Beşîr Atalay ne li ber tu tiştî ye û qîmeta gotinên wî bi qasî kixseyekê jî tuneye

Li alîkî da dewlet bi hemû hêz û hovîtiya xwe êrîşî ser PKKê, HDPê û her kesê nêzî PKKê dike, bajaran wêran dike, însanan kom bi kom înfaz dike, dişewitîne, yên digre şût tazî dike, heqaretên mezin li kurdan dike, li gelek bajaran(mesela li Qoserê) mekteban û bînayên dewwletê yek bi yek vala dike û bi hezaran polîs û leşkeran lê bi cî dike.
Bi kurtî dewlet li hemberî PKKê û HDPê û hemû siaysetmeddarên wan teroreke mezin dimeşîne, rojê bi sedan kesî digre, terorîze dike.
Kurdistan li kurdan kirine dojeh, ne rehetî maye û ne jî huzûr, li her derê tirs û xofê belav dikin.
Di rewşeke wiha da jî hin kurd hîn jî ji bo çarseriya mesela kurd ji vê hukûmetê hêviyekê dikin û dibêjin ”Ji Beşîr Atalay îşareta vegera pêvajoya çareseriyê”!
Efendim ”Beşîr Atalay, ji bo çareseriya mesela kurd mase îşaret kir…”
Vana gotinên qorr û vala ne, xwewn e û xwexapandin e.
Di rojeva hukûemtê da îro mesela kurd, çareserî, bi PKKê ra lihevkririn filan û bîvan tuneye, tenê şer, kuştin û şewitandina bajaran heye, qetlîam heye, çend Cizîr û Sûrên din di rojeva hukûmetê û dewletê da heye.
Li Kurdistanê bicîkrin û tahkîmkirina bi sedhezaran polîs û leşkerên nuh heye. Belkî jî bicïkrina bi milyonan ereb jî heye.
Yanî dewleta tirk di rojên pêş da li Kurdistanê ewê kurdan baş keyd û bend bike, ewê hemû wîlayet, qeza û her herêma kurdperwerî lê xurt tije leşker û polîs bike, ewê Kurdistanê ji nuh ve îşxal bike.
Tiştê nuha di rojeva hukûmeta AKPê û dewletê da ev e, li her dera Kurdistanê tahkîmkirina hêza xwe ye…
”Maseya aştiyê” (!), lihevkirin, çareserî, rawestandina şer di rojeva hukümetê dewletê da tuneye, dibê em viya bibînin.
Berî her tiştî dibê meriv vê dewletê û tirkan nas be, hinekî ji siyasetê fêm bike û beyan meyanên kesê bi qasî qirşekî jî giraniya wî tuneye, kesê bindest negere cidîyetê.
Qîmeta gotnên Beşîr Atalay bi qasî kixsakê jî tuneye, çimkî Atalay ne tiştek e, kurdekî, heramzadeyekî bindestê Erdogan e. Ne hedê wî ye li ser navê hukêmetê sozekê bide. Dibê meirv qet guh nede gotinên kesên bêîrade û bêşexsiyet.
Ji AKPê, ji hukûmtê bêyî Erdogan kî çi bibêje vala ye, ne hêja ye meriv qalê jî bike…

XXX

Hin kurd dibêjin ev risim(rismên tazî yên li Sûrê)ewê neyên ji bîrkirin. Binêrin rastiyek heye civatên, miletên hişê(şiûrê) netewî û heysiyet pê ra bi pêş neketibe, ji ber ku tu êşê bi bi hişekî(şiûrekî) netewî his nakin, ew êş nabin perçeyekî dîroka wan. Loma jî tê jibîrkirin. Hişê(siûrê) kurdan yê netewî jî wek hûn dizanin ji alîyê siyaseta biratiya gelan û biratiya bawermendan(mumînan)ve hatiye qetilkirin.
///Şahîdîn Şîmşek

Camêr pir rast gotiye. Ji ber ku xwedî zanîn û hişetekî netewî û dîrokî ye, zanïneke dîrokî pê ra heye.

Heger rewş ne wek Şîmşek gotiye bûya, kurd heta nuha bi derewên tirkan nedixapiyan û bi çavekî baş, bi çavê ”dost” û ”bira” li tirkan nedinêrin.

Ji ber ku bi kurdên Kurdistana bakur ra hişekî, şiûreke netewî tuneye lema jî her zulma tirkan zû ji bîr dikin, tu zulm, tu barbarî, tu jenosîda tirkan di hişê wan da, hafizeya wan da namîne. Çi heyf ku asîmîlasyonê kurd bêhiş û bêşûr kirine….