31 januari 2016

Egîd û xayinên kurdan pir in.


Ez her du beşên Kurdistanê yên din nizanim, lê li Kurdistana bakur bi qasî egîd, gernas û xweşmêran, xayin, xwefiroş, bêxîret jî pir in.
Û her tim jî ji neyar bêtir êrîşî kurdan dikin.
Roja îniyê berî ku meclîs heta 8ê sibatê têkeve tahtîlê, di meclîsê da li ser Cizîrê û kurdan minaqeşeyek çêbû....
Cîgirê serokê meclîsê û mebûsê AKPê yê Semsûrê(Adiyamanê)Ahmet Aydin jî mafê peyvê girt û ew jî li ser xendekan û operasyonên dewletê peyivî û êrîşê mebûsên HDPê kir û got:
“Micadeleya birayên me yên kurd tuneye. Ez jî wek kurdekî vekirî dibêjim ev micadeleyeke bi terorê ra ye…”
Yanî dema li hemberî “terorê” be, kuştina kurdan serbest e, ne sûc e û dibê meriv li dijî kuştina “terorîstan” dernekve.
Hemû mebûsên AKPê û MHPê ji bo wan gotinên wî ji piya ji Ahmet Aydin ra li çepikan xistine, ji ber ku wî ne gelê xwe, neyarên xwe, qatilên zarokên gelê xwe parastiye jê ra gotine her bijî…
Min digot belkî ji Semsûrê êdî yekî ji Mehmet Metîner xerbtir dernakeve, wa ye yên wek Metîner pir in.
Bi rastî jî xayinên kurdan pir in…
Ez jimara wan nizanim, lê bi qasî xuyaye piraniya şêwirmendên Erdogan û Davutoglu kurd in.
Di nava parlamenter û wezîran da jî kurd pir in û hemû jî ji tirkan bêtir ji bo bindestiya kurdan dixebitin.
Wê rojê dostekî min yê facebookê gotibû wezîrê karên derve yê Tirkiyê Mevlut Çavûşoglu kurd e.
Ez matmayî mam, min ji jê pirsî, gelo rast e, ew bi cî dizane.
Agahî da min, got bi rasî kurd e, erê ji Alanyayê ye, lê bi eslê xwe ji Farqînê ye. Lawê kurd Osman e.
Dû ra min dît Mahmût Kilinç jî di nivîseke xwe da gotiye Mevlut Çavuşoglu kurd e…
Ji bo çi ji nava kurdan hewqas xayin derdikevin ez nizanim. Ez bawer nakim ji nava miletekî din hewqas xayinên qewmê xwe hebin.
Mesela di nava 400 sed milyon ereb da ez bawer nakim yekî wek Mevlut Çavuşoglu, Metîner û Ahmet Aydin hebe.
Lê di nava kurdan da pir in.
Kurdistana başûr nuha rewş cuda ye, hukûmeteke kurd heye. Lê gelo li Îranê û Sûriyê rewş çawa ye, gelo li van her du welatan kurdên hevalên neyar û dijminên gelê xwe wek yên Kurdistana bakur pir in?
Li Kurdistana bakur kurdên hevalên neyar hewqasî pir in, hewqasî pir in aqilê meriv disekine. Û fedî jî nakin, di nava gel da hemû jî bi qedir û qîmet in.
Tirk gelek caran xwe nawestînin, van hevkaran bera pêxîla kurdan didin. Di meclîsê da jî wisa ye, ji tirkan bêtir yên wek Mehmet Metîner û Ahmet Aydin hayî ser kurdan dikin.
Qey ev jî şansê me kurda ye…



Daîş û Erdogan bûne goşt û nenûk


Serokkomarê Tirkiyê Erdogan dîsa gotiye:
”PYD rexistineke terorîst e. Ma emê bi rêxistineke terorîst ra çi bipeyivin?  Heger ewê bi rêxistineke terorîst ra were rûniştin, xwediyên wê pêşniyarê dibê bi Daîşê ra jî rûnin. Efendim PYDê bi Daîşê ra şer kiriye. Viya me îqna nake. Bira kes kesî nexapîne, ez viya dubare dikim.”
Rececep Tayyip Erdogan mitomanekî(nexweşê derewkirinê)bêemsal e, di derew û teqlebazitê da kes nikane bi teqala wî keve.
Mesele dibêje ji ber ku PYDê partiyeke ”terorîst” e lema jî em pê ra rûnanin.
Lê em dizanin hukûmeta AKPê, dewleta tirk heta nuha bi dehan car bi Salih Muslim ra rûniştiye û pê ra birr û bazar kirine.
Ji ber ku Salih Mislim daxwazên Tirkiyê qebûl nekir lema nuha Erdogan û tirk jê ra dibêjin ”terorîst”.
Heger PYDê daxwazên Erdogan qebûl bikira û wek hêzên din ew jî têketa bin emrê Tirkiyê, ewê nuha ne terorîst, mitefikê Erdogan bûya…
Ji PKKê ra û Abdulah Ocalan ra jî dibêjin ”terorîst”!
Lê em dizanin hukûmeta AKPê, nûnerên Erdogan, dewleta tirk heta nuha bi sedan car bi Ocalan û bi serokên PKKê yên din ra rûniştine, bi hev ra xwarine, vexwarina û lakirdî kirine.
Yanî gotina ”em bi terorîstan ra rûnanin” derew e, demagojî ye. Gava kara xwe tê da bibînin bi ”terorîstan” ra jî û bi çete û qatilan ra jî rûdinin û hevaltiyê dikin.
Ma her kes nizane hukûmeta AKPê, dewleta tirk di her warî da alîkariya Daîşê dike, çekan dide wan, tîcaretê bi wan ra dike, wan li Tirkiyê bi dizî tedawî dike û hemû çete ji ser Tirkiyê derbasî Sûriyê û Ewrûpayê dibin.
Lê Erdogan dîsa jî dibêje ew bi terorîstan ra rûnanin.
Em werin ser demagojiya , ”heger ewê bi PYDê ra rûnin dibê bi Daîşê ra jî were rûniştin.”
Erê Daîş wek rêxistin nehatiye vexwendin, lê belê  Tirkiye û piraniya rêxistinên hatine vexwendin ji xwe li ser navê Daîşê li wir in. Di nabêna rêxistinên cîhatçî û û Daîşê da tu ferq tuneye. Hemû jî xwediyê eynî îdeolojî û felsefeyê ne û hemûjî girêdayî Tirkiyê ne. Hemû jî li gorî emir û fermanên Erdogan hereket dikin.
Yanî bira Daîş jî were vexwendin gotineke vala ye, Daîş ne fizîkî, lê belê bi îdeolojî û siyaseta xwe li Cenewreyê ye.
Erdogn çi demagojiyê bike jî nikane vê rastiyê veşêre. Tikiye û Daîş êdî  bûne goşt û nenûk, her du bûne du ruyên pereyekî, her kes bi viya dizane….

XXX

Rastiyek hêdî hêdî ji meriv ve xuya dibe, serok û kadirên îro rêberî û pêşengiya tevgera PKKê dikin êdî nikanin ji bin vî barî rabin û êdî nikanin pêşngiya vê qonaxa nuh bikin.
Dibê hin siyasetmedarên nuh yên ku di vê qonaxa nuh da kanibin pêşengiya miletê kurd bikin û kurdan bigihînin azadiyê rabin...


Emîne Ayna xanimê ji kurdan ra got bi xatirê we...


Seroka DBPê(Partiya Demokratîk ya Herêman)Emîne Ayna xanimê bi beyaneke nivîskî gotiye ew dev ji siyasetê berdide.
Ez bi xwe bi vê biryara Emîne Ayna xanimê kêfxweş bûm.
Ji ber ku Emîne Ayna û kesên wek wê yên hatine tayinkirin bi tu hawî ne kesên ku bibin serok û rêberên kurdan, baştir e ku xwe bidin aliyekî û cî ji kesên layiq ra vekin.
Tevgera kurd ya netewî ketiye qonaxeke nuh ya pir zext û krîtîk. Êdî kesên wek Emîna Ayna xanimê di vê qonaxê da nikanin pêşengiya tevgera kurd ya netewî bikin.
Emîne Ayna xanimê di beyana xwe da bêyî ku navê serokkomar Erdogan bide ji zulm û terora wî gazin kiriye û gotiye:
”Her roj dibêje yek ziman, yek milet, ziman û nasnameya kurdan înkar dike, di her fersendê da li hemû nirxên kurdan yên kulturî û siyasî ku bi micadeleya salan hatine bidestxistin heqaretê dike. Li mirî û zindiyên kurdan îşkencê dike, gorra kurd jî, mal kurd jî dişewitîne û wêran dike. Ez bawer nakim kesê xwediyê vê dîtinê mesela kurda çareser bike.”
Bêguman Erdogan û partiya wî mesela kurd çareser nake, ev rast e.
Çend sal berê hêviyek biçûk hebû, lê di van 3-4 salên dawî da Erdogan dev ji taktîkên xapandinê berda û êdî ruyê xwe yê rastîn yê panturkîst û faşîst nîşan da.
Lema jî êdî di nabêna wî û Devlet Bahçelî da tu ferq tuneye.


XXX
Ji ber ku PYD beşdarî civîna Cenewre 3 nebûye hin kurd tu nemaye destên xwe hine bikin. Gava şiûrê netewî zeîf û aqil kêm be meriv bi serketina neyarê xwe kêfxweş dibe.

30 januari 2016

Dewlet mirinê rê kurdan dide

Erdogan gotiye: Kî ”xweseriya demokratîk” bixwaze emê dinyayê bi ser serê wan da hilweşînin !
Serokkomarê Tiriyê Erdogan ji hemû kurdan ra gotiye:
”Kî di bin navê xweseriyê, îdareyeke xweser da bixwaze di nava dewletê da dewletekê ava bike, emê dinyayê bi ser serê wan da hilweşînin! Dibê ev wisa were zanîn.”
Yanî mêrik ”xweseriyê”, em bibêjin otonomiyê jî qebûl nake, dibê kî tiştekî wiha bixwze emê dinyayê bi ser serê wan da hilweşînin.
Lê em dizanin bêyî PKKê hemû partiyên kurd herî kîm federasyonê dixwazin.
Erdoganê ku ”xweseriya” PKKê qebûl neke û dinyayê bi ser serê wan da hilweşîne, gelo ewê çi bîne serê kurdên federasyonê dixwazin, serê PAKê û HAK-PARê?
Cezayê wan miheqeq ewê girantir be. Çimkî serxwebûnê û federasyonê dixwazin…
Erdogan, dewlet nuha bi PKKê ve mijûl e, lema jî naçe er kurdên serxwebûnê û federasyonê dixwazin.
Hîn dora wan nehatiye…
Lê xwedê neke gava PKK têk bir, a wê demê ewê berê xwe bide kurdên serxwebûnxwaz û federasyonaxwaz û îcar îfadeya wan bigrin…
Dibê her kurd viya baş zanibe.
Dewleta daxwazên PKKê zêde bibîne, qebûl neke, daxwazên kurdên din yên federasyonê û nizanim çi qet qebûl nake.

