
Ji ber ku her roj dikşe, tu carî dawî nayê. Û welatekî wek Swêd biçûk, bi 10 milyon nufûs ji nişka ve nikane çensed hezar, milyonek koçber bigre.
Ev ne mimkûn e…
Çimkî li van deran kesên tên dibê dewlet cî bide wan, zarokên wan bişîne dibistanê, li wan binêre.
Yanî wek Tirkiyê koçberan bera çolê nadin, berî her tiştî dibê xaniyan bidin wan û ew jî êdî ne mimkûn e.
Lema jî problem pir mezin e.Û musebîbê vê yekê jî Erdogan û û hukûmeta AKPê ye. Tirk van koçberan top dikin û dişînin ser Ewrûpayê.

22 oktober 2015

Xanimê îşev dîsa ji xwe ra kêf kir.


Min ji ciyê kar têlek dayê, jê ra got, xanim, îşev tu şîv mîvan çêneke û xwe newestîne. Ezê bi xwe ra masî bînim.
Gelkî kêfa wê hat, çimkî dizanîbû ewê him rehet bike û him jî xwarineke xweş bixwe.
Min çû sê sorikên xwe û soseke hêkên masiyan û hinek hişnayî kirî û berê xwe da mal.
Min berê zeleteyekî firingiyan(şamika) û pûngê yê pir taybet hazir kir. Bi zeyt û îsotê Ruhayê…
Dû ra jî min masiyê xwe bi îtîna û hostayiyeke mezin baş baharat kir û sor kir.
Piştî hertişt xelas bû, min mase hazir kir û şûşeyek şeraba sor jî vekir û danî ser masê. Û dû ra jî bi nezaket û bi hezkirin min ban kirê, min got:
-Xanim, kerem bike xwarin hazir e…
Heta wê çaxê li salonê rûniştibû û li telewîzyonê temaşe dikir. Rabû hat li ser sifra hazir rûnişt…
Min jê ra got:
- Xanim, bi Xwedê şansê te heye ku tu li yekî wek min nazik û dilbirahm rast hatiye. Tu bi qedrê Xwedê dikî di nava kurdan da çend kesên wek min hene ?
Peyeva min zêde neket serî, mizicî û bêdil got, ”ez zanim, eynî were ye…”

Çetîn Altan jî îro xatir ji dinyayê xwest


Çetên Altan, di nivîsa xwe ya bi navê “Welatê min xeyal dikir ne ev bû” da wiha gotibû:
“Welatê me xeyal dikir û dixwest ji neviyên xwe ra bihêlin ne ev bû. Wer xuya ye bêyî ku bibînim demokrasî were welatê min, ezê ji vê dinyayê bar bikim û herim.”
Bi rastî jî wisa bû. Çetîn Altan, bi hesreta dîtina welatekî demokratîk, azad û adil îro di 88 saliya xwe da ji nava me koç kir.
Helbet Çetîn Altan gelk dixwest li Tirkiyê bibe şahidê hatina demokrasiyê. Lê ev yek ne bû qismetê wî.
Bes du ewladên demokrat û şervanên demokrasiya wî xeyal dikir li dû xwe hîştin. Hêvî dikim Ahmet Altan û Mehmet Altan vê wezîfeya xwe baş bînin cî û qet nebe neviyên wan wê demokrasiyê bibînin.
Lê bi dîtina min heta kurd azad nebin û Kurdistan çê nebe demokrasî memorasî nayê Tirkiyê û tirk jî wek milet medenî nabin.
Çetîn Altan, di 88 salên jiyana xwe da jiyaneke dewlemend ku nabe qismetê her kesî jiya. Bira serê malbata wî sax be.

XXX
Dev ji reqlama Abullah Gul berdin. Gul 12 salan hat ceribandin. Xerab deh caran jî werin ceribandin netîce her eynî ye.
Xerab xerab e, bi ceribandinê baş nabe.
Erdogan çi be Gul jî eynî jahr e, heta jê xerabtir e jî.
Lê ji xwe tevgerên îslamî bi îktîdara AKPê îmtihaneke pir xerab dan, nîşan dan ku ew ji kemalîstan pir û pir xerabtir û tahlûketir in.
Û di mesela kurd da jî ji miliyetçiyên tirk û kemalîstan ne pêşdatir in.
Lema jî careke hêviya ji Abdullah Gul hêviyeke bênbingeh û beyhûde ye…


21 oktober 2015

Di heqê kurdan da tu çi difikire?


Fîlozof û sosyologê sloven Slavoj Zizek, ji bo ku meriv bizane erebek demokrat e, ya jî ne demokrat e metodek pir xweş dîtiye. Gotiye:
”Gava hevalên min yên ereb dibêjin ”ez demokrasiyê diparêzim” ez bi vê pirsê test dikim: Di heqê kurdan da tu çi difikirî? ”
Ne ji bo naskirina ereban tenê, ji bo tirkan û farisan jî meriv dikane eynî testê bike, eynî metodê bi kar bîne, ”di heqê kurdan da tu çi difikirî” ?
Bi bersîva vê pirsê kî çi mal e diyar dibe…
Çimkî ev pirs eynî wek kevirê mîhengê ye, tavilê eyarê însên eşkere dike.








XXX



Tehdîda Davutoglu ya bi "Torosên spî" îtîraf e,  dibê kurd vê beyana Davutoglu wek îtîrafekê qebûl bikin û li dewletê dozê vekin.
Serokwezîrê Tirkiyê Ahmet Davutoglu do li Wanê got:
 ”Heger AKP ji ser hukim da bikeve li van deran ewê dîsa wek berê Torosên spî bigerin.”
Davutoglu, bi van gotinên xwe eşkere kurdan dîsa bi revendinê û kuştinê tehdît dike.
Mêrik vekirî dibêje heger hûn rayên xwe nedin me û me bixînin, tiştên JITEMê di salên 90î da anî serê we, ewê dubera bibe.
Wê gavê ev ekîba qatilan hîn heye û Davutoglu jî vê ekîbê nas dike û di bin destê xwe da digre. Û ji kurdan ra dibêje heger em ji ser hukim da bikevin emê benê van qatilan vekin û berdin ser we. Wekî din tu maneyeke vê gotina Davutoglu tuneye.
Wek tê zanîn di destpêka salên 1990î da çeteyên dewletê bi biryareke merkezî li serenserê kurdistanê dest bi revandin û kuştina kurdan kirin.
Qatilên dewletê bi piranî bi wesaîtên spî ku jê ra digotin ”Toros” digeriyan û kurd direvandin, dikuştin.
Di nava salên 1990-1994a da dewletê bi vê riyê tam 17 hezar kurd bi qatilên xwe yên JITEMê dan kuştin.
Û hîn û hîn jî ji qatil û berpirsiyarên van cînayetan, ji yên ev emir didan heseb nehatiye pirsîn.
Davutoglu, kurdan dîsa bi van qetlîaman tehdît dike, dibêje heger hûn me bixînin ”Torosên spî” ewê dîsa li van deran peyda bibin.
Bi van gotinên xwe Davutoglu wek serokwezîrê Tirkiyê îtîraf dike ku dewletê di salên 1990î da 17 hezar kurd qetil kirine.
Û ya duyem jî diyar e ku JÎTEM hîn nehatiye lewxkirin, hîn heye û faal e. Û Davutoglu jî vê sîstemê nas dike, lema jî dibêje dema hûn me bixînin dewletê dîsa ”Torosên spî” bişîne ser we.
Kurd dibê vê beyana Davutoglu wek îtîrafekê qebûl bikin û li wî û li dewletê gilî bikin.

Çîroka mar û însên


Di wext û zemanekî pir kevin da, gava dinya hîn nuh bû, mirin li dinyayê tunebû. Mirin li asîmanan li ba Xwedê dima.
Rojekê mirinê ji Xwedê ra got:
-Ez dixwazim dakevim jêr, herim dinyayê. Xwedayê min, min bibe bibe dinyayê.
Xwedê got:
-Na.
Mirinê got:
-Ji bo çi na? Baştir e însan bimrin.
Xwedê dîsa got:
-Na. Min soz daye însên ewê nemir bin. Gava çermê wan kevn bû ezê çermê nuh bidim wan.
Lodeke pir mezin ya çerman li asîmanan li ba Xwedê hebû. Xwedê rojekê ewê bida însanan. Ew roj hat û Xwedê hemû çerm(post) xist selikek(zembîlek) mezin û ji kûçik(seg) ra got:
-Viya bibe dinyayê bide însanan.
Kûçik selik(zembîl)girt û berê xwe da dinayyê. Rê pir dirêj bû û kûçik bi rê da birçî bû. Piştî demekê rastî hin lawiran hat. Hemû li hev kom bûbûn, wexta xwarinê bû, dikirana xwarineke xweş bixwin.
Hîştin kûçik jî tevî wan bibe û bi wan ra xwarinê bixwe.
Kûçik birçî bû, xwar û xwar, gava bû şev westiya, selik danî kêleka xwe û dest bi bînvedanê kir.
Bîstek derbas bû marekî xwe kişkişand bawî û bi meraq jê pirsî, got:
-Ev çi ye di selika te da ye?
Kûçik got:
-Çerm e(post e) ez dibim ji însên ra. Dema çermê wan kevn bibe ewê viya li xwe kin.
Mêr(mar) demeke dirêj bala xwe da selikê...
Roja din gava kûçik bi xwe hesiya selik(zembîl)tunebû. Fêm kir ku mar selik biriye. Nuha tu çermê bida însên tunebû.
Ewê çi bikira?
Biryara xwe da riya xwe bidomîne.
Dema gihîşt dinyayê çîroka çerm û selikê ji însên ra got. Got:
-Çermên Xwedê ji we ra şandibûn bi rê da mar ji min dizî.
Însa pir qeherîn. Rabûn çûn ba Xwedê û jê ra gotin:
-Çermên me mar biriye. Em çermên xwe dixwazin! Dibê çermên me hebe!
Xwedê ji însên ra got:
-Nuha baş li min guhdarî bikin! Ez çerm nadim we. Û ez nafikirim wan çerman ji mêr(mar) bistînim. Hûn însan in, dema hûn kal û pîr bûn hûnê bimrin…
A bi vî hawî Xwedê mirin da dinyayê.
Însan pir xemgîn bûn. Lema jî ji wê rojê da ye însan ji mar nefret dikin. Hertim dixwazin wî bikujin.
Mar jî tim xwe ji însên dûr digre û di tenêtiyê da dijî.
Hemû cerm(post) li ba mar in, gava postê wî kevn dibe bi yekî nuh diguhere.
Mar li dinyayê tekane mexlûq e dikane postê xwe biguhere û jiyana xwe bidomîne.


20 oktober 2015

Baroya Anqerê û beyanek sosiret

Baroya Anqerê ji dozger(sawcî)xerabtir kiriye
Baroya abûqatan ya Anqerê, li ser girtina serokê baroya Diyarbekrê Tahîr Elccî, beyaneke skandal, tije hqaret belavkiriye.
Heqaretên nemayî li PKKê dike, PKKê bi kirina tîcareta narkotîkayê û ccekan îtham dike. Û dû ra jî dibêje heta nuha gelek kesên din jî gotine PKK ne rêxistineke terorîst e, we ccima ew kes negirtin. Dewlet bi PKKê ra rûnisst, filan û bêvan.
Û navên hin kesên gotine PKK ne rêxistineke terorîst e rêz dike.
Bi kurtî îtham, gotin û heqaretên Baroya Anqerê li PKKê û miletê kurd dike, ji girtina Tahîr Elccî pir û pir girantir in.
Baroya Anqerê ne wek rêxistineke serbixwe ya abûqatan, retorîka ssûbeyeke MITê û polîsan û rêxistineke neyarê miletê kurd bi kar aniye.
Beyan wiha dest pê dike:
“PKK rêxistineke terorîst e.
PKK, rêxistineke terorîst ya wiha ye ku bi hezaran însanên me qetil kirine, tîcareta narkotîkayê û qaccaxccîtiya ccekan dike. Baroya Anqerê bêyê lakîn û ema yê li dijî PKKê ye...”
Wek îbret ez lînka beyana Baroya Anqerê belav dikim...


Medenîbûna tirkan girêdayî azadiya kurda ye

Yaşar Gulen di heqê diyalogeke, sahneyeke fîlmê ”Hababam sinifi” da agahiyeke pir balkêş daye. Gotiye:
”Di sahneya pêşî ya fîlm da mamosteyê dîrokê Mahmûd xoce dikeve odeya mamosteyan û xwe bi mamosyên din dide naskirin. Di dema hevnasînê da cara pêşî destê xwe dide Nûrî xoce. Nûrî xoce jî mamosteyê dîrokê ye. Di hemû telewîzyonan da ev sahne wiha derbas dibe, ”Ezbenî(bendenîz)Nûrî paşa.”
Halbû metna orjînal gelkî cihê ye. Orjînala wê sahneyê wiha ye:
-Ezbenî(bendenîz) Nûriyê kurd”!
Hababam sinifi navê berhemeke Rifat Ilgaz e, dû ra ew adepteyî fîlm kirin û pir meşhûr bû.
Helbet sextekariya tirkan ne ev tenê ye, bi hezaran numûneyên ji vê gelkï mezintir ü xerabtir hene.
Heta kurd azad nebin tirk ji sextekariyê û bêexlaqiyê xelas nabin.
Heta Kurdistan çê nebe tirk ji irqçîtiyê, ji îdeolojiya faşîzan û nazîzst xelas nabin, nabin miletekî medenî.
Medenîbûn û însanbûna tirkan girêdayî azadbûna kurdan û çêbûna Kurdistanê ye...

XXX
Bersîva hin dost û hevalên ji nivîsên min gazinan dikin
Hin dost û heval ji min ra dibêjin ”yabo tu pir dinivîse, em pê ra nagihînin bixwînin.”
Hinek jî dibêjin ”nivîsên te dirêj in, piçekî kin bibire…”
Heyran ez ji kêfa nanivîsim, tirk û ereb her roj çend heban ji me dikujin, zulmê li me dikmin û ez jî dikim hawar, hawar û li dij derdikvim!
Heger hûn dixwazin ji min û ji nivîsên min yên ”pir û dirêj” xelas bibin, zulma tirk û ereban bisekinînin.
Bi navê Xwedê, heta em bindest bin û ereb û tirk û faris vê zulmê li me bikin, hûn xwe ji min bixeyidînin jî, nexeyidînin jî ezê her binivîsim…


Bi komkujiya Anqerê rayên AKPê zûde bûn



Serokwezîrê Tirkiyê Ahmet Davutoglu gotiye:
”Piştî êrîşa terorîst ya Anqerê me anket çêkir, di rayên me da trendeke zêdebûnê heye. Piştî êrîşê trenda berbî ji sedî 44 dom dike.”
Yanî ji ber ku di qetlîamê 102 kes bi hovane hatin qetilkirin û bi sedan însan birîndar bûn, kêfa gelê tirk ji AKPê ra hatiye, di nava tirkan da rayên wê zêde bûne.
Helbet ev sosireteke giran e, lê bi baweriya min jî ev îdîa Davutoglu rast e. Ji ber ku merivekî zircahil e loma ev yek îfşa kir. Heger ne cahil bûya ewê ev irqçîtiya gelê xwe neda der.
Gotina Davutoglu rast e ji ber ku gelê tirk bi kuştina kurdan pir dilşa dibe, heger wê rojê ne 102, lê hezar kurd bihatana kuştin rayên AKPê ewê derketa ji sedî 60î-70î.
Ji ber ku kî kurdan bikuje tirk jê hez dikin û piştgiriyê didinê.
Tirk dizanin qetlîam bi destê hukûmeta AKPê hatiye, bi kêmanî hukûmetê setûr daye, rê li ber negirtiye, lema jî rayên AKPê zêde bûne.
Wekî din tu îzaheke vê tuneye.
Tirk bi kuştina kurdan kêfxweş dibin. Û ji ber ku AKPê kurd dan kuştin rayên xwe zêde kir Davutoglu rast gotiye…
Kî dikane bibêje na derew e, tirk bi kuştina kurdan dilşa nabin !

Dibê em Tahîr Elçî bi tenê nehêlin


Ji ber ku serokê baroya Diyarbekrê Abûkat Tahîr Elçî got, ”PKK ne rêxistineke terorîst e, rêxistineke siyasî ye” hukûmetê biryara girtina Elçî daye.
Ev, çavtirsandin û terorîzekirina kurda ye û biryareke antî demokratîk e, li dijî azadiya fikrî ye.
Dibê hemû baroyên Kurdistanê, komele, sendîka û rêxistinên meslekî û hemû partî û şexsiyetên kurd û tirkên dostên kurdan li dijî vê biryara dewletê û hukûmetê derkevin û ew jî eynî gotinên Tahîr Elçî dubare bikin.
Dibê Tahîr Elçî bi tenê nemîne û bi xurtî  lê xwedî were derketin.
Bêdengmayina li hemberî girtina Tahîr Elçî, piştgiriya girtina Elçî û vê zorbatiya hukûmetê ye, qebûlkirina ”terorîstiya” PKKê ye.
Ne PKK û ne jî hêzeke din ya kurd terorîst e, yê terorê li hemberî kurdan bikar tîne dewlet e.
Hukûmeta AKPê di şexsê Tahîr Elçî da dixwaze ”terorîstiya” PKKê bi hemû kurdan bide qebûlkirin. Nehêle dîtina Tahîr Elçî di nava kurdan da belav bibe û kesên din jî eynî tiştî bibêjin.
Dewlet, MIT û berdevkên hukûmetê heta nuha bi dehan car bi serok û birêvebirên PKKê ra rûniştine û pê ra aştî û çareseriya mesela kurd minaqaşe kirine.
Heger PKK ne partiyeke siyasî bû delet çima pê ra rûnişt?
Pê ra birr û bazara çi kir?
Îro ji PKKê ra dibêjin ”terorîst”, sibe ewê partiyeke din, hêzeke din be.
Çimkî ji bo dewletê her hêz û partiya doza azadî û serxwebûna kurdan bike, bibêje kurd û Kurdistan, li dijî îşxala Kurdistanê derkeve di çavê dewletê da ”terorîst” e.
Dibê em ji bîr nekin hukûmeta AKPê do ji PDKê û YNKê ra jî digot terorîst.
Nuha jî ji PYD û YPGê ra dibêje terorîst.
Bi kurtî, ji bo dewleta tirk her partî û kesê doza kurd û Kurdistanê bike terorîst e.
Lê ji ber ku nuha PKK xurt e, bi PKKê ra di nava şer da ne, lema jî PKKê derdixin pêş û hêz û partiyên din dihêlin dawiyê.
Lê sibe, gava ew jî xurt bibin û ji bo dewletê bibin tahlûke, ewê mohra terorîstiyê li wan jî bidin.
Ev vekirî ye. Lema jî dibê hemû baro, sendîka û partiyên kurd li Tahîr Elçî xwedî derkevin…
2015-10-19