XXX
Neyartiya kurdan civata tirk, medyaya tirk, siyasetmedarên tirk ji însaniyetê derxistiye. Erdogan wek wampîrekî, wek celadekî profesyonel dipeyive.


XXX
Kekê Rojen Barnas di twîtteke xwe da ji serokwezîrê Kurdistanê Nêçîrvan Barzanî pirseke pir di cî da kiriye, gotiye:
”Li gora İLKE HABERê birêz Nêçîrvan Barzani çûye taziya mala Koç Holdingê. Lê gelo, çûbû ya Canib Yıldırım beg, şêrê kurdperwerên 49an jî?”
Spas ji bo vê pirsa hêja û di cî da. Helbet neçûye şîna kekê Canip Yildirim, kurdperwerê bêtirs.
Ji xwe tiştekî wiha qet nayê bîra wî…

29 januari 2016

Muxalifên PKKê li hemberî vê zulma dewletê çima hûn bêdeng in?

Ey Kemal Burkay û Îbrahîm Guçlu û hemû kurdên muxalifên PKKê, li hemberî vê zulma dewletê çima hûn bêdeng in?
Dewleta tirk bi emrê Erdogan li Diyarbekrê Sûrê vala dike, leşker û polîs bi darê zorê xelkê ji malên wan derdixin û bera kuçe û kolanan didin.
Li hemberî zulmeke hewqasî mezin dibê hemû Diyarbekir, hemû partî, sendîka, baro, komel, serok û siyasetmedarên kurd nuha li Sûrê bûna û sîngên xwe ji tank û topên dijmin ra kirbûna sîper…
Mesela nuha dibê Kemal Burkay, Îbrahîm Guçlu û hemû muxalif û rexnegirên PKKê li Sûrê di nava gel da bûna.
Bira li wir, di nava gel da, di micadela li hemberî polîs û leskerên dewletê da PKK rexne bikirana û her tiştê her roj di telewîzyonan da ji PKKê ra dibêjin dîsa bigotana.
A wê demê xelkê, gel ewê bigota weleh helal be ji we ra, mêrikan di rojan teng da di nava gelê xwe da ne.
Him li hemberî dewletê ne û him jî li hemberî PKKê ne, lê bi gelê xwe ra ne…
Wê demê qedir û qîmeta wan ewê zêde bibûya.
Lê heta nuha ji neyar, muxalif û rexnegirên PKKê yek jî neçûye Cizîrê, Silopiyê, Nisêbînê, Şirnexê û Sûrê.
Tenê di telewîzyonên dewletê û tirkan da PKKê rexne dikin.
Hal û karên wan ev e…
Bi sedan muxalifên PKKê yên bi nav û ddeng li Diyarbekrê hene, heta nuha min ne dît û nej î bihîst rojekê çûbin hawara gelê Sûrê, terora dewletê protesto kiribin, ji hukûmetê tiştek xwsibin ya jî beyanek dabin, li dijï êrîşên dewletê çalakiyek li dar xistibin…
Fena ku ne li Diyarbekrê bin, fena ku tunebin…
Lê di telewîzyonan da pir in…
Yanî naçin hawara gel, li dijî zulm û terora dewletê tiştekî konkret nakin, di telewîzyonan da tenê PKKê rexne dikin.
Û tirkên li dora wan jî di bin lêvan ra dimizicin û bi kêf li wan guhdarî dikin.
Ezbenî, temam PKK şaş, neheq, viya li her derê bibêjin û rexne bikin, ev mafê we yê demokratîk e. Lê belê li dijî zulm û terora dewletê jî derkevin, li Sûrê, li Cizîrê herin hawara gelê xwe jî.
Di nava gel da PKKê jî û dewletê jï rexne bikin…
Ma gelê Sûrê, Cizîrê ne gelê we ye jî?
Çima hûn naçin wan ji destê PKKê û dewletê xelas nakin?
Çima di rojeke wiha da hûn naçin hawara wan, ji bo ku dev ji PKKê berdin û bibin hevalên we?
Di studyoyê telewîzyonan da rexnekirina PKKê û HDPê, rêzkirina şaşiyen wan rehet e, heta ji alî dewletê û hukûmtê ve tê teqdîrkirin jî.
Lê di rojên teng da meriv alîkariya gelê xwe jî bike, li dijî koçberkirina dewletê ya bi zorê jî derkve.
Dewlet bi darê zorê gelê we ji malên wan derdixe, mitêlên wan dide destê wan û bera kuçan dide, ey Kemal Burkay û Îbrahîm Guçlu û hemû kurdên muxalifên PKKê, li hemberî vê zulma dewletê hûn çawa dikanin bêdeng bimînin?

XXX
Ilias Arian Shaddadi Ez li benda te bûm kak Zinarê Xamo. Çend roj bûn te tiştek li ser kak Kemal Burkay nenivisîbû. Ez naxwazim gotinên te şîrove bikim. Ji xwe kak Lales hin tişt nivisîne. Ma tu dixwazi Burkayê 78 salî şûr û mertalê xwe bigire û biçe Amedê li dijî hêzên taybet ên Komara Tirkiyê (li gori hevalekan ên AKP/Erdogan) şer bike? Bibore lê ew xwastek tişteki bi wate ye. Beri her kesî pêwiste ên xendek kolane û dane kolandin (hemû niwenêrên HDPê, HPG û fermandarên wê - Cemil Bayik, Murat Karayilan, Duran Kalkan, Mustafa Karasu û ên mayin - biçin û bikevine sengeran. Ji xwe ew derê ku tu behsê dikê gel mel jî nemaye. Ji sedî 80ê gelê wan bajar û bajarokan koç kirine. Bi hêviya şeveke xweş bimine di nav silametîyê de.

Zinarê Xamo Kekê Ilias Arian Shaddadi, yanî tu dibêjî tu îşê Burkay û Guclu û kurdên ne PKKyî bi Cizîrê, bi Şirnexê, bi Silopiyê û bi Sûrê tuneye.
Dewlet çi tîne serê PKKê û gelên wan bajaran ne problema me ye, ew karê PKKê ye.
Yanî dewlet çi tîne serê PKKê û gelê pê ra bi heq e, em li dij dernakevin. Bira PKKê û gelên wan bajaran wiha nekira.
Piştî ku xendek kolan heqê dewletê heye wan bikuje û koçber bike.
Yanî hûn dibêjin ji ber ku PKK şaş e, tiştê şaş dike, lema jî xwîna PKKiyan û gelê pê ra li dewletê helal e…
Bira biaqil bin, bira dengê nekin, bira rehet bisekin…
Ev dîtineke pir şaş û pir tahlûke ye.
PKK çiqasî şaş be jî dibê meriv qetla wan li dewleta tirk ya îşxalkar helal nebîne. Hebûna dewleta tirk, hebûna leşker û polîsên tirk li Diyarbekrê, li Cizîrê ne meşrû ye, tu leşker û polîsên tirk tuneye li Cizîrê û li Sûrê PKKyiyan bikujin û malê kurdan wêran bikin, bidin ber topan.
Bêdengiya li hemberî van êrîşên dewleta tirk ne şêleke welatparêzî ye.
Meriv wek kurd him li dijî van êrîşên dewletê derdikve û him jî PKKê rexne dike. Ez viya dibêjim.
Ma li hemberî van êrîşên dewletê tiştekî em kurdên din bikin tuneye?
Ev tenê karê PKKê ye?
Ma Îbrahîm Guclu, Burkay û bi sedan akademîsyen û siyasetmedarên ne PKKyî rojekê herin li Sûrê bi hev ra însîyatîfekê bigrin, beyanekê bidin, bangê li hukûmetê û dinyayê bikin ewê çi ji wan kêm bibe ya jî şaşî di ku dera vê da ye?
Kî çi difikire, li dijî kê ye bira her kes dîsa fikrê xwe bibêje, tiştên di telewîzyonan da dibêjin bir herin li Cizîrê, li Diyarbekrê, li Şirnexê û Silopiyê jî bibêjin.
Lê li dijî terora dewletê jî derkevin, piştgiriya gel jî bikin. Ji dewletê ra bibêjin hûn çima xelkê bi zor ji malên wan derdixin?
Em viya qebûl nakin.
Hûn nikanin me li welatê me bikin mahcir.
Çima emê viya nebêjin?
Gotina van tiştan çima şaş e?
Ma emê çawa milet ji PKKya şaş veqetînin û qezenc bikin?
Qezenckirina milet bi xebatê dibe…
Ez kurd im û dilê min bi halê gelê min dişewite.
Lema jî ez dixwazim ji destê kîjan kurdî çi tê bira bike, di vir da tu şaşî û dijminatiya kesî tuneye.


Ilias Arian Shaddadi Kak Zinarê Xamo, ez dibêjim gellek şaşiyên PKK hene, lê ez nabêjim "xwîna PKKiyan û gelê pê ra li dewletê helal e." Em hemû baş dizanin dagirkerin Kurdistanê çiqas har û hov in. Bi a min armanca PKKê ne rizgarkirina Kurdistanê û gelê kurd e. PKK ji bohegemonia xwe şer dike û ew ne şerê kurdan e. Lê eger tu, Kemal Burkay, Ibrahim Güçlü û ên din dikarin şer rawestînin, fermo ez li gel we me û ez jî bi we re biçim Amedê.

Zinarê Xamo Kanin ya nikanin ew tiştekî din e, lê tiştê ji destê wan tê dibê bikin, dibê li hemberî vê hovîtiya dewletê bêdeng nemînin.
Tenê şaşiyên PKKê rexnekirin ne rast e, ne şêleke netewî ye, li gel rexnekirina PKKê dibê rexneya esasî li dewletê were kirin.
Mafê vê dewleta faşîst tuneye Sûrê wêran bike û gel bi zor ji malên wan derxe.
Wek kurd, wek siyasetmedar li hemberî vê zulmê dibê gotineke me hebe.



Neyarên kurdan ji kûçikan bêtir in

Şêwirmendê rêberê Îranê û Wezîrê berê yê karên derve yê Îranê Elî Ekber Welayetî, di hevpeyvîna xwe ya bi rojnameya Dogu Perînçekê komunsîst-faşîst Aydinlikê ra bersiva wezîra îsraîlî Ayelet Şaked daye.
Wek tê zanîn çend roj berê wezîra edaletê ya Îsraîlê Ayelet Şakedê gotibû, ”êdî dema wê hatiye dewleta Kurdistanê were avakirin, çimkî kurd hêjayî vê yekê ne.”
Li hember vê axaftina wezîra Ayelet Şakedê, Elî Ekber Welayetî di hevpeyvîna xwe ya bi rojnameya "Aydinlikê" ra bersiva Şakedê daye û gotiye, ”damezirandina dewleta kurd li Iraqê Îsraîla duyem e” û ”ew li dijî perçebûna Iraqê û Tirkiyê ne.”
Meleyên Îranê li dijî avabûna Kurdistanê ne ne tiştekî xerîb e, em dizanin hûn çi keftar û mar in.
Lê tiştê balkêş Aydinlika çep û komunîstên tirk çûne xwe gîhandine Welayetiyê antî-komunîst û ev gotinên li dijî kurdan ji devê wî girtine.
Û ji ber ku Welayetî dewleta kurd ya pêşerojê wek Îsraîla duyem bi nav kiriye Aydinlik û hemû faşîstên li pişt wê pir kêfxweş bûne.
Mixabin neyarên me ji kûçikan bêtir in…


XXX
Tirk "biratiya" (!) xwe baş şanî me kurdan didin !
Dewleta tirk Sûrê vala dike, xelkê siwîl bi darê zorê ji malên wan derdixe û bera kuçeyan dide.
Erdogan wê rojê emir da qaymeqaman, guh guh nedin qanûn manûnan, çi lazim be wiya bikin...
Û qaymeqam û walî jï wa ye emrê sultanê mezin bicî tînin...

Ez naxwazim ji derdê tirkan merezarî bibim

Ez naxwazim merezarî bibim û lema jî li telewîzyonên tirkî temaşe nakim
Parabola me heye, lê ez qet li telewîzyonên tirkan temaşe nakim, ev saleke, ji şerê Kobanê û virda ye me dev ji temaşekirina kanalên tirkî berdaye.
Ez carnan di kompîtorê da bi lez bala xwe didim programên minaqeşeyan.
Lê nikanim zêde lê temaşe bikim, bîna min teng dibe, hêrs dibim, tîk min digrin…
Ji ber ku neyê temaşekirin, xew li min diherime, bîna min teng dibe, ji qahra tirkan bela xwe di xanimê didim…
Tu kîjan qanalê vedikî faşîst û neyarên kurdan dipeyivin, wek gurên devbixwîn êrîşî kurdan dikin. Teror û teror, terorîst û terorîst…
Ez bi xwe dîn dibim.
Mêrikan pir rehet barek xeber ji me ra didin, heqaretên nemayê li kurdan dikin, lê tu nikanî tiştekî bibêjî, tenê lê guhdarî dikî…
Meriv dîn dibe.
Tu ne kanî jê ra bibêjî gewad bes derewan bike, tu ne kanî pê da bixeyidî, ne kanî bibêjî terorîst dewleta te ye û ne jî kanî bibêjî ez di lolibê bavê tenim!
Lema jî ez li telewîzyonên tirkan temaşa nakim.
Çi bibêjin jî qenekê deng nayê min û pê naqeherim û weselam…

XXX

Tu dibêjî belkî kurdan nîhaye diya her kesî !
Min nuha di CNN Tirk da 4-5 deqîqeyan li Etyen Mahcûpyan guhdarî kir.
Bêbav di heqê PYDê da eynî wek serokê Meclîsa Tirkmenan Abdurrahman Mustafayê neyarê kurdan û Davutoglu peyivî.
Zilamtiya Erdogan ew jî tam bêûjdan, bêbext û telaqreş kiriye. Wî jî ne Tirkiye, PYD neheq nîşan da, got heta PYD ev PYD be Tirkiye ewê siyaseta xwe neguhere.
Min dev ji guhdarîkirinê berda. Ji xwe êdî ez pir kêm li kanalên tirkî temaşe dikim û ew jî di internetê da.
Tu dibêjî belkî kurdan nihaye diya her kesî, her kes bûye neyarê kurdan. Heta bi Etyen Mahcûpyan jî li Sûriyê Tirkiyê bi heq û PYDê û PKKê neheq dibîne…

28 januari 2016

Di nava me da abûqatên Erdogan pir in


Erdogan kemalîstê herî mezin e, ji Bahcelî faşîsttir e.
Lê hin kurdên merivên Erdogan şerê Erdogan li Kurdistanê hemberî kurdan dide meşandin wek şerê kemalîstan yê li dijî AKPê û Erdogan nîşan didin.
Ev ne rast e, demagojî ye û parastina Erdogan û terora dewletê ye. Bêûjdanî û bêbextî ye.
Baş e Erdogan çima bela xwe ji kurdên Sûriyê venake?
Ma PYD li hemberî îktîdara AKPê şer dike?
Ma PYD dixwaze îktîdara AKPê wergerîne?
Bêguman na.
Di ser da PYD ji bo ku bi AKPê ra, bi Erdogan ra bibe dost xwe diçirîne, lava dike.
Lê yê qebûl nake, yê bi PYDê û bi kurdên rojava ra neyartiyê dike Erdogan e.
Ji ber ku Erdogan naxwaze li Sûriyê kurd bibin xwedî mafekî herî biçûk.
Erdogan sê sal berê ji Sirri Surreya Onder gotibû ”ewê qebûl nekin wek bakurê Îraqê, bakurê Sûriyê jî çê bibe.”
Yanî neyartiya Erdogan ya bi kurdan ra ne girêdayî şerê PKKê ye, gelkî kevn û gelkî kûr e.
Siyasetmedarê vê rastiyê nebîne viran dike, durûtiyê dike.
Erdogan û AKPya ”antî kemalîst” (!) çima nahêlin kurd beşdarî civîna Cenewreyê bibin û li Sûriyê bibin maf û desthilat?
Kesên dibêjin PKK li ser navê kemalîstan li dijî AKPê û Erdogan şer dike, dibê ji Erdogan û Davutoglu bipirsin, bibêjin çima li dijî PYDê û kurdên Sûriyê ne?
Hûn çi ji kurdên Sûriyê û PYDê dixwazin?
Heta nuha PYDê û Salih Mislim çi xerabî bi Tirkiyê, bi hukûmeta AKPê û bi Erdogan kiriye?
Bêguman qet tu xerabî jî nekiriye.
Yanî sebebê şerê îro li Kurdistanê heye ne ”kemalîst” û filan bîvan in, kes ji bo kesî şer nake, kes ne zarok e.
Sebebê derketinaşer îdeolojiya Erdogan ya panturkîst e, tirkçîtî ye, îdeolojiya panturkiîst ya îmha û înkara miletê kurd e.
Erdogan dev ji vê îdeolojiya irqçî, panturkîst berde şer ewê raweste. Heta ku tirk xwediyê vê îdeolojiyan faşîst bin ne demokrasî tê Tirkiyê û ne jî mesela kurd çareser dibe.
Yanî bingeha hemû xerabiyan ev îdeolojiya panturkîst e.
Bi kurtî, j ber ku Erdogan naxwaze tu mafî bide kurdan, loma îro li Kurdistanê şer heye.
Heger Erdogan bixwaze dikane di nava 2 rojan da şer rawestîne.

Emerîka jî teslîmî Tirkiyê bû û got bira PYD beşdarî civîna Cenewreyê nebe


Piştî Rûsya û Fransayê, wa ye Dewletên Yekbûyî yên Emerîkayê(DYE)jî hustu li ber tirkan xwar kir û qebûl kir ku PYD beşdarî civîna Cenewre 3 nebe.
Berdevkê Wezareta Derve ya Amerîka Mark Toner got, PYD ewê beşdarî civîna Cenewre 3 nebe…
Tirk li Cizîrê, li Silopiyê, li Diyarbekrê û li Cenewrê hêza xwe, mêraniya xwe, qudret û mezniya xwe û her wisa jî neyartî û girrê xwe yê li hemberî kurdan nîşanî me didin.
Îran jî dijmin e, lê Îran nabêje bira PYD beşdarî civîna Cenewreyê nebe. Êrê Îra jî xêra kurdan naxwaze, lê belê tu carî wek Tirkiyê bela xwe di kurdên beşên din nade, wer ne li dû wan e.
Lê tirk 24 saet li pey kurdan e, naxwaze, nahêle kurdên tu beşî bibin xwediyê mefekî herî biçûk...
Dibê em fêm bikin bê tirk çiqasî neyarê me ne. Bi gotinê ev neyartiya tirkan nayê îzahkirin, neyartiyeke pir û pir mezin e. Wek dewlet hebûna xwe bi tunekirina kurdan ve girê dane, ji bo ku ew bijî dibê me kurdan qir bikin û heger ew jî nebû li her dera dinyayê bindest bihêlin…
DYE, Rûsya, Fransa, Îngilistan hemû jî bênamûs, bêbext û pûlperest in.
Helbet ji berê da wiha ne.
Ji ber ku li ba Tirkan pere heye hemû emir û dîrektîfên Erdogan qebûl dikin.
Vê bûyerê careke din nîşanê me da li dinyayê dostê me, xêrxwazê me tuneye, hin dewlet carnan ji ber ku kara wan tê heye alîkariya me bikin jî, di rû da xwe ”dostên” me nîşan bidin jî ev ”dostî” heta derekê ye, gava hewce be her tim dikanin me li ser piştê li erdê xin.
Civîna Cenewre 3 îspata vê ye.
Lema jî dibê civîna Cenewrê ji me ra bibe tecrûyek nuh, kî çi dibêje, çi sozê bide me jî vir e, her kes, her tim dikane bi me ra bêbextiyê bike.
Yanî bêyî me kes tostê me yê rastîn tuneye, heger piçek aqil bi me ra hebe hêzên ji hemû fikrê û baweriyê emê hêza xwe bikin yek û hevkarî û yekîtiya xwe xurt bikin.
Çimkî bêyî viya tu çareya me tuneye.
Li dinyayê dibê ya tu xurt bî, hêza te hebe ya jî perê te hebe.
Bi hêza xwe ya leşkerî meriv dikane dewletan bitirsîne û bi perê xwe jî meriv dikane bikire.
Li ba me ev her du jî tuneye. Lema em nikanin kesî bitirsînin û bikirin.
Lê tirk dikanin, hinekan ditirsînin û hinekan jî dikirin.

Tirkiye welatê gendeliyê û bertîlxuran e


Di nava 168 welatan da Tirkiye di gendeliyê, rişwetê, bertîlxuriyê û bêxlaqiyê da welatê pêncemîn e.
Rêxistina Navneteweyî ya Şefafiyê rapora xwe ya salane eşkere kir. Tirkiye di nav 168 welatan de di warê gendeliyê yanî rişwet û bertîlxuriyê da di rêza pêncan da ye. Berî tirkyê:
1. Somalî û Koreya bakur(wek hev)
2. Afghanistan
3. Sudan
4. Sûdana başûr och Angola (wek hev)
5. Tirkiye

Yanî Tirkiye welatê dizan û bertîlxuran e.
Esas dibê welatê yekem bûya, ji ber ku bertîlxurê dinyayê yê herî mezin serokê dewletê ye.
Nîvê hatina dewletê wî bera bêrîka xwe daye. Li gorî tê texmînkirin Erdogan li dinyayê serokkomarê herî dewlemend e.
Berî bibe serokê belediya Stenbolê(1994-1998)merivekî pir feqîr bû, berê li Kasimpaşayê simît difrot, dû ra li şîrketekê wek karkirekî xebitî. Lê piştî ku bû serokê belediya Stenbolê û dû ra jî serokwezîr, a êdî lêxist, bû yek ji dewlemendê diyayê yê herî mezin….

XXX

Di bin serokatiya Erdogan da piştî civîneke 7 saetan Heyeta Ewlekariya Netewî belavokek belav kir.
HEN(yanî dewleta tirk) di belavoka xwe da dibêje:
”Di avakirina Sûriyê da dibê Esad, Daîş, PYD, YPG tunebin.”
Mêrikan xwe xwediyê Sûriyê dibînin. Dibê pêşeroja Sûriyê çawa be ji nuha da dîkte dikin.
Tirkiyê çawa îdare dikin dixwazin Sûriye jî wisa were îdarekirin.
Yanî dibê li Sûriyê jî kurd nebin xwedî maf, wek li Tirkiyê li wir jî bindest bimînin.
Esas tirk tu nemaye bibêjin Sûriyê û Îraqê bi me ve girê bidin. Ji xwe di vî warî da hin gav avêtine, qismekî Îraqê/Kurdistanê û Sûriyê îşxal kirine.
Xeyala paşdeanîna Împaratoriya Osmanî bi Erdogan û tirkan ra pir xurt e, mêrikan Sûriyê û Îraqê tim wek beşekî Tirkiyê(Mîsaqî Millî) dibînin.
Lema jî pir ne dûr e Erdogan sibe hemû Sûriyê û Îraqê bixwaze…
Di vê belavokê da jî meriv dibîne ku Tirkiye naxwaze li Sûriyê şer raweste û aştî çê bibe.

Nexşeyeke Kurdistanê ya 386 sal berê

Li gor vê nexşeya kekê Behrooz Shojai parve kiriye di sala 1730 da li Kurdistanê (Courdistan) hem Komara Kurdan (Respublica Curdorum) hebû û hem jî şahenşahîya Bohtan (Regnum Bochtanonum).
Lê îro em nikanin navê welatê xwehildin. Îşxal, asîmîlasyon meriv bêhiş û bêşiûr dike.
Ji ber ku haya me ji dîroka me tuneye em ne xwe nas dikin û ne jî dîroka xwe.
Wek milet em kurd di halekî pir xerab da ne, tiştê hatiye serê me pir trajîk e…

XXX
Li Cizîrê 23 birîndarên di bodrumekê da ji alî tîmên taybet ve bi topbaranê tên înfaz kirin.
Ji dêlî ku bihêlin ambulans herin xanî dan ber topan. Li gorî agahiyên Mehmet Tunç kutên xênî ketin, derî hat girtin, êdî kes nikane xwe bigihïne hundur.
Yanî dewlet er 23 kurdên birîndar jî, ku nava wan da zarokên 13 salî jî hene, hêdî hêdî infaz dike...
Bira canê kurdên havalên Edogan û AKPê sax be....

XXX
Nûnerê Neteweyên Yekbûyî hîn PYD venexwendiye civîna Cenewrê ya sêyemîn.
Vekirî ye Tirkiye nahêle.
Netîce ewê çawa be hîn ne diyar e.
Lê dema PYD neyê vexwendin dibê ENKS jî çûyînê qebûl neke.
Ya rast dibê kurd bi hev ra û wek aliyekî û bi daxwazeke miş terek beş dar bibin.
Lê Tirkiye dixwaze kurdan perçe bike û nehêle wek aliyê kurd beşdar bibin.
Tirk dixwazin çend kurdên zilamên xwe di nava ereban da wek qûqla deynin wir.
Dibê ENKS û PYD bi hev ra hereket bikin.
Û ya din jî bêguman kurd ewê çi bixwazin?
Dibê daxwaza ENKSê, PYDê û ya hemû kurdan ya mişterek federasyon be û li ser vê bi israr bin.

2016-01-28

27 januari 2016

Kurd xwe dixapînin û weselam

Serokkomarê Tirkiyê Erdogan, do di civîna qaymeqaman da dîsa wek tûtî(papaxanan) naqarata ”yek dewlet, yek al û yek milet” dubare kir û ji PKKê, HDPê û hemû kurdên dibêjin em veqetandinê û Kurdistaneke serbixwe naxwazin, tiştê em dixwazin ”ortak vatan” e yanî welatekî mişterek e got:
”Em bi gotina van sextekaran ku dibêjin em welatekî cihê naxwazin naxapin. Bira werin viya ji kumê min ra bibêjin. Em derdê wan dizanin. Ez xwediyê çi mafî me tu jî xwediyê wî ye. Rehet bise yaho! Tu dikevî parlamentoyê, tu tê her meqamî, tu hîn çi dixwazî? Derdê wan vî welatê me yê xweş , axa velêt perçe bikin…”
Bêguman ne Erdogan tenê, hemû tirk wiha difikirin. Hemû tirk bi şîar, soz û retorîka PKKê ya ”ortak vatan” yanî em veqetandinê, Kurdistanê naxwazin dikenin, dibêjin hûn kê dixapînin, em zanin ajandeayeke we ya bi dizî heye û ew jî ”perçekirina Tirkiyê” û çêkirina Kurdistanê ye.
Yanî bi siyaseta ”ortak vatan/welatê mişterek” kurd tenê xwe dixapînin. Tirk bi gotinên wiha ”nerm” nabin.
Ya rast ew e PKK dev ji vê siyaseta ”ortak vatan” û ”Tirkiyetiyê” berde û ji bo gelê xwe statuyeke siyasî ku her kes bizane çi ye bixwaze…

XXX

Wezîrê Parastinê yê Îsraîlê Moshe Ya’alon gotiye:
"Daîş bi alîkariya Tirkiyê dijî."!
Rast e, viya her kes dizane lê ji ber ku Tirkiye ye kes newêre dengê xwe bike.
Her kes, Emerîka jî tê da ji tirkan ditirse, tu dewlet newêre bela xwe di tirkan bide.
Lema Emerîka û Ewrûpa dengê xwe nakin û newêrin her ser Tirkyê.
Û ji ber ku Erdogan bi vê xurtiya xwe zane, ji ber ku zane xofa tirkan di dilê her kesî da ye lema jî bêperwa, eşkere alîkariya Daîşê dike.
Îsraîl jî newêre bi Tirkiyê ra were hemberî hev. ÎIsraîl, bi bûyera Mawî Marmara dît ku tirk ne ereb in. Îsraîl dawiya dawî him ji Tirkiyê uzrê xwe xwest û him jî pereyekî pir mezin da Tirkiyê.
Lema jî wan jî bivik dît û êdî he diwêrin bela xwe di Tirkiyê bidin....
Yanî tirk bûne axayê herêmê, kes newêre tiliya xwe berbî waqn bike...

26 januari 2016

Erdogan emir da qaymeqaman: guh nedin qanûnan, her tiştî bînin serê kurdan!


Serokê Tirkiyê û melîkê dinyayê Recep Tayyip Erdogan, ji bo qaymeqam bêtir herin ser kurdan, bêtir jiyanê li kurdan bikin zindan ferman daye wan û gotiye:
”Gava hewce be dest deynin ser wasite û aletên belediyan, mewzûatê deynin aliyekî. Netirsin. Tirsonek tu carî nikanin heykelên zaferê daçikînin.”
Yanî guh nedin qanûnan, heq û huqûq, her zulmê û her neheqiyê li kurdan bikin, çavên wan derxin, wan bikujin, guhên wan jêkin, wan bixesînin, netirsin.
Bikujin û nehêlin termên xwe rakin, bira wek îbretî alem termên wan li ber çavên zindiyên wan bi rojan li erdê birizin, genî bibin.
Bira hemû kurd û dinaya bibîne ku miletê tirk, dewleta tirk, serokkomarê tirk xwediyê çi hukim û qudretê ye!
Dibê kurd bîna xwe negrin!
Dibê kurd tobe bikin!
Heta tobe nekin, heta teslîm nebin wan bikujin, her tiştî bi wan bikin, wek me berê jî kiribû dîsa gû bi wan bidin xwarin….
Ji bo kurd bibînin em tirk çi mêr û çi egîd in!
Bi Xwedê tirk xurt in û li dinyayê pênc perê xwe jî di kesî nadin.
Bêyî tirkekî tu serokkomarê welatekî din nikane vî hukmî, vê zulmê, vê irqçîtiyê li miletekî bindest bike.
Tenê Erdogan, tenê tirk dikanin bikin…
Mêrik wek serokkomar emir dide meclîsê, didi dadgehan, dide dozgeran, dide muxtaran, dide qeymeqaman, dide waliyan, dide zanîngehan.
Emir dide her kesî, her dezgehê…
Mêrik Tirkiyê eynî wek şîrketa xwe îdare dike, xwe di ser her kesî, her meqamî û her dezgehê ra dibîne.
Mêrik ji kesî natirse, kesî bi mûyê gunê xwe jî nahesibîne !
Dilê wî çi dixwaze wiya dibêje, wî emrî dide.
Qanûn, mueyîde, dinya ji bo wî tişt miştên vala ne…
Ji bo ku leşker, polîs, qeymeqam, walî, welhasilî kelam dewlet bi hemû hêza xwe li kurdan were xezebê emir li ser emir dide, ji mamûrên dewletê ra dibêje guh nedin qanûnan, çi pêwîst e wiya bikin, netirsin, ez li pişta we me.
Serokkomerê kîjan welatî tiştekî wiha bigota Yekîtiya Ewrûpayê, medyaya dinyayê ewê qiyamet rakirana.
Lê ji ber ku Erdogan tirk e kes newêre dengê xwe bike, her kes dibêje aman bira bela xwe di me jî nede, tiştê tîne serê kurdan dikane bîne serê me jî.
Emerîka, Cîn, Neteweyên Yekbûyî, Yektîtya Ewrûpa, Îsraîl, 22 welatên ereb, Rûsya, Îran li ba Erdogan û tirkan hemû jî fasafîso ne, mêrik yekî jî bi tiştekî nahesibîne.
Gava dilê wan dixwaze Qibrisê, Îraqê, Sûriyê, Kurdistanê îşxal dikin. Û
kes jî newêre dengê xwe bike.
22 welatên ereb newêrin ji Erdogan ra bibêjin çima û bi çi heqî tu Îraqê îşxal dikî?
Emerîka, NY dibêjin ji Başîkayê/Îraqê derkvin, Tirkiye guh nade kesî, Erdogan wek Hîtler dibêje hûn çi bibêjin jî em guh nadin we, em dernakevin.
Erdogan Daîş çêkir, li Sûriyê herb derxist, 300 hezar însan da kuştin, 12 milyon însan bi çolan xist, lê dîsa jî wek hûtê heftserî emir dide xelkê, wek ku yê herî bi heq ew be dibêje gerek Esed here, PYD nekeve civînê û gerek filan, filan tişt jî bibin, ya na ez nahêlim civîna Cenewreyê cê bibe.
Yanî Tirkiye li herêmê û heta li dinyayê bûye dewleteke rêbir, çete û zorba û Erdogan jî bûye Hîtler, mêrik çi dixwaze wiya dike û dide kirin.
Û tu dewlet, tu dezgeh newêre ji Erdogan ra bibêje hilêbilê

Tirkiye zorbatiyê li kurdan dike


Davutoglu gotiye ne YPG, bira kurdên din werin Cenewreyê. Demagojiye, viran dike.
Kurdên din kî ne?
Kê dixwaze?
Li tirkiyê PKKê qebûl nake, li Sûriyê PYDê qebûl nake.
Ji ber ku li her du deran jî yê hene, yên şer dikin PKK û PYD ye.
Heger ne derew e, heger bi rastî hûn aştiyê û çareseriyê mesela kurd dixwazin dibê hûn bi PKKê û PYDê ra rûnin.
Ji ber ku li Kurdistana bakur hûn bi PKKê ra şer dikin.
Û li Sûriyê jî Daîşiyên we bi PYDê ras ser dikin.
Meriv bi kê ras ser kir bi wî ra rûdine û bi wî ra aştiyê dike.
Yanî di vê daxwaza Tirkiyê da, bira PYD beşdarî civîna Cenewreyê nebe, tu aliyekî bi heq û maqûl tuneye.
Tirkiye ji desetpêkê da yekîtiya Sûriyê ya unîter diparêze û li dij e kurd ji Sûriyê veqetin ya jî Sûriye bibe welatekî federal.
Ji bo ku kurd li Sûriyê nebin xwedî maf Davutoglu tiştê ne mimkûn, şertê nayê qebûlkirin dide pêş.
Ya din Tirkiye wek welatekî cîran û ne aliyekî şer ne xwedî maf e van şertan li ser civînê ferz bike.
Ev zorbatî ye.
Di normalê da dibê Emerîka û Rûsya ji ber vê zorbatiyê Tirkiyê biqewitînin, bibêjin de biteqiz vir.
Lê ji ber ku dinya bênamûs e kes viya nabêje.
Tiştek pir vekirî ye, tirk ji însanetiyê fêm nakin. Zimanê ew jê fêm dikin ZOR e, Ço ye!
Kultura wan ev e, lema dibêjin ”ço ji cinetê derketiye”!
Ji dêlî heyran û qurbanê û bergerê, dibê Emerîka û Rûsya serê Ço nîşanê Erdogan bidin, jê ra bibêjin heger tu rehet nesekine emê pozê te bifirikînin, emê te durf bikin, faşîstê qûn bi gû….
Lê viya nabêjin, belkî jî hustuyê xwe li ber Erdogan xwar bikin û bi rastî jî PYDê li derî civînê bihêlin.
Yanî dîsa wek Lozanê kurdan bindest bihêlin…


Erdogan civîna Cenewreyê ji bo ku kurd beşdar nebin da texîrkirin


Sebebê paşxistina civîna Cenewre 3ê ya li ser Sûriyê ya îro kurd in. Civîna ku dibê îro dest pê bikira li ser tehdîda Tirkiyê ya boykotê heta roja îniyê hat paşxistin.
Tirkiye dibêje heger kurd beşdar bibin em û muxalifên Esed emê beşdar nebin. Bêyî PYDê û kurdan ji Daîşê bigire heta bi El Nusrayê, hemû muxalifên Esed ji xwe girêdayî Tirkiyê ne.
Yanî navê wan cihê be jî patronê hemûyan Erdogan e.
Wek tê zanîn PYD jî wek hêzeke muxalif ji alî nûnerê taybet yê Neteweyên Yekbûyî yê Sûriyê Staffan de Mistura ve hatibû vexwendin.
Lê Tirkiye bi şîdet li dijî beşdariya PYDê û kurda derket û got tu ferqa PYDê û Daîşê tuneye.
Esas ne PYD, Tirkiye qebûl nake tu hêz û partiyeke bi serê xwe, wek terefekî beşdar bibe.
Erdogan dibêje ez li dijî kurda me, ez neyarê kurda me û lema jî ez qebûl nakim kurd beşdarî civîna Cenewreyê bibin.
Erdogan viya tenê jî nabêje, miheqeq dibêje gerek kurd li Sûriyê nebin xwedî maf û desthilat jî.
Yanî Erdogan ji Emerîka û Rûsyayê ra dibêje, dibê kurd him neyên vexwendin û him jî piştî şer jî nebin xwedî tu mafî.
Ji xwe Erdogan û Davutoglu çend caran gotin, ew naxwazin ”wek bakurê Îraqê”, bakurê Sûriyê jî bibînin.
Yanî tiştê kurdan li Îraqê bi dest xistin ewê nehêle kurd li Sûriyê jî bi dest xin. Mesele hewqasî zelal e.
Tirkiye wek welatekî biyanî midaxeleyî şerê Sûriyê dike û nahêle kurdên hemwelatiyên Sûriyê, kurdên bi hezaran şehîd dane, kurdên bi sedan gund û bi dehan bajarên wan wêran bûne beşdarî civînê bibin.
Erdogan ji dinyayê ra pir vekirî dibêje gerek kurd li Sûriyê ji bindestiyê xelas nebin, gerek nebin xwedî maf, gerek wek kurdên başûr(Îraqê)nebin xwedî statuyeke siyasî.
Hûn dibînin bê ev tirk çiqasî faşîst û nazîst in, çiqasî neyarê miletê kurd in. Çiqasî xebîs, zebanî zalim in.
Mêrikan bi zor nahêlin li weletekî din jî kurd ji bindestiyê xelas bibin.
Piştî vê şêla hukûmeta AKPê ya hewqasî neyarane û faşîzane heger piçeke xîret bi kurdên AKPê ra hebe ewê ji AKPê veqetin.
Kurdên hîn jî ji AKPê veneqetin, maneya xwe ew jî bi qasî Erdogan û Davutoglu neyarên miletê kurd in, ew jî bi qasî Erdogan panturkîst û irqçî ne.
Lema jî dibê meriv êdî bi çavê kurdan li wan nenêre, ji ber ku ew di refên neyar dane, bi neyar ra ew jî nahêlin kurd li rojava ji bindestiyê xelas bibin.
2016-01-25

XXX

Tirkiye naxwaze Daîş were têkbirin
Li gorî xebera Rûdawê dîplomatekî ji Wezareta Derve ya Amerîkayê gotiye, ”Tirkiye naxwaze DAIŞ were jinavbirin, çimkî ditirse kurd bihêztir bibin.”
Viya êdî kerr û lal û zarok jî dizanin. Dinya alem dizane ku Daîş girêdayî artêşa Tirkiyê ye û ji alî artêşa Tirkiyê ve tê sewq û îdarekirin.
Ji xwe heta nuha jî Tirkiyê nehîştiye Emerîka û hêzên hevpeyman derba mirinê li Daîşê bidin.
Ji ber ku Daîş li ser navê Tirkiyê li hemberî kurdan şer dike.

25 januari 2016

Erdogan ji destpêka şer da gotiye ewê nehêle kurd li Sûriyê azad bibin

Erdogan 3 sal berê gotiye ewê nehêlin li Sûriyê kurd azad bibin
Heyeta HDPê ya Îmraliyê beşekî ji notên hevdîtinên bi Abdulah Ocalan ra belav kiriye.
Li gorî van notên heyeta HDPê, serokkomar Erdogan dema serokwezîr bûye di cotmeha(ekîm) 2013a da bi Sirri Sureyya Onder ra hevdîtineke 3 saetan dirêj çêkiriye. Di civînê da li ba Erdogan cîgirê wî Yalçin Akdogan tenê hebûye.
Piştî vê hevdîtina bi Erdogan ra Onder di 9ê mijdara 2013a da bi heyeta HDPê ra diçe Îmraliyê ba Ocalan.
Di vê hevdîtinê da Onder ji Ocalan ra qala naveroka hevdîtina xwe ya bi Erdogan ra dike.
Onder dibêje li ser pirsa min tu yê çi bikî, Erdogan gotiye:
”Ezê her tiştî bikim. Zemanê wê heye û di vî warî da min bi Apo ra li hev kiriye. Tenê xeteke min ya sor heye, ew jî Sûrîye ye. Li wê derê emê ebeden destûrê nedin statuyeke wek ya Bakurê Îraqê çê bibe.”
Dîsa li gorî gotina Onder, li ser vê agahiyê Ocalan diqehere û ji Onder ra dibêje:
”Tu jî ji wî ra bibêje: Emê jî kurdan tu carî di nava dewleta Sûriyê ya merkezî da nehelînin. Ev jî xeta me ya sor e.”
Ji van agahiyên Onder jî diyar dibe Erdogan 3 sal berê, hî di sala 2013a da li dijî azadbûna kurdên Sûriyê bûye û ev yek jî di hevdîtinên bi PKKê ra wek şert daniye ber PKKê.
Yanî hukûmeta AKPê ji destpêka şerê Sûriyê biryara xwe daye ewê nehêle li Sûriyê kurd ji bindestiyê xelas bibin, wek kurdên Îraqê bibin xwedî statuyeke siyasî.
Yanî tu têkiliya dijminatiya Tirkiyê ya bi kurdên Kurdistana rojava ra bi şerê PKKê ra tuneye, ji destpê da hukûmeta AKPê biryar daye ewê şerê kurdên rojava bikin.
Nivîseke balkêş e, dibê meriv bixwîne…

XXX

Diyojen rojekê dibîne polîsan bi dizekî girtine û bi zor dibin mahkimê. Diyojen serê xwe dihejîne û dibêje:
”Dizên mezin bi dizên biçûk digrin û dibin dadgehê.”
Tiştê îro li Tirkiyê dibe ev e, dizê herî mezin serokê dewletê ye û fermana girtina dizên biçûk, çeteyên xwe yên berê dide.

24 januari 2016

Heyfa hewqas xwîn û hewqas fedekarî


Heger hedefa we ewê ”ortak watan/yek weten” û ev şîarên hanê bûna ne hewceyî hewqas şehîd û malwêranî bû.
Lê ji bîr nekin hûn xwe ji Erdogan û dewleta tirk ra bikin erd jî ewê dev ji retorîka terorîstiya we bernedin.
Hûn van tiştan ji zûda ye dibêjin, we van tiştan bi devikî û nivîskî gelek caran wek garantî daye Erdogan û dewletê, lê Erdogn û dewlet dîsa jî qebûl nakin. Hûn qet tiştekî nexwazin jî ewê dev ji we bernedin. Tiştê ew ji we dixwazin teslîmîyet e.
Lema jî ya baş ew e ku hûn xwe zêde pîs nekin û wek camêran azadiya gelê xwe û welatê xwe bixwazin, welatê xwe Kurdistanê rast bi nav bikin, ji bo gelê xwe statuyeke siyasî bixwazin û dev ji şelafiya dewleta tirk berdin.

XXX
Heger meriv bi rastî kurdperwer be, ne zilamê dewletê be sirf ji ber neyartiya AKPê ya bi kurdên Kurdistana rojava(kurdên Sûriyê) ra merivê ji AKPê veqete, dev ji mebûsî û wezîriya Davutoglu û Erdogan berde.
Ji ber ku hukûmeta AKPê dibêje em qebûl nakin kurdên Sûriyê ji bindestiyê xelas bibin û wek kurdên başûr(Îraqê) bibin xwedî maf û statuyeke siyasî.
Mêrikan eşkere dijminatiya kurdan dikin, nahêlin kurd jî beşdarî civîna Cenewreyê ya siyan bibin.
Emerîka, Rûsya qebûl dike, lê Tirkiye dibêje na, gerek PYD yanî kurd beşdar nebin.
Bi vê neyartiya bi kurdan ra Davutoglu qebûl nake li weletekî din jî kurd bibin xwedî maf.
Ma neyartiyeke ji viya mezintir heye?
Lê kurdên ji bo kurseyek rezîl û ji bo çend quriş pere bûne hevalbendên AKPê dîsa jî îtîrazî vê neyartiya AKPê nakin û jê dûr nakevin…

XXX
Li ser êrîş û qetlîamên dewleta tirk yên li Cizîrê û Diyarbekrê Murat Karayilan gotiye,” tiştên dibin yekîtiya Tirkiyê tehdîd dike.”
Ez kîrê kerê xwe di yekîtiya Tirkiyê kim !
Piştî hewqas zulm û malwêranî hîn jî qala yekîtiya Tirkiyê kirin şermeke mezin e.

XXX

Artêşa tirk îro bi tank û topan ket nava bajarê Diyarbekrê. Bi hezaran tîm, leşker, polîs û cahşên kurd bi çekên giran û bi tankan Sûrê wêran dikin, kî tê ber wan gulebaran dikin, dikujin.
Li Cizîrê jî heman wahşetê û qetlîamê dikin.
Bi kurtî dewleta tirk, hukûmeta AKPê bi MHPê ra li hemberî kurdan herbeke mezin îlan kirine.
Bi wahşeteke pir mezin êrîş dikin, dikujin, wêran dikin...

23 januari 2016

Neyartiya PKKê zulma dewletê bi Kemal Burkay daye jibîrkirin.



Serokê HAK-PARê yê kevn Kemal Burkay, dîsa ji dewleta tirk bêtir, ji rexnekirina teror û qetlîamên çeteyên dewletê bêtir PKK rexne kiriye, tîrên xwe yên herî tûj û herî bi jahrî ji vê dewleta îşxalkar û ceberût  bêtir avêtiye ji PKKê da.

Meriv matmayî dimîne, meriv qet texmîn nedikir ku Burkay jî  ewê wek gelek kesên nêzî hukûmetê belavoka akademîsyenan(emê nebin şirîkê vî sûcî) ji ber ku PKK jî rexne nekirine bi zimanekî tund rexne bike û bibêje:

”Çima hûn piştgiriya PKKê dikin? PKK tevgereke şaş e. Ji serî da gelê kurd temsîl nake. Lê belê hîn jî jê ra dibêjin tevgera kurd. Şêla ronakbîran wiha nabe. ”

Halbûkî demakê wî jî bi PKKê ra tifaq kir û bi Ocalan ra risim kişand.
Diyar e li gorî Burkay ji ber ku ”PKK tevgereke şaş e”, lema jî qetla wê li dewleta tirk helal e, dewlet çi bîne serê PKKê û bi milyonan însanên pê ra, bajarên wan bi ser serê wan da bihedimîne jî dibê kes li dijî vê zulma dewletê dernekve, dibê kes piştgiriyê nede PKKê, dibê meriv bihêle bira  dewlet qira wan bîne. 

Neyartiya PKKê zulma dewletê bi Kemal Burkay daye jibîrkirin.
Ji ber ku PKK tevgereke şaş e.
Ma ev îş e, ev gotn e!

A ev meju, ev aqil xwe alternatîfê PKKê dibîne û dixwaze gel piştgiriya van dîtinên wî bike.
Kesê ji PKKê bêtir ne li dijî dewleta tirk be, ji kirinên PKKê bêtir êrîş û terora dewleta tirk ya ser gelê kurd rexne neke, ewê tu carî nebe hêz û alternatîfê PKKê.

Rast e PKKê bi xendekan şaşî kir, dibê meriv viya rexne jî bike, lê belê ev yek tu carî maf nade dewletê vê zulmê li gelê me bike û bajarên me wêrn bike. Plan û hedefa dewletê û Erdogan ji xendeka pir û pir weêdatir e, têkbirina tevgera kurd ya netewî ye.

Dîtina, fikra PKKê ji dewletê xerabtir bibîne, sebebê vê hovîtiya dewleta tirk bi xendekan ve PKKê ve girê bide ne dîtineke rast û netewî ye.

Burkay ji dewletê ra nabêje ey dewlet, ey Davutoglu, heger eynî xendek li Konyayê, li Gîresûnê, li Trabzonê û li Bursayê jî bahatana kolan, we yê ew bajaranan jî wek Cizîrê, Silopiyê û Diyarbekrê wêran bikirana, we yê li wan bajaran jî xelkê siwîl  bi vê hovîtiyê bikuşta?

Li ser şaşiya belavoka akedemîsyenan  jî Burkay wiha gotiye:
”Van dawiyan belavokek belav kirin. Gotin ”dewlet qetlîaman dike”. Lê belê viya nabêjin: PKK çi dike? PKKê çima ev şer xist nava bajaran? Çima gelê kurd xist nava şerekî wiha?”

Wek tê dîtin, ji ber ku akademîsîyenan PKK rexne nekiriye bi Kemal Burkay pir zor tê. Vê yekê wek neheqiyekê dibîne.

Tu dibêjî belkî xwedêjêrazî  abûqatê dewletê ye.
Belavoka akademîsîyenan ne li ser kî çiqasî bi heq û neheq e, li ser terora dewletê ye, divê dewlet di şerê li hemberî PKKê da xelkê siwîl nekuje,  bajaran wêran neke, xelkê bajarekî  bi hefteyan  di hunduran da hefs neke.

Tiştê dewlet li Kurdistanê dike zulm e, bêqanûnî ye. Akademîsîyenan ev kirinên dewletê rexne kirin û xwestin dewlet li kurdan vê zulmê neke, rîayetê qanûnên xwe bike.

Lê birêz Burka bi vê rexneya akademîsîyenan pir aciz bûye û lema jî wek berdevkên dewlet û hukûmetê belavoka wan rexne kiriye.

Bi dîtina min ev rexneya Burkay  ya li belavoka akademîsîyenan bêtalihiyeke mezin e.

Li gorî Burkay gelê tirk aştîxwaz e, ne li dijî  azadiya gelê kurd e, yên xerab û li dijî kurdan tenê siyasetmedar in. Lema jî Burkay gotiye:

”Sûcê gelê tirk tuneye. Berpirsiyar kesên îdarecî ne. Bawer bikin gelê tirk îro ne li dijî çareseriyê ye. Yên dibin asteng birêvebirin, siyasetmedar in. Ya ne gel aştiyê dixwaze.”

Ev îdîa ji serê heta dawî ne rast e, gelê tirk ji siyasetmedaran bêtir irqçî, faşîst û neyarê miletê kurd e û ji siyasetmedaran bêtir  li dijî azadbûna kurda ye.

Ji xwe heger gelê tirk aştîxwaz bûya, ne li dijî azadbûna kurdan bûya siyasetmedaran nikanîbûn vê zulmê li kurdan bikin.

Li Tirkiyê kîjan serok zêde li dijî kurdan be, kîjan serok bibêje ezê kurdan qir bikim, ezê koka PKKê û HDPê beiqelînim gelê tirk ji wî hez dike, ew serok rayên xwe zêde dike.

Ma heger ne wisa be çima AKP û MHP ji sedî nêzî  70ê rayên tirkan digrin.
Belkî ji sedî 90ê tirkan naxwazin bibin cîranên kurdan. Yên ji ber axaftineke kurdî, ji ber straneke kurdî li vir û li wir kurdan lînc dikin gelê tirk e.

Lema jî îdîa gelê tirk bi kurdan ra aştiyê dixwaze, ne li djî mafê kurda ye îdîayeke bêbingeh e.


Heta ku Tirkiyê endamê NATOyê be ji dinyayê ra rehetî tuneye


Cîgirê serokê Emerîkayê Joe Bîden gotiye:
Ewrûpiyan ji me ra gotin em Tirkiyê ji NATOyê derxin. M e îtîraz kir.”
Peydabûna fikirekî wiha pêşketineke baş e.
Heta ku Tirkiye ev Tirkiye bimîne îro dernexin ewê sibe derxin.
Û esas dibê derxin jî, ji xwe dibê Tirkiye tu carî nekiribana endamê NATOyê jî.
Ji ber ku Tirkiye welatekî çete û MAFÎAye. Birêvebirên dewletê merivên mafîa û qatil in, diz in, rêbir in, tim li dijî qanûnan û demokrasiyê ne. Tim li dû xerabiyê ne. Tu carî nikanin başiyê bikin.
Çimkî karê wan li dijî qanûnan e.
Bi qetlê, çetetiyê bûn xwedî welat û dewlet. Îro jî ev yek qereketerê wan yê esasî ye.
Lema jî ji her kesî bi şik in, ji tu kesî, ji tu miletî hez nakin, li dijî her welatî ne. Baweriyê tu kesî naynin, her kesî dijminê xwe dibînin…
Çimkî bi bêbextiyê bûn xwedî dewlet. Îdeolojiya wan irqçîtî û kultura wan jî çetecîtî û bêbextî ye.
Tirk merivên pir kêmfersend, bêbext, zalim, kezebreş, xwedênenas, bêmerhemet, bêûjdan û irqçî û wek milet neyarê kurdan e.
Heger ji wan were ewê hemû kurdên dinyayê topî ser hev bikin û bişewitînin. Bi kêmanî ji sedî 95ê tirkan wiha difikirin. Belkî jî hîn zêde…
Lema jî heta ku kurd li Tirkiyê bindest bin tirk tu carî serast û medenî nabin, nabin însan.
Lema jî heger ewrûpî dixwazin rehet bikin dibê vê dewleta çete, MAFÎA, ceberût û çavkaniya xerabiyê ji ortê rakin, ya jî bi kêmanî belav bikin, basko bikin.
Ji roja tirk hatine vê herêmê Balkanan û Ewrûpayê û rojhilata nêz û navîn rehetî nedîtiye, hemû nerinîdî, xerabî, fêsadî, gelacî ji vê dewleta tirk derketiye û derdikeve, di her tevliheviyê û şerê herêmê da tiliya tirkan heye.


22 januari 2016

Sê ziman


Ez îro li derekê rastî vê helbesta Bedrî Rahmî Eyupoglu hatim. Min ji vê helbesta wî pir hez kir. Ez bawer dikim ev helbest ji xwe yek ji helbestên wî yên herî meşhûr e.
Ji ber ku min gelkî jê hez kir, lema min ew wergerand kurmancî.
Wek tê zanîn wergera helbestê(nezmê) ne wek nesrê ye, pir zor e. Û di ser da jî gava meriv ne şair be wergera wê hîn jî zortir dibe.
Lê li gel vê jî min xwe ji wergera wê ranegirt û cesaret kir ku wê wergerînim kurmancî.
Heger we jê hez kir ezê kêfxweş bibim û heger we jê hez nekir û tê da gelek kêmasî dîtin jî li qusûra min nenêrin, bawer bikin ji destê hew min hat…

Sê ziman
Herî kêm tu yê bi sê zimanan bizanibî
Herî kêm bi sê zimanan
tu yê dê û jinê dûz herî
Herî kêm tu yê bi sê zimanan bizanibî
Herî kêm tu yê bi sê zimanan bifikirî û xewnan bibînî
Herî kêm bi sê zimanan
yek zimanê diya te ye
bi qasî dest û nigê te yê te ye
wek şîrê dayikê şîrîn e
wek şîrê dayikê belaş e
Lorî, çîrok û çêr jî di ser da xelat e
Yên din heft qatî biyanî ye
her gotinek di devê şêr da ye
Her gotinê yek bi yek bi diran û nenûka xwe
wek tu ji rehan da radikî tu yê hilqetînî û rakî
Di her gotinê da ewê bi qasî bejna tuxlayekî bilind bibe
Di her gotinê da tu yê qatekî din zêde bibe
Herî kêm tu yê bi sê zimanan bizanibî
Herî kêm bi sê zimanan
bizanibî bibêjî cana min
bizanibî bibêjî
al gula sor heye
di ku da zirav e bira di wir da biqete
tu yê bi sê zimanan bizanibî bibêjî
bira mirina hespê ji ceh be
ya bizinê ji yarê diqetîne qevdek gîha ye
herî kêm bi sê zimanan tu yê bizanibî bibêjî
bira însan keda însên nexwe
rezîliya herî mezin ev e
gotin çi ye
tu yê bi dengê bilind viya bibêjî
Herî kêm tu yê bi sê zimanan bizanibî
herî kêm bi sê zimanan
tu yê dê jinê dûz herî
herî kêm bi sê zimanan
ji ber ku tu ne tarîx î û ne jî coxrafiya yî
ne ev î û ne jî ew î
lawê min Mernûs
tu ewladê miletekî ji otobozê mayî

///Bedrî Rahmî Eyupoglu
Not:
Bedrî Rahmî Eyupoglu ji Gîresûnê ye. Lê malbata Eyupogluyan bi eslê xwe kurd e, ji aliyê Diyarbekrê ye. Tê gotin di sedsala 16a da ji alî Yavuz ve li herêma Trabzon û derya reş hatine bicîkirin.


Dereng be jî pêşketineke baş e

Rojnameya Economîst ya îngilîz, di hejmara xwe ya dawî da li ser “xendekan” û êrîşên dewleta tirk rawestiya ye û êrîşên artêşa tirk wek “Şerê Tirkiyê yê bi kurdan ra” şirove kiriye...
Di nivîsê da rexneyên pir giran li Erdogan tê girtin. Tê gotin di demeke ku dinya bi Sûriyê û Daîşê ra mijûl e, Erdogan li hemberî kurdan şerekï mezin daye dest pëkirin û dixwaze kurdan pipelixîne. Lê belê ev zixt û zulmeke nafîle ye, ya rast dibê Erdogan bi kurdan ra dîsa dest bi hevdîtinan bike.
Medyaya Ewrûpa heta nuha li hemberî êrîşên dewleta tirk yên ser kurdan û bajarên Kurdistanê bêdeng bû. Lê hêdî hêdî ev bêdengî radibe û êdî her roj qala êrîş û terora hêzên tirk tê kirin.
Eynî tişt meriv dikane ji bo Yekîtiya Ewrûpayê, Parlamentoya Ewrûpayê û hin dezgên din jî bibêje, ji van dezgehên Ewrûpayê jî rexneyên li Tirkyê zêde dibin.
Heger şer di demeke kin da raneweste(bi baweriya min ewê raneweste, heta hîn gurtir û berfirehtir bibe)rexneyên medya Ewrûpa û Yekîtiya Ewrûpayê jî ewê zêde bibe.
Bêyî Erdogan kî çi dibêje zêde ne muhîm e, ya muhîm gotinên Erdogan in.
Û Erdogan jî ji kurdan ra dibêje heger hûn naxwazin werin kuştin û di zindanan da birizin werin teslîm bibin, werin xwe bavêjin dexlê dewletê, wekî din tu xelasiya we tuneye.
Do li Diyarbekrê jî di hoperlora Mizgefta Mezin da banga teslîmbûnê li şervanên PKKê hat kirin.
Bêguman PKK û kurd ewê teslîm nebin û şerê xwe bidomînin. Lema jî rewestandina şer girêdayê şêla dewleta tirk e, heta ku dewlet bêyî teslîmiyetê tu mafekî din rewayî kurdan nebîne şer ewê dom bike.


XXX
Van rojana serokên Îsraîl, Fransa, Pûtîn û gelekên din jî bi devikî dibêjin serxwebûn mafê kurda ye.
Û xwedêgiravî ji bo serxwebûnê û avabûna Kurdistanê ewê alîkariya kurdan bikin. Yanî tiştên wiha dibêjin.
Lê tenê di gotinê da dimîne, tu kes, tu dewlet ji bo vê yekê gavên praktîk navêje.
Heger ne derew e bira van dewletan mesela kurd û terora dewleta tirk li hemberî kurdan dimeşîne bibin Neteweyên Yekbûyî....
Heger ne derew e bira piştgiriyê bidin kurdên Kurdistana başûr.
Heger ne derew e li Kurdistana rojava siktirî Tirkiyê bikin û piştgiriyê bidin federasyona kurd û ereban.
Lê ev jî heye, ji bo ku xelk alîkariya me bike, dibê berê em li hev bin û bi tifaq bin û daxwaza Kurdistanake serbixwe bikin...

21 januari 2016

Chomsky:Tu carî dev ji fikra Kurdistaneke yekbûyî û serbixwe bernedin

Wek îsmaîl Beşîkçî, CHOMSKY jî ji kurdan ra gotiye:
”Tu carî dev ji fikrê Kurdistaneke yekbûyî û serbixwe bernedin. Ji ber ku sînorên sentetîk(çêkirî,sûnî, êretî) têk diçin. Û dawî ewê çawa be ne diyar e.
Dibê kurdên Tirkiyê, Îranê, Îraqê û Sûriyê bi yek bin. Dibê nekevin gewriya hev, bi hev nekevin û dev ji serxwebûnê bernedin.
Dema dewletên netewî ebeden derbas nebûye. Em di dema dewletên netewî da dijîn û her ku diçe dewletên netewî derdikevin ortê. Tezên wiha(dema dewletên netewî derbas bûye) ji bo xapandina miletên bindest in.”
Wek tê zanîn hemû serok û mesûlên PKKê û HDPê dibêjin ”dema dewletên netewî derbas bûye û lema jî dibê kurd ji Tirkiyê veneqetin û dewletê û Kurdistaneke serbixwe nexwazin.
Chomsky, vê dîtinê rexne dike û dibêje,” kî bibêje dema dewletên netewî derbas bûye” derewa dike, îdîayeke wiha ne rast e, xapandina miletên bindest e…
Ne hewce ye meriv zêde dirêj bike. Em dibînin ji ber ku dewleta mem tuneye tirkên xwedî dewlet çi tînin serê me, çi zulmê li me dikin…
Heger dewleta me hebûya ya jî ev dewlet ya me jî bûya tirkan nikanûbûn vê zulmê li me bikin.
Û tiştekî din jî, ji ber ku Chomsky rastiyê dibêje piraniya tirkan, rast, çep û dîndarên tirk wek gurên har êrîşî wî dikin, heqaretên nemayî lê dikin, wî bi neyartiya tirkan îtham dikin.
Çima?
Ji ber ku ji kurdan ra rastî gotiye, ji ber ku riya rast daye ber kurdan, gotiye yekîtiya xwe çêkin, bi hev nekevin û tu carî dev ji daxwaza Kurdistaneke serbixwe bernedin…
A sebebê tirk ji Chomsky hez nakin û neyartiya wî dikin ev e....
Kî xêra kurdan bixwaze, kî bibêje tirk zulmê li kurdan dikin tirk wî/wê dijminë xwe dibînin...

Ez ban kesî nakim

Parlamenterê Şirnexê Feysel Sariyildiz ji heval û parlamneterên HDPê û kurdan ra gotiye:
”Ez ban kesî nakim !
Gelê cizîrê tê qetil kirin, ma ezê bangî kê bikim?
Em dimrin û ji kesî deng tuneye.
Belkî jî ev dîtina me ya dawî be. Belkî jî careke din şansê em hev û du bibînin tunebe !”
Hemû parlamenterên HDPê bi qurbana Feysel Sariyildiz û Encu bin.
Cizîr, Silopî û Çirnex Dişewite, lê hûn li Anqerê rûniştine, hûn naçin hawara Cizîra qehreman, Cizîra birîndar û di bin îşxalê da.
Cizîr di nava lepên neyar da ye, Cizîr birîndar e û li bende kurdên xwedî xîret e. Hemû mebûsên HDPê, tirkên xwedêgiravî mitefik û dostên kurdan bûn, dibê îro bi lez û bez herin hawara Cizîrê.
Li terora dewletê temaşekirin, ji hawar û qîrîna Cizîrê da guhê xwe girtin şerm e, rûreşî ye.
Kurdino, mebûs û serokno, li Anqerê, li Stenbolê li kuştina kurdan temaşe nekin, li hemberî qîrîn û hawara cizîriyan xwe kerr nekin…

XXX

Wey mala Xwedê ava be, piştî bêdengiya demeke dirêj Parlamentoya Ewrûpa îro li ser rewşa kurdan û terora Tirkiye li hemberî kurdan dimeşîne civînek(rewşa başûrê rojhilatê Tirkiyê)çêkir.
Di civînê da gelek parlameneteran Tirkiye pir sert rexne kirin.
Gelek parlamenterî bêdengiya PE yê jî rexne kir û got Tirkiye bi rengekî bi plan kurdan qir dike, nabe PE li hemberî vê qetlîama kurdan bêdeng bimîne.
Bi kurtî tiştê di civînê da hatine gotin pir pozîtîf in û hêvî dikim ku PE vê şêla xwe ya rexnegir bidomîne.

20 januari 2016

Tirk bela xwe ji kurdan venakin

Li gorî xebera BBC beşê tirkî, serokwezîrê Tirkiyê Ahmet Davutoglu yê irqçî û neyarê miletê kurd gotiye, ”PYD ewê beşdarî hevdîtinên aştiyê nebe. Ji ber ku PYD/YPG nêzî PKKê ye û ji bo Tirkiyê tehdîd e.”
PYD ne partiyeke ji Tirkiyê ye, endamên wê ne tirk in, lê Davutoglu dîsa jî wê ji Tirkiyê ra tahlûke dibîne.
Hûn dibînin ev mahcirê Kafkasan û pêsekiniyê tirkan çi faşîst e, çi nazîst e û çiqasî neyarê miletê kurd e.
Mêrik dibêje em qebûl nakin kurd li welatekî din jî ji bindestiyê azad bibin û bibin xwedî maf.
Û PKKê û hemû hêzên nêzî PKKê jî ji bo Tirkiyê wek tehdîdê dibîne. Ji bo ku Tirkiye ji vê gefê û tehdîdê xelas bibe, dibê PKK û PYD nemînin, ji ortê rabin.
Yanî ev faşîst û nazîstên Kafkasan û Balkanan hebûna xwe û Tirkiyê bi tunebûna kurdan ve girê dane.
Li gorî îdeolojiya wa ya faşîst û irqçî ji bo ku tirk û Tirkiye hebe û rehet bijî, dibê kurd tunebin.
Li gel ku ew ne ji Sûriyê ye, Tirkiye welatekî xerîb e, lê dîsa jî xwe wek aliyekî meselê û muxalefetê dibîne.
Lê kurd beşekî ji Sûriyê ne û li hemberî Daîşê û hemû çeteyên îslamî yên din ev 4 sal in şerekî bêhempa dane, di vî şerî da bi hezaran şehîd dane, lê li gora Davutoglu dibê kurd dîsa jî beşdarî hevdîtinên Cenewreyê nebin.
Wek tê zanîn Emerîka û Rûsyayê li ser 25ê vê mehê li hev kirine. Lê belê li ser kê ewê beşdarî hevdîtinan bibe hîn lihevkirinek tuneye.
Davutogluyê faşîst wa ye eşkere dibêje ew naxwazin kurd beşdarî civînên Cenevreyê bibin û ji bo vê jî çi ji destê wan were bêguman ewê bikin.
Lê li vir ji vê neyartiya tirkan bêtir bêtifaqiya kurdan xerab e û malwêraniya herî mezin e.
PYD û ENKSê hîn li hev nekirine û hîn jî gorra hev dikolin.
Di rojeke wiha dîrokî da tiştê herî rast dibê PYD û ENKS li hev bikin û bixwazin wek aliyê kurd beşdarî civînan bibin. Gava ew li hev bikin Emerîka û Rûsya nikane kurdan li derve bihêlin.
Ji bo ku PYD û ENKS bi hev ra wek nûnerên miletê kurd beşdarî civînên Cenewreyê bibin çi ji destê PDKê û PKKê tê dibê bikin. Çimkî PYD û ENKS bi gotinên wan hereket dikin.
Dibê kurd vê fersenda dîrokê ji destê xwe nerevînin.
Heger kurd beşdarî civînên Cenewreyê nebin ji neyartiya tirkan bêtir mesûl û sûcdar kurd bi xwe ne. Dibê ev yek were zanîn.PYD ve ne de ENKS
Tirkiye dixwaze li Sûriyê kurd nebin xwedî tu maf, wek berê dîsa bindest bimînin.
Esas mesele vekirî ye, heta Tirkiye û tirk li vê herê hebin rehetî ji kurdan ra tuneye. Ne ji kurdên Tirkiyê tenê ra, ji kurdên tu beşekï Kurdistanê ra rehetî tuneye.
Heta Tirkiye, ev dewleta faşîst û irqçî hebe azadiya me pir û pir zor e.
Dibê meriv viya bizane û tirkan wek neyarê xwe yê esasî, yê herî xedar û herî irqçî bibîne.
Û hemû dost û hevkarên vê dewleta faşîst û irqçî jî wek hevalên neyarên kurdan qebûl bike.
Çimkî heger meriv ne neyarê gelê xwe be, meriv nabe dost û hevalê vê dewleta faşîst…

Tirkiyê îcar jî Kurdistana rojava îşxal kir...


Li gorî xebera ANHAyê artêşa tirk bi 100a leşker û bi gelek çekên giran û wesayitên leşkerî sînorê Sûriyê derbas kir û ket nava tuxûbê Cerablûsê bû.
anî artêşa tirk piştî îşxala Mûsil û Başîkayê nuha jî axa Sûriyê û Kurdistana rojava îşxal dike. Erdogan har bûye.
Bi vê îşxalê artêşa tirk komandoyê, fermandariyê ji Daîşê digre destê xwe, îcar ew û Daîş ewê bi hev ra li hemberî kurdan şer bikin.
Ji bo ku kurd korîdora Efrînê û Kobanê negihînin hev.
Ji bo ku herêma Cerablûsê bi temamî ji Daîşê were paqijkirin kurd bi hêzên hevpayman ra di nava haziriyê da bûn.
Wisa xuya ye berî ku operasyon dest pê bike, Erdogan emrê îşxalê da artêşê. Diyar e bi vê îşxalê Tirkiye dixwaze di mesela Sûriyê da bibe xwedî gotin û rê li ber kurdan bigre. Lema Erdogan ecele dike.
Piştî Kurdistana bakur, başûr, wa ye mêrikan ketin Kurdistana rojava jî.
Lê dibê neyê bawerkirin ku ev îşxala Cerablûsê ewê ji tirkan ra bimîne. Ez dibêjim ev îşxal ewê li ser Erdogan pir buha rûne.
Ji bo ku kurd li tu beşekî Kurdistanê azad nebin û nebin xwedî maf, Erdogan van gavan davêje û amadeye bi her kesî ra şer bike.
Hela ka em binêrin kurdên AKPê, parlamenter û wezîrên xwedêgiravî kurd ji bo vê îşxalê ewê çi bibêjin.
2016-01-19



XXX
Rojekê dîrok ewê binivîse: şerê Sûriyê Erdogan derxist.
Daîş li Sûriyê Erdogan organîze û çekdar kir.
Kaosa koçberan Erdogan derxist.
Bi milyonan koçber Erdogan rêkir ser Ewrûpayê.
Di êrîşên Daîşê yên terorîstî yên Ewrûpayê da tiliya Tirkiyê û merivên Erdogan heye.
Bi kurtî Erdogan li der û li hundur gelek sûcên mezin yên li hemberî însaniyetê dane kirin.

19 januari 2016

Hukûmeta AKPê dixwaze Kurdistanê bike qişlayeke leşkerî


Serokwezîrê Tirkiyê Ahmet Davutoglu gotiye, ”Ewê Şirnexê bibin Cizîrê û Hekkariyê(Culemêrgê) jî bibin Geverê.”
Bi îhtîmaleke mezin li ser hin wîlayet û qezayên Kurdistanê yên din jî hin plan û projeyên dewletê yên dizî(veşartî)hene.
Min xeber û tiştên li ser vê mijarê hatine gotin hîn baş nexwendiye, lema jî nizanim bi guheztina ciyê Şirnexê û Hekkariyê qesta Davutoglu çi ye û dixwazin çi bikin.
Ji bo çi dixwazin Şirnexê û Hekkariyê vala bikin?
Lê li gel vê înfarmasyona kêm jî meriv dikane bibêje dewlet dixwaze hin tedbîrên leşkerî bigre, hejmara leşker, polîs, tîm û muxbîran li Kurdistanê zêde bike. Hêza xwe ya leşkerî belkî derxe sê qat, çar katê nuha.
Û ji bo vê jî ewê bingehên fizîkî jî amade bikin.
Bi kinî nêta Erdogan û Dewletê(ji xwe dewlet îro Erdogan tenê ye, ew çi bibêje ew dibe)pir xerab e.
Ji bo ku PKKê biqedînin, ji bo ku tevgera kurd ya netewî û vê serîhildana kurdan ya 29an jî têk bibin û kurd nikanibin careke din jî pişta xwe rast bikin ewê her xerabiyê bikin, her tedbîrê bigrin.
Dibê em viya baş bizanin û li gorî wê hereket bikin.
Piştî ku rewş gihîşt vê nuxtê êdî berger, heyran qurban, zeytkirin pere nake û ne rast e jî.
Piştî vê saetê tiştê kanibe dewletê û Erdogan rawestîne, nehêle zêde pêşda here tenê zor e, hebûna muxalefeteke berfireh û bi tesîr e.
Yanî dibê em ûjdan, merhametê filan û bîvan ji dewleta tirk ya faşîst û tirkan nekin, ji bo ku vê serîhildana kurdan jî bişkînin, ji bo ku me îlelebed bindest û kole bihêlin ewê her barbariyê, gelek tiştên qet nayê bîr û bala meriv bikin.
Lema jî di vê rewşê da piştgiriya derve, bi taybetî jî şêla Emerîka û Yekîtiya Ewrûpayê pir muhîm e.
Dibê Emerîka, lê bi taybetî jî Yekîtiya Ewrûpayê vê bêdengiya xwe biguherînin û li dijî êrîş û planên Tirkyê derkevin.
Û ji bo vê yekê jî dibê em kurd dîplomasiyeke pir xurt bimeşînin û dinyayê ji kirinên Tirkyê agahdar bikin.
Ya din jî şêla kurdên AKPê ye.
Dibê meriv zorê û zixtê bide ser hemû kurdên hîn bi AKPê ra ne, hemû parlamenter û wezîrên AKPê yên dibêjin em kurd