19 oktober 2015

Huş be dilo !

Tirk barbar in, hov in, bêujdan û bêmerhemet in, wek kuliyan in, herin ku derê talan û wêran dikin, dikujin, ji ortê radikin.
Tirk dijminên medeniyetê, demokrasiyê, azadiyê, serbestiyê û wekeviyê ne. Ji xerakirinê, talankirinê û tunekirinê pir hez dikin.
Ji pir rengiyê û pir dengiyê nefret dikin, li her dera lê serdest bûne qetil kirine, milet wenda kirine, ziman ji ortê rakirine.
Seyid Abdulkadir, li ber dara sêpiyê ji celadên tirk ra wiha gotibû:
Jixwe di warê şewitandin û wêrankirinê da hûn xwediyê şohreteke mezin in.We vira jî kir Kerbela. Dibê hûn baş bizanin ku bi dehşet û kedxuruya zalimane meriv nikane şan û şerefê bi dest xe.
Tirk, dewleta tirk ne tenê neyarên me ne, ne tenê me dikujin. Goristanên me jî bombebaran û wêran dikin.
Zarokên me yên kuştine di gorrên wan da rehet nahêlin, careke din wan dikjujin.
Hovîtiyeke wiha, wahşeteke wiha ne hatiye ditin.
Dewletek çawa dikane hewqasî irqçî û faşîst be?
Dewleteke çawa dikane goristanên hemweltiyên xwe xera bike?
Barbariyeke wiha qet nehatiye dîtin.
Dibê kurd, malbatên kesên mirî li vê hukûmetê gilî bikin, vê hovîtiya hukûmetê bibin mahkimeyên navnetewî.
Û serokkoamrê dewletê jî vê hovîtiyê diparêze…
XXX
Huş be dilo
huş be,
bes e bigrî,
bike fîgan û hawar,
Ez dizanim te bîriya azadiyê
û maçên yarê kirî
piçek sebir,
piçek sebir,
hindik ma,
emê dawiyê bidin girî
///Zinarê Xamo


Him qatil in û him jî xwe dikin xwediyên şînê

Piştî qetlîama Anqerê Abdullah Gul telefonî Salahadîn Demirtaş kiribû jê ra sersaxî xwestibû.
Serokwezîrê Tirkiyê Ahmet Davutoglu do li dijî vê telefona Gul ya ji Demirtaş ra kiriye derketiye û gotiye:
”Mala şînê serokwezaret e, dibê telefonî me bikira û sersaxî ji me bixwesta. Ev şîna hemû Tirkiyê ye. Demirtaş nikane vê şînê bike malê xwe. Hevdîtina min bi Demiertaş ra nebû, min hewce jî nedît.”
Ev mexlûqatê ecêb çi teba ye ez nizanim. Ji pesin dipeyive, ya nizane çi dibêje ya jî ji zindîqî van gotinên berradayî dike.
Him 102 kurd û dostên kurdan kuştin û him jî ji xelkê ra dibêjin çima hûn sersaxiyê ji Demirtaş ra dixwazin?
Demirtaş, HDP ne xwediyê şînê ne…
Însan ancax dikane hewqasî bêedeb û bêheya bibe…
Kuro kêmaqil, yên hatine kuştin hevalên HDPê û dostên HDPê ne, kesên sedîsed li dijî we û neyarên we ne.
Ji bo ku rejîma te û Erdogan ya faşîst protesto bikin li wir civiya bûn.
Lema jî hûn ne xwediyê şînê ne, belovacî wê hûn qatil û hevalên qatilan in.
Ji bo çi xelkê ji we ra sersaxiyê bixwaze?
Ma meriv caran ji qatilan ra, ji heval û destikên qatilan ra serxweşiyê dixwaze?
Û tu bi xwe jî hewqasî neyarê miletê kurd î lema jî tu ne çûyî şîna HDPê û ne jî bi telefonê ji xwediyên şînê ra serxweşî xwestiye.
Van bêexlaqan civat jî bi xwe ra bêexlaq kirin. Piçekî exlaq û ûjdan bi însên ra hebe, meriv gotinên wiha berradayî nake, nabêje ev ne şîna Demirtaş e, ciyê şînê serokwezaret e.

18 oktober 2015

Rojekê dor ewê were we jî


Bertolt Brecht, di şiîreke xwe da li ser şaşiya bêdengmayina li hemberî zulmê wiha dibêje:

-Gava nazî ji bo komunîstan hatin min dengê xwe nekir,
ji ber ku ez ne komunîst bûm.
Gava ji bo sosyal demokratan hatin min dengê xwe nekir,
ji ber ku ez ne sosyal demokarat bûm.
Dû ra ji bo sendîkaciyan hatin, min dîsa dengê xwe nekir,
ji ber ku ez ne sendîkacî bûm.
Gava ji bo min hatin,
kesê dengê xwe bikira nemabû…

Îro eynî rewş li welatê me li Kurdistanê heye. Zulmeke pir mezin  li hinekan dibe, her roj hinek tên girtin û hinek jî bêdeng in, li bûyeran  temaşe dikin. 

Gelek kurd û tirkên nuha li hemberî êrîşên deweleta tirk yên ser PKKê û HDPê bêdeng in, di quncikên xwe da li vê zulmê temaşe dikin, di dilê xwe da dibêjin ez ne PKK û HDP me, çi ji min ra, şaşiyeke pir mezin dikin, rojekê ewê dor were ser wan jî.
Ev îş bi dor e.
Erdogan hertişt xistiye dorê, berê ji yên herî xurt, ji yê herî bi hêz dest pê kiriye…
Lê rojekê ewê dor were ser zeîfan jî.
Gava ew roj were, kesê li hemberî tewqîfatên wan dengê xwe bikin ewê tunebe


Dibê Komîteya Nobelê xelata vî faşîstî paş da bigre

Dibê meriv Komîteya Nobelê ji van gotinên vî faşîstî haydar bikin, ji bo ku komîte xelatê paş da jê bistîne. Ji ber ku Azîz Sancar , merivekî faşîst e û bi fikir û îdeolojiya xwe li dijî însaniyetê ye.

Xwediyê xwelata Nobelê yê Kîmyayê Azîz Sancar, ji ber ku muhabirê BBC eslê wî jê pirsî û erebtiya wî derket ortê har bûye, heqaretê li cîhana xiristiyan dike.
Di hevpeyvîneke xwe ya nuh da gotiye:

”Dema vê pirsê dikin ez diqeherim. Ji ber ku van gawirên xelkê sed sal berê wira (qesta wî Kurdisan e) tevhev kirin, hîn jî tevhev dikin. Li Îngilstanê çend grûbên etnîkî hene, ma ez ji te dipirsim?”

Mêrik bûye Prof. Lê hîn nebûye însan, hîn jî faşîst e. Him jî faşîstekî paşdamayî û har e.
Min heta nuha nebihîstiye Komîteya Nobelê di tu beşî da xelat dabe faşîstekî, nazîstekî. Û nadinê jî.
Ev mêrik faşîstekî pir prîmîtîv e û ji kesên ne misliman ra hîn jî dibêje ”GAWIR”, ”gawirên xelkê”!
Lema jî dibê kesên bi swêdî, îngilîzî dizanin vê beyana Azîz Sancar bişînin ji Komîteya Nobelê ra û jê daxwaz bikin ew vê xelatê ji Azîz Sancar paş da bistînin.

Ji ber ku xelatkirina yekî faşîst, nazîst li dijî armanc û felsefeya Alfred Nobel e. Lema jî ev faşîst ne layiqî Xelata Nobelê ye.
Axir dibê meriv hewil bide, Komîteya Nobelê ji van gotinên Azîz Sancar agahdar bike.


Rim di çewêl hilnayê !


Erdogan û Davutoglu dibêjin ew li dijî Daîşê ne û bi koalîsyonê ra li dijî Daîşê şer dikin.
Helbet herkes zane ku Tirkiye ne tenê ne li dijî Daîşê ye, di ser da ew hevalbend û sponsorê Daîşê ye jî, bêyî piştgiriye Tirkiyê Daîş nikane mehekê jî li ber xwe bide.
Ya rast Tirkiye ne li dijî Daîşê ye, kî li dijî Daîşê be Tirkiye li dijî wan e, bi wan ra têkiliya Tirkyê xerab e.
PYD li hemberî Daîşê şer dike, Tirkiye li dijî PYDê ye, jê ra dibêje terorîst.
Rûsya li hemberî Daîşê şer dike, Tirkiye li dij derdikve, dibêje bi van êrîşên xwe hûn piştgiriye Esad dikin.
Emerîka Daîşê bombebaran dike, li hemberî Daîşê piştgiriyê dide PYDê, Tirkiye li dij derdikeve, Emerîkayê protesto dike.
Îran, Îraq li hemberî daîşê ne, têkiliya Tirkiyê bi wan ra pir xerab e.
Welhasil kî li hemberî Daîşê ye, kî bi Daîşê ra şer dike, Tirkiye li dijî wan e û şerê wan yê li hemberî Daîşê rexne dike.
Lê li alî din Tirkiye mitefikê Suûdî û Qeterê ye, bi van herdu dewletan ra nabêna Tirkiyê pir xweş e.
Çimkî ev herdu dewlet jî piştgiryê didin Daîşê, hevalbendên Daîşê yê herî mezin in.
Yanî kî hevalê Daîşê be Tirkiye hevalê wan e û kî li dijî Daîşê be Tirkiye jî li dijî wan e.
Ev pir vekirî ye, zarok jî vê rastiyê dibînin.
Ev jî nîşan dide ku Tirk çi propagandayê dike bira bike, di praktîkê da di cepheya Daîşê da ye, piştgiriyê dide qatilên Daîşê.
Heger Tirkiye bi rastî li dijî Daîşê bûya ewê ne bi Suûdî û Qeterê ra, bi PYDê, Emerîka, Rûsya û Îranê ra herket bikire.
Yanî hertişt li ber çava ye, rim di çewêl hilnayê...

17 oktober 2015

Ev hesabakî pir tahlûke ye

Li gorî hin xeberan dewleta tirk dixwaze bi milyonan ereb li Kurdistanê bi cî û war bike.
Wezîrê ekonomiyê Nîhat Zeybekçî gotiye ”her biyaniyê(xerîbê) li Tirkiyê xaniyekî bikire emê mafê hemwelatiyê bidinê”, yanî ewê bikin hemwelatiyê Tirkiyê.
Fena ku di vir da pîncîtiyek hebe. Fena ku hukûmeta AKPê dixwaze 2-3 milyon ereb li Kurdistanê bi cî bike.
Ev hesabekî pir tahlûke ye, plana guhertina demografiya Kurdistanê ye.
Jixwe tirkan ji Şerê Cîhanê yê Yekem û virda ye bi milyonan mahcirên ji Kafkasan û Balkanan li Kurdistanê bi cî kirin û bi vê riyê gelek bajar ji kurdan girtin, kurd lê xistin hindikayiyê.
Mesela Meraş, Sêwas, Meletye, Xarpêt, Erzingan, Erzerom tije mahcir kirin û kirin û bi vê riyê kirin hêlînên faşîstên tirk.
Heger bi rastî planeke dewleta tirk û AKPê ya wiha hebe, dibê em kurd li hemberî vê plana dewletê îtîrazeke pir cidî nîşan bidin û tiştekî wiha ebeden qebûl nekin.
Di rojên pêş da gava referandûm were rojevê dewlet ewê van unsûrên ne kurd li hemberî me bi kar bîne.
Dewlet pir kûr û dûr difikire,lema jî dixwaze nufûsa xerîban li Kurdistanê zêde bike.
Dibê em li hemberî vê plana dewletê pir şiyar bin…

XXX
Erogan ji muxalefetê ra gotiye, ”berê digotin em naçin qesrê. Nuha dibêjin heger hûn ban bikin emê werin. Jixwe hûnê werin, hûnê wek berxikan werin, wekî din çara we tuneye.”
Erdogan malê xwe nas dike, dizane Bahçelî û Kiliçdaroglu ne tu mêr in. Bahçelî tim wek paşmêrê wî ye. Gava Erdogan ban wan bike ewê bi lotik herin ber nigê vî dizê mezin.


XXX
Tirk ji kurdan bêhed û bêheseb nefret dikin û ewê tim jî nefret bikin. Heta Kurdistana çênebe ev nefreta kurdan ewê qet kêmnebe.
Dibê kurd bizanibin ku ev milet neyarê wan yê herî har e.

16 oktober 2015

Têkiliya matamatîkê û edaletê


Matamatîkçiyê Emerîkî John Forbes Nash gotiye ”Civatên matamatîkê nizanin edalet lê tuneye!”
Camêr pir rast gotiye, belkî jî lema li Tirkiyê zereya edaletê tuneye.
Lema civatên musilman di warê ilim û îrvfanê da, di warê pêşketin û medeniyetê da, di warê teknîk û îcadan da gelkî paşdamayî ne. 
Ji ber ku ilim, îcad û pêşketin bi matamatîkê mimkûn e. 
Keşif û îcadeke bê matamatîk ne mimkûn e.
Lema jî cahilekî wek Ahmet Davutoglu li Tirkiyê bûye serokwezîr. 
Û Erdogan jî bûye serokkomar. 
Herdu jî matamatîkê nizanin.
Ji ber ku dîplomayên herduyan jî sexte ne.
Lema herdu jî nezan û cahil in.
Herdu jî zalim û edaletnenas in. 
Civatên misilman hîn bi tiliyan dihesibînin, tilî hîn jî makîneyên hesêb in…

XXX

Erdogan ji bo ku çavê milet ê boyax bike û dinyayê bixapîne dezînformasyonên dûrî aqilan belav dike. 
Efendim li gorî hin agahiyên îstîxbarî Daîş dike bi wasiteyên bombebarkirî êrîşî Stenbolê, Anqerê, Îzmêrê û Diyarbekrê bike.
Hela hûn bala xwe bidin vê derewa bi boçik !
Herçî Stenbol e, Anqere ye, Îzmîr e dereweke MITê ye, dezînformasyon e. 
Daîş êrîşî Tirkiyê nake. 
Êrîş nake ji ber ku Daîş girêdayî Tirkiyê ye, ji alî ajan û leşkerên tirk ve tê îdarekirin.
Heta nuha Daîşê bi qasî serê derziyê jî zirar nedaye Tirkiyê, yek merivekî tirk û Erdogan nekuştine. 
Heta nuha çiqas tirk revandine hemû jî bêyî ku pozê yekî jî xwîn bikin serbest berdane. 
Daîşê, tenê li hemberî Tirkiyê ev nermayî nîşan daye. Ji ber ku ew û hukûmeta AKPê hevalên hev in, ji bo ku li dijî kurdan şer bike Erdogan li pişt Daîşê ye, her alîkariyê pê ra dikin.
Lê sabotaja li Diyarbekrê mimkûn e. Dikane li bajarekî din be jî. Ya muhîm ewê dîsa li dijî kurdan be.
Ew jî girêdayî daxwaza hukûmetê ye, hukûmet kînga bixwaze ewê wê çaxê bikin.
Lê li Stenbol, Anqarê û Îzmîrê, li hemberî tirkan vir e, ne Daîş û ne jî hêzeke din ya cîhadî tiştekî wiha nake. 
Çimkî patron û fînansorê wan hukûmeta AKPê ye. 
Ma dîn bûne li hemberî dewleta xwe, hevalên xwe tiştekî wiha bikin

15 oktober 2015

Hukûmeta AKPê bi yasaxê dixwaze sûcê xwe bincil bike

Mahkimeya Anqerê li ser komkujiya Anqerê yasaxa weşanê danî. Kesê nikanibe li ser komkujiyê binivîse, rismekî, tiştekî nîşan bide, xeberekê biweşîne ya jî rexne bike.
Di serî da xwe bêrî kirin, xwestin têxin hustuyê Daîşê, PKKê û nizanim kê.
Lê dû ra hêdî hêdî xuya kir ku dewlet li pişt komkujiyê ye, zilam û ajanên dewletê kirin, dan kirin.
Jixwe herkes dizane komkujiyên wiha mezin bêyî agahiya dewletê nabe.
Bi baweriya min îdîa qatil birayê qatilê komkujiya Surûcê ye vir e, hemû dezînformasyonên MITê ne.
Ez bawer nakim kesî xwe teqandibe, xwe kuştibe.
Ajanên MITê bombe di du bawil û çenteyan da birin danîn nava milet û teqandin.
Yanî kesê xwekuj(canli bombe) vir e, dixwazin bi vî hawî ser meselê bigrin û berê lêkolînê bidin aliyekî din.
Jixwe polîs, MIT, hukûmet çi bibêje dibê meriv bawer neke, tim bi şik lê binêre. Çimkî MIT, hukûmet li pişt qetlîamê ye, lema jî yasaxa weşanê anîn

XXX
Li Diyarbekirê li taxa Sûrê piştî çar roj qedexeya derketina der û çar kuştî, gelek girtî û taxeke wêrankirî, mizgeftên gulebarankirî tirkan li ser dîwarên malan nivîsîne:
-Hûnê qeweta tirk bibînin !
Belê, bi rastî jî tirk û dewleta wan ya faşîst li seranserê Kurdisanê qeweta xwe nîşanî me kurdan didin, dixwazin me çavtirsiyayî bikin.

XXX
Profesorê derewîn Ahmet Davutoglu gotiye:
”Ferqa di nabêna me û Daîşê da ne 180, 360 derece ye.
Yanî di nabêna wan û Daîşê da ferq nemaye.
Bes camêr ev rastî bi bi matamatîkê îtîraf kiriye…
Bi navê Xwedê wek ya Erdogan, dîplomeya wî jî sexte ye.


XXX
Her diz virek e, her virek jî diz e. Dizê ne virek(derewçîn), virekê ne diz tuneye.
Lema jî Erdoganê diz virek e. Çimkî diz e.

Tirk nahêlin kes alîkariyê bi kurdan ra bike


Yek ji marketên mezin yên Elmanyayê DM ya Troîsdorfê, xwestiye cîroya(hatina) xwe ya saetekê bide komeleyeke kurd û ewê jî bişîne ji kurdên Şengalê ra.
Dema tirkên Almanya navê ”komelaya kurd” dibînin dîn û har dibin û bi riya medyaya sosyal DMê protesto dikin, dîrektorê DMê Erîch Harsch bi telefon û e-mailan bomberdûman dikin.
Dibêjin hûn çawa dikin alîkariyê bi komeleyeke PKKê ra bikin? Ew terorîst in. 
Heger hûn tiştekî wiha bikin emê we BOYKOT bikin. Heta li gorî nûçeyê hinekan DM bi sabotajî jî tehdît kirine.
Herçiqas berpirsiyarên DMê gotine komele ya PSKê ye, tu têkiliya wê bi PKKê ra tuneye, heta li dijî PKKê ye, lê dîsa pere nekiriye.
Tirkan gotine ferq nake, hemû yek in, ya muhîm dibê hûn alîkariyê bi kurdan ra nekin.
Li ser vê protestoya tirkan ya kompakt, rêveberê DMê Erîch Harsch, beyanek daye û gotiye me alîkarî sekinand. Em naxwazin ji xwe ra belayekê vekin…
Hûn dereceya irqçîtiyê, faşîzmê, nazîzmê û neyartiya li hemberî kurdan dibînin?
Ji bo ku çend quriş alîkarî neşînin ji kurdên Şengalê ra tirkên Almanya seferber bûna û ev alîkarî dane sekinandin.
Miletek çawa dikane hewqasî dirinde, hewqasî faşîst, hewqasî ji medeniyet û însaniyetê bêpar be aqilê meriv nagire.
Miliyetçiyên her miletî hene, lê mîlîyetçîtiya tirk dîrekt faşîzim e, nazîzim e, belkî ji van îdeolojî û tevgeran jî wêdatir e.

14 oktober 2015

Li gorî baweriya tirkan dinya ji me û wan ra teng e...


Serokwezîrê Tirkiyê Davutoglu yê mahcirê Kafkasan li dijî alîkariya Emerîka ya bi PYDê ra derketiye û gotiye ”her alikariya bi rojava û PYDê ra were kirin, ew weke hewildaneke li dijî Tirkiyê dibînin” û “Kurdên Rojava û PYD êdî di hedefa dewleta Tirk de ne.”
Davutoglu dom kiriye, gotiye, "heger bi çekên ji Emerîka digrin zirarê bidin me, ya jî wan derbasî Tirkiyê bikin, ya jî bidin PKKê, emê PYDê mehû bikin, ji ortê rakin, tiştê em tînin serê PKKê, emê bînin serê PYDê jî.
Hin kes hene gef û tehdît bi wan dikeve, lê qet bi vî mexlûqatê kêmzeka nakeve, wek mişkê gefan li pisikê bixwe, bi meriv hinekî komîk û mîzahî tê.
Lê em vê tîpê Davutoglu yê komîk û mîzahî bidin aliyekî û meselê cidî qebûl bikin.
Rast e, heger Davutoglu bikanibe, ji destê wî û Erdogan were, ne PYDê tenê, ewê miletê kurd jî qir bikin, li dinyayê kurdekÎ jî nehêlin.
Ev rast e. Vê nêt û daxwaza wan ya cidî em hemû kurd baş dizanin.
Lê belê daxwaz tenê têr nake, dibê meriv bikanibe jî…
Lema jî dibê meriv guh nede van fort û gefên Davutoglu yên çort û qorr, bi Xwedê nikanin di ser bilikê neviyê min Vîndar ra jî baz bidin, nikanin tu gûyî jî bixwin…
Fortên wiha me gelek caran ji Davutoglu û ji mezinên wî bihîstiye. Ne hewce ye meriv zêde didî bigre.
Lê gava mirina xwe girtin çavên xwe û ketin Kurdistana rojava, kurd jî ewê li ber xwe bidin. Çimkî wekî din tu rê tuneye.
Tirk dibêjin ev dinya ji me û we ra , yanî ji tirk û kurdan ra teng e, ji bo ku em tirk hebûna xwe bidomînin, dibê kurd li vê dinyayê nemînin.
Yanî li gorî bawerî û îdeolojiya wan, ya ewê koka me biqelînin û ji xwe ra rehet bikin, ya jî dibê em wan ji ortê rakin û xwe û dinyayê ji van însanên li dijî însaniyetê, ji vî milêtê zebanî, faşîst û nazzîst xelas bikin.
Em kurd herçiqas ji van maxlûqatên zebanî, ji van însanên nazîst ra dibêjin ev îdeolojiya nazîzmê ye, şaş e, werin medenî bibin, bibin ïnsan, dinya tê ra me jî û we jî dike, lê qebûl nakin, dibêjin na, em nahêlin hûn wek kurd bijîn û bibin xwedî maf; heta em em sax bin emê wek keleşêran(dîkan)tim serë we bidin ber nikilan, çavën we derxin û nehêli li tu dereke dinayayê hûn rehet bikin….
Lema jî ya em ya ew, ya tirkê li ser koka me rûnin, ya jî emê li ser ya wan.
Wekî din xelasiya me kurdan tuneye.
Heta mexlûqekî bi navê tirk li vê dinyayê hebe li Fîzanê jî ji me ra rehetî tuneye, ewê tim zulmê li me bikin û çavên me derxin…

Vira ne Quds e, Diyarbekir e !

Vira ne Filistîn e, Kurdistan e.
Vira ne Quds e, Diyarbekir e.
Û ev mizgefta hatiye gullebarankirin jî ne ”Mescîdî Aksa” ye,
Mizgefta Fatîh Paşa(Kurşunlu camii)ye.
Kesên çekdar jî ne leşkerên Îsraîl in, leşkerên tirk in.
Leşkerên tirk bi wasiteyên xwe, bi çek û potînên xwe ve ketine hundur mizgeftê.
Ka misilmanên tirk û kurd yên ku ji bo ereban, filistîniyan ne tenê gewriya xwe, qûna xwe jî diqelişînin li ku ne?
Çima li hemberî vê barbariyê dernakevin û vê hovîtiya hukûmeta AKPê ya faşîst protesto nakin?
Kurdê ku hîn jî bi AKPê ra be, kurdêku hîn jî bide dû qûna Erdogan û Davutoglu ji xîretê û ji kurdayetiyê şuştî ye, ew bûye hevalê neyar û neyarê qewmê xwe…
Dibê meriv van kesên bûne hevalbendên neyar tu carî ji bîr neke…

XXX
Li Konyayê di maça Tirkiyê û Îzlandayê da suporciyên tirk, turubîn li dijî deqîqeyek rawestîna(saygi duruşu) ji bo qetlîama Anqerê derketine, protesto kirine û gotine "Ya Allah Bismillah, Ne Mutlu Turkum Diyene”,
”ya Alah bîsmilah, xwezî bi dilê wî kesî bibêje ez tirk im”.
Bi dîtina min civata tirk, miletê tirk(qismekî pir biçûk ne têda) bi fikrê xwe, bi îdeolojiya xwe, bi hovîtiya xwe Daîş e û heta ji Daşê jî xerabtir e.
Her tirk li hemberî kurdan qatilekî Daîşê yê potansiyel e.
Dikane bi rehetî bibe qatilekî Daîşê.
Bi sedhezaran tirk ji bo komkujiya Anqerê dibêjin "OX", çi baş bû !
Xwezî yên li wir hemû bihatana kuştin !

XXX
Piştî komkujiyê bi 10 saniyan polîsên Erdogan bombeyên gazê davêjin nava milet. Ji bo ku zêde însan bimrin. Û ji xwe mirin jî.
Ya din, diyar dibe ku polîs û qatilên bombe teqandin li hev kirine, piştî teqîna bombeyan dibê polîs milet bide ber gazê, ji bo yên birîndar jî bimrin.
Li gorî îfadeya hin şahidan bombe di bawilekê da bû, yê qatil bawil hîştiye û baz daye. Û dû ra jî bi fiyerê teqandiye.
Yanî wek hukûmet û polîs dibêlje kesî xwe nekuştiye, bombe di nava milet da teqandine.

XXX

Du kurdên di komkujiya Anqerê da hatin kuştin ji ber ku ne tirk in û ne ji Alanyayê ne lema jî gelê alanyayê nehîşt malbatên wan miriyên xwe li wir veşêrin.
Lê ev ne cara pêşî ye tirk nahêlin kurd li bajarên wan werin gorrkirin. Berê jî gelek eynî tişt kirine, gorrên kurdan xera kirin, mirî ji gorran derxistin.
Mêrikan ji kurdan nefret dikin û vê nefreta xwe jî qet venaşêrin. Hûn dixwazin bibêjin faşîst, rasîst û irqçî, îi navî lê dikin, lêkin ferqa nake. Mêrikan ev in, faşîst in, raszîst in û neyarê miletê kurd in.
Lê dîsa jî kurd diçin li bajarên wan bicî dibin, li wir xaniyan û havîngehan dikirin û dixwazin bi wan ra bijîn…
Miletekî, civateke nehêl meriv miriyên xwe jî li bajarên wan gorr bike meriv naçe nava wan û bajarên wan najî…
Lê ne xema kurda ye, tirk miriyên wan qebûl nekin jî ew ji tirkan naqetin û weselam…

13 oktober 2015

Piştî hewqas xwîn tu dîktator nikane li ser hukim bimîne


Piştî komkujiya Anqerê gel hatiye nuxteya îsyanê, kîn û nefreta dilê milet ya li hemberî Erdogan û AKPê pir mezin bûye, wek pêlên tsunamiyê hêdî hêdî nêzî qesra Erdogan dibe.
Di şînan da, di dema rakirina cenazeyan da hêrs, kîn û nefreta gel, bi taybetî jî ya li hemberî Erdogan, meriv dibîne bê çiqasî mezin e.
Dê, bav û xizmên kesên jiyana xwe wenda kirine dixwazin Erdogan bi diranan perçe bikin.
Ev hêrs, ev kîn û nefreta li hemberî Erdogan û AKPê roj bi roj ewê mezin bibe, mezin bibe û dawiya dawî bibe tsunamîm û Erdogan û AKPê bide ber pêlên xwe û tarûmar bike.
Bi baweriya min ew roj zêde ne dûr e, temenê Erdogan û AKPê hindik maye, xelkê wî û çeteyên wî lînc bike.
Vî zalimî, vî nazîstî gelek kurd kuştin, li hemberî kurdan gelek sûcên giran kirine. Ewê rojekê derkeve. Kurd viya ji bîr nakin.
Qetlîama Robaoskê, ya Diyarbekrê, ya Surûcê û ya Anqerê û gelekên din, hemû jî bi destûr û dîrektîfa Erdogan bûn.
Jixwe li Tirkiyê tu qetlîam ne mimkûn e bêyî haya dewletê bibe, dewlet teşwîq neke, rê nedê, nexwaze, ne mimkûn e komkujiyên wiha mezin bibin.
Û ji ber ku dewlet li pişt hemû komkujiyên li hemberî kurdan e, lema jî qatil û yên li pişt wan tu carî nayên girtin, tim ser bûyerê tê girtin.
Ji ber ku patron dewlet e, dewletê daye kirin.
Tu dîktator piştî hewqas zulm, teror û qetlîamên mezin nikane li ser hukim bimîne. Komkujiya Anqerê bû mîxê dawî yê tabûta Erdogan.
Di 1ê mijdarê(kasimê)da ew wenda jî bikin û qejenc jî bikin xelasiya wan tuneye.
Erdogan û partiya wî di dilê milet da care mahkûm bûye, ew çi bike jî ewê ji girtin û mahkimebûnê xelas nebe.
Ya jî ewê bi milyarên diziye ra bireve, li derekê xwe û malbata xwe veşêre.
Ji ber ku hewqas xwîn, hewqas qetil ne mimkûn e bi avê da here û ji Erdogan, Davutoglu, Fîdan û çeteyên din ra bimîne.
Erdogan ne bi tenê ye, gelek kesên din jî bûne şirîkên sûçên wî û destê wan jî di xwîna bi sedan kurd û tirkî, bi sedan zarokên kurd geriya ye.
Ne Erdogan û Davutoglu tenê, nuha tebatî nayê van çeteyên Erdogan jî, nuha xewa şevan nakeve çavên wan jî.
Ew dizanin rojên wan bi jimar in û taliya hemûyan ya zindan e ya jî rev e.
Ez bawer dikim ew roj nêz e, emê hemû bi hev ra bibînin…


Dev ji gera li "tiliyên" derve berdin !


Tesîra kultura tirk û ereban li ser me kurdan jî heye, pir, hindi kem jî bûne kopyeyên tirk û ereban.
Tirk û ereb, her gelşa siyasî, aborî, civakî bi derva ve girê didin, miheqeq ”tiliyeke derve”, ya hin dewletan dixin nav.
Hemû problemên wan komployên xêrnexwaz û neyarên wan in, ji alî hêzên dereve ve hatine peydakirin.
Em kurd jî gelşa li Kurdistana başûr di nava kurdan da rû daye bi eynî teoriyên komployê îzah dikin.
Hinek dibêjin ”tiliya” Îranê di vê meselê da heye, Îran li pişt Goranê ye, ew tevgera Goran li hemberî PDKê û Mesûd Barzanî pîj dike.
Hinek dibêjin ”tiliya” Tirkiyê jî di vê meselê da heye.
Welhasil em hebûna gelşê qebûl nakin û tim bi tahrîk û teşwîqên dewlet û hêzên derva ve girê didin.
Bi baweriya min ev ne rast e, kes nikane mere bera hev bide. Kes ne zarok e û her çar, pênc partiyên mixalifên PDKê jî ne ajanên Îranê ne. Ji bo ku Îran hemûyan îdare bike dibê hemû zilamên Îranê bin.
Bi dîtina min ne hewceyî ”tiliyên” Îranê û Tirkiyê ye, kurd bi xwe ne li hev in, li hev nakin. Îran û Tirkiye tunebe jî li hev nakin, li dijî hev in. Yanî gelss ya kurda ye, pir kevn û kûr e.
Lê helbet Îran û Tirkiye dijm in û ji destê wan were ewê bixwazin kurdan bera hev bidin. Ev tiştekî pir ne ecêb e. Heger em saxlem bin kes nikane me bera hev bide.
Li başûr problemên hizbî, siyasî, şexsî û yên gendeliyên hene û him jî pir mezin in.
Û ev gelşên han bi tiliya Îran û Tirkiyê derneketine ortê, yên civata me û welatê me ne.
Û ji ber nezaniya me, serhişkiya me, tunebûna kultura me ya demokrasiyê em nikanin van gelşên xwe bi diyalogê û bi riyeke siyasî çareser bikin.
Her kes daxwazên xwe yên azamî dide pêş, kes xwe nêzî lihevkirinê(kompromîsê) nake, kes tawîzê nade yê din, kes ji ya xwe misqalekê jî danakeve jêr.
Û wê demê jî lihevkirin çê nabe.
Siyaset carnan kompromîs e, tawîz e, ji bo berjewendiyên netewî fedekariyên şexsî û rêxistinî ye jî.
Yanî netecî dibê em dev ji ”tiliyên” derva berdin, hebûna gelşên xwe qebûl bikin û ji bo çareseriyeke siyasî bixebitin.
Zorê, şîdetê, şer ji pişt guhê xwe bavêjin, bajaran li hev qedexe nekin, êrîşî hev nekin, lokalên partiyên hev neşewitînin.
Ev ne tu rê ye, bi vî aqilî emê zirarên pir mezin bidin xwe û gelê xwe….


Davutoglu got ew qatilên komkujiyê nas dikin

Ahmet Davutoglu gotiye, ”di destê me da lîsteya kesên xwekuj heye. Lê belê heta çalakiyê nekin em nikanin wan tewqîf bikin.”
Bi tirkî dibêjin ”canli bomba”, yanî di destê hukûmetê da lîsteya kesên ewê întîxar bikin heye, ”lê belê heta çalakiyê nekin ew nikanin wan tewqîf bikin.”
Ê ev gotinên Davutoglu nîşan dide ku tiliya dewletê di vê qetlîamê da heye. Ji ber ku lîsteye xwekujin li ba wan heye, ew humûyan nas dikin.
Bi rastî ev mêrik tam qeşmer e, erê serokwezîr e û xwedêgiravî dîploma wî ya profesoriyê jî heye, lê di rastiyê da dînekî beradayî ye.
Tew nizane çi dibêje, hîn aqilê wî baş tekamul nekiriye…
Çawa dîplomeya profesoriyê dane vî dînî min fêm nekir. Ne serokwezîr, meriv vî xêvoyî nake bekçiyê ber deriyê tîmarxaneyê.
Kuro dînê heram, piştî çalakî kir ewê bimre, hûnê çawa qatil bigrin?
Lê ji ber ku hemû xwekuj zilamên wan in ew dizanin ku kes xwe nakuje, bombeyê li derekê bi cî dikin û diherin.
Yanî ”canli bomba” vireke AKPê ye, kes xwe nakuje.
Li Anqerê jî kesî xwe nekuştiye, şahid dibêjin yekî bi rîh çenteyek avêt û reviya û çû…

12 oktober 2015

Ka werin em mala xwe bi destê xwe xera nekin !

Heta nuha me seyahet û bajar li hev yasax nekiribû, lê wa ye do ew jî bû.
Hêzên ewlehiyê nehîştine serokê parlamentoyê Yusuf Muhamed ku endamê tevgera Goran e, ji Silêmaniyê here Hewlêrê.
Yusuf Muhamed çi şaşî, çi xerabî kiribe jî kirineke wiha, rêbiriyeke wiha ne tu hawe ye, ne qanûnî ye, zorbatî ye, dibê meriv rast nebîne û rexne bike.
Ev cara pêşî ye ez zorbatî û bêqanûniyeke wiha dibînim û dibihîzim.
Kurd, hêzên kurd dibê tu carî metodên wiha li hemberî hev bikar neynin. Micadela siaysî dibê bi wasite û metodên siyasî were kirin.
Nabe em zorê li hemberî hev bikar bînin. Hela kurdên başûr dibê û qet û qet zorê li hemberî hev bikar neynin. Zor û şer ewê bibe felaketa hemûyan.
Partiyek, dixwaze bira hukûmet be, çawa dikane nehêle serokê meclîsê here Hewlêrê ser karê xwe?
Meriv dikane li hev xe, serê hev bişkîne, lê nehîştina ketina bajarekî ne şêleke medenî ye, zorbatî ye.
Û di ser da mêrik serokê meclîsê ye. Bir ne serok be jî, dibê ev yek nehata kirin.
Wê demê PDK Hewlêrê û Kurdistanê wek malê xwe, wek gundê xwe dibîne û dilê wan kê bixwaze ewê bihêlin here Hewlêrê û kê nexwaze ewê nehêlin.
Ev şêleke pir tahlûke ye, perçekirina Kurdistanê ye. Dibê Goran ne bi zor, di warê siyasî da were pûçkirin  û îzolekirin. Ne bi zorê.
Goran dikane ji erd heta ezman neheqe be û gelek tiştên xerab û ne li rê kiribe.
Lê astengkirina seyaheta însanan ne ne rast e, ez nahêlim tu werî Hewlêrê ne rast e, ne qanûnî ye, zorbatî ye.
Û ji bo hukûmetê, meclîsî û serokwezîr jî skanandaleke pir mezin e, polîs nahêle serokê meclîsê, ya jî muxalifê PDKê here Hewlêrê !
Yanî dinya medenî, medyaya cîhanê ewê ji xebereke wiha ra çi bibêjin gelo?
Xwedêgiravî me destê xwe li sînga xwe dixist û me digot em cîranên xwe hemûyan medenîtir û demokrattir in?
Ev e medeniyeta me?
Ev e demokratîkiya me?
Helbet bûyerên li Silêmaniyê û hin bajarên din qewimîn, êrîşên ser baregehên PDKê jî, kê kiribe pir xerab e û dibê meriv rexne û mahkûm bike.
Û her wisa dibê kesên sûcdar jî werin girtin û teslîmî edaletê bibin. Di vî warî da PDK çi bibêje bi heq e.
Lê belê bersîva van bûyeran ne ew e ku partî Hewlêrê li serokê meclîsê, li muxalifên xwe yasax bike.
Ev skandal e!
Wê demê sibe, dusibe muxalif jî ewê bajarên din li PDKê yasax bikin.
Û bi vî hawî kurd ewê dîsa wek berê têkevin qirika hev û dîsa şerê birakujiyê dest pê bike.
Metodên wiha ji bin da ne rast in, zor û şîdet ewê rewşê aloztir bike.
Çare, sebir e, bînfirehî ye, tolerans e, komprîmîs e, û hinekî jî fedekarî ye.
Gelş çi be jî, Goran û YNK çiqasî neheq bin jî dibê PDK û hêzên din ebeden serî li zorê nedin, gelşê miheqe bi diyalogê û bi dan û stendinê çareser bikin.
Şer, kaos, teşxele malwêraniya hemû aliyan e. PDK vê yekê ji her kesî baştir dizane.
Heger kurd li başûr vê mesela xwe bi diyalogê, bi riyên siyasî di demeke kin da çareser nekin felaketeke pir mezin li pêş wan û miletê kurd e.
Her kes vê yekê dizane.
Dijminên me wek gurên har li bende me ne. Heger careke din jî li başûr kurd bi hev kevin bi Xwedê çû me da, tu kes, tu hêz li karê dernakeve, herkesê hertiştî wenda bike.
Lema jî kurd mecbûr in li başûr li hev bikin, riyeke aştiyane, lihevkirineke siyasî bibînin.
Wekî din tu rê tuneye. Zor, şer felaket û malwêraniya her kesî ye. Tiştê heta nuha bi dest xistine jî ewê yek bi yek wenda bikin.
Hêvî û rica hemû kurdan ji hemû aliyan ew e ku vê gelşa serokatiyê ne bi zorê û şer, bi riya diyalogê çareser bikin, bi hawakî li hev bikin…
Dibê em biaqil bin û biaqil hereket bikin. Li başûr bi zorê starek ji hemû kurdan ra çêbûye, dibê em wê jî xera nekin.
Yê bi hêrs rabe ewê bi zirar rûne.
Ka werin em mala xwe bi destê xwe xera nekin…




Davutoglu mirî jî "teslîmî edaletê" kiriye (!)


Serokwezîrê Tirkiyê yê henekan Mr. Bean Ahmet Davutoglu, di civîna ç apaemeniyê da gotiye “qatilê komkujiya Surûcê Abdurrahman Alagoz hat girtin û teslîmî huqûqê bû” (!)
Feqîro him karê wî derew e û him jî hafizeya wî zeîf e !
Miriya ji gorê radike ü teslîmî “huqûqê” dike (!)
Berde binê te erd e”
Kes bi derewan nemiriye...
Davutoglu mecbûr e rojê bi sedan derewan bike, karê wî ye.
Lê ji ber ku hafiza wî pir ne xurt e carnan xwe şasaomaşo dike, miriyan jî digre û teslîmî “huqûqê” dike (!)
Kesê virek dibê xwediyê hafizeyeke xurt be, Erdogan wezîfe daye merivekî şaş, rebeno nikane cî bide derewa xwe û wiha xwe rezîl dike...
Abdurrahman Alagoz, li gorî polîsê tirk terorîstekî xwekuj bû(canli bomba)û ew jî li Surûcê mir.
Lê Ahmet Davutoglu, Alagozê mirî ji gorrê derxistiye û teslîmî “huqûqê” (!) kiriye!
Davutoglu derewên bi boç ik dike...
Rewşeke trajîkomîk e.
Ez bi xwe hîn jî bawer nakim qatilê Surûcê Abdurrahman Alagoz be û heger ew be jî ez bawer nakim miri be.
Vana hemû dezînforasiyonên MITê ne. Ji bo ku ser meselê bigrin û lêkolînê pêş da nebin.

Wek her dîktatorî Erdogan jî ewê bi rehetî neçe

Heta nuha min çend caran gotiye, ez bawer nakim Erdogan îktîdarê bi rehetî, bi riyeke demokratîk, bi hilbijartinan bide.
Bi çi hawî be jî, bi zor ya jî bi hîleyan be ewê nehêle kes qezenc bike. Netîceyên wê, buhayê wê çi dibe bira bibe, Erdogan ewê îktîdarê bi riya hilbijartinê teslîmî kesî neke. Qetlîamên dide kirin îşareta vê nêta wî ye.
Hemû komkujiyên li hemberî kurdan, HDPê hatin kirin bi emir û dîrektîfa wî hatin kirin. Ew baş dizane heger ji îktîdarê da bike ev sûc ewê hemû derkevin ortê.
Di mesela Şserê Sûriyê da jî sûcên pir mezin kirine, ewê jî rojekê eşkere bibin. Ew vana hemûyan dizane û loma jï xwîna xwe kiriye çavê xwe.
Erdogam dîktatorekî ji ji Hîtler, Seddam pir mezintir û tahlûketir e, lê hîn kesî fêm nekiriye. Dîktatorên din dînê îktîdarê bûn, lê wek Erdogan ne diz bûn.
Erdogan dizekî pir mezin e, hema hema bêemsal e. Diziyên pir mezin, sûcên pir mezin kirine. Lema jî pir ditirse û ji ber ku pir ditirse jî ewê îktîdarê bi rehetî nede. Dibê zorê bibîne…
Ji xwe dîktator bi rehetî, bi hilbijartinan îktîdarê nadin…

 XXX

Heta nuha kesî komkujiya Anqerê negirtiye ser xwe. Helbet kesê negire ser xwe.
Çimkî hêza komkujî kiriye dewleta tirk e û ew jî nagire ser xwe, ew jî nabêje min kiriye.
Hukûmeta AKPê dixwaze komkujiya Anqerê wek ya Surûcê û Amedê bi zor têxe hustuyê Daîşê.
Lê Daîşê hîn jî komkujî negirtiye ser xwe.
Daîş bigre ser xwe jî vir e, bi zora Erdogan dike. Qatil AKP ye, hukûmetê emrê vê qetlîamê daye.
Qatil Erdogan û Davutoglu ne.
Daîş AKP ye, hêzeke AKPê ya li hemberî kurda ye.
Ji bo ku kurdan bikujin û têxin hustuyê Daîşê, Daîş girtin bin baskê xwe.
Lê êdî kurd dizanin ku Daîş filan vir e, patronê Daîşê hukûmeta AKPê û Erdogan e.

11 oktober 2015

Hûn heta qirikê di xwîna kurdan geriyane


Çîroka kesên xwekuj(canli bomba)vir e, dereweke AKPê ji bo sergirtina komkujiyê ye.
Hukûmeta AKPê nuha ewê qilifekê ji vê komkujiya xwe ra bibînin, bi hawakî ser komkujiyê bigrin.
Ji beyanên polîs û berpirsiyaran diyar dibe ewê qatil bikin yekî xwekuj û têxin nava kesên jiyawana wenda kirine.
Polîs gotiye li ser tiliya yekî mirî şopa barûtê pir e, ev nîşan dide ku yê xwe teqandiye ew e.
Yanî dixwazin qatil bikin yekî ”Daîş” û wî jî bikujin.
Ev hemû vir in, bi baweriya min tu qatilên xwekuj tunene, kesî bombe bi xwe da neteqandiye. Ajan û zilamên MITê berî mitîngê bombe li wê meydanê ya xistine binê erdê ya jî li derekê bi cî kirine û dû ra jî gava milet kom bû teqandin.
Hukûmet dixwaze komkujiyê bi yek du kesên xwekuj ve(canli bomba)girê bide ji bo ku qatilan negrin, ji bo ku ser komkujiyê bigrin...
Ewê du navan bibêjin û bibêjin ew herdu kes jî mirine. Û bi rengî ser vê komkujiya mezin bigrin.
Xeberên, agahiyên medyaya tirk belav dike ji kok da vir in, hemû jî dezînformasyonên MITê û AKPêne. Dibê meriv pir bi îhtîyat û bi şik lê binêre.

Dewleta tirk biryara qirkirina kurdan daye

Her ku diçe bîlançoya komkujiya Anqerê mezintir dibe, li gorî agahiyên dawî 121, heta hîn jî zêdetir kuştî hene, 40-50 kesên din jî dikane li vê reqemê zêde bibe.
Felaketeke pir mezin !
Komkujiyeke li hemberî xelkê sivîl e!
Meriv lal dibe!
Diyar e xwestine bi hezaran kurdî bikujin !
Diyar e hukûmeta AKPê wek ermeniyan biryara qirkirina kurdan jî daye…
Beyana Davutoglu û ya wezîrê karûbarên hundur wek xencerekê li dilê kurdan xe, gotinên bêexlaq yên bi qasî komkujiyê giran bûn.
Vir e, riyakarî ye, sextekarî û bêûjdaniyeke mezin e gava berpirsiyarên hukûmetê dibêjin ev êrîş li hemberî dewleta tirk e. Û navê PKKê jî bi Daîşê û hin rêxistinên din ra rêz dikin…
Berî her tiştî ev êrîş ne li hemberî dewleta tirk e, ne li hemberî miletê tirk e, ne li hemberî tu tiştekî tirk û Tirkiyê ye.
Belovacî(tersê)vê îdîayê ev êrîş ji alî hukûmeta AKPê û dewleta tirk ve li hemberî miletê kurd hatiye kirin.
Binavkirina navê Daîşê jî rîkarî ye, fena ku Daîş rêxistineke bi serê xwe be.
Kes bi vê derewê naxape.
Daîşê, artêşa AKPê ya li hemberî kurda ye, bi emir û dîrektîfa Erdogan, Davutoglu û bi organîzeya MITê kar dike.
Yanî di rastiyê da êdî ”AKP Daîş e, Daîş jî AKP ye” û ji zûda ye ev yek wiha ye. Erdogan, Daîş ji bo kurdanda da çêkirin , ji bo ku bi navê Daîşê qetlîamên wiha bike û têxe husutê qatilekî Daîşê, Daîşê da çêkirin.
Hukûmeta AKPê qetlîamên wiha ji dêlî ku bi zilam û ajanên dewletê yên resmî bide kirin, bi navê Daîşê dide kirin, dibêje qatil Daîşê e. Ji bo ku şopê ji ser xwe wenda bike.
Lê tiştekî wiha tuneye, qatil kî be jî, endamê kîjan rêxistinê be jî zilamê dewletê ye, bi emrê dewletê evdigere.
Daîş li hemberî kurdan hêzeke çete û qatilan ya di bin destê Erdogan û Davutoglu da ye.
Erdogan û Davutoglu hin tiştên nikanin ya jî naxwazin bi polîs û leşkerên xwe bidin kirin, bi qatilên Daîşê didin kirin.
Ferq ev e.
Lema jî dibê em kurd dev ji Daîşê, filan û bîvan rêxistinê berdin, qatilên me, berpirsiyarên komkujiya Anqerê hukûmeta AKPê ye, dewleta tirk e.
Kî viya nebêje, kî hin hedefên din nîşan bide ew zilamê Erdogan û dewletê ye, durû û sextekarekî mezin e.

Qatilên me bûn xwediyên şîna me

Dewleta tirk ji berê da dewleteke çete bû, tu carî nebû dewleteke demokratîk.
Lê bi îktîdara Erdogan ra tam bû dewleteke mafîa, metodên mafîa ketin dewsa qanûnan û sîstema dewletê.
Berê qetlîama xwe kirin, 86 kes bi ajan û qatilên xwe dan kuştin, bi sedan birîndar kirin.
Û nuha jî bi riya bi sedan çeteyên xwe yên medyayê di sutudyoyên telewîzyonan da şopê li ser qetilan wenda dikin.
Ji bo ku serê milet li hev xin û şopê ji ser hukûmetê dagerînin bi hezaran derewan li hev radigirin.
Tew dixwazin qetlîamê têxin husuyê kurdan, dibêjin wan xwe kuştiye, viya karê wan e.
Serokwezîr Davutoglu bi rengekî bêheya got dikane PKK be jî. Însan ne hevalê qatilan be, emrê vê qetlîamê nedabe nabejê "dikane PKK" be jî.
Hertişt ji mafîayê tê, dikanin him be bikujin û him jî bibêjin we xwe kuştiye.
Him me dikujin û him jî xwîna me dixin hustuyê me…
A ev Erdogan mervekî hewqasî zalim û xwedênenas e, tam wek serokekî mafîayê dixebite…

XXX
Hûn bala xwe bidin vê zulmê, vê sosiretê, yên hatine kuştin em in, dinya sersaxiyê ji qatilên me ra dixwazin.
Qatilên me bûne xwediyên şîna me..

XXX
Bi komkujiya Anqerê Erdogan ji kurdan ra got, dibê hûn tu mafekî netewî ji me nexwazin, bi vî halê xwe razî bin.
Heger hûn bi riyeke demokratîk jî bixwazin emê dîsa we wiha bikujin. Dibê hûn viya bizanibin.


XXX
Li gorî agahiyên Merkeza Koardîsyona HDPê hejmara miriyana derket 128a. Ji 180 kêsên birîndar, 50 kes pir giran in, şansê wan yê jiyanê pir kêm e…
Heta nuha jî kurdekî cahş tiştek negotiye û ji AKPê îstîfa nekiriye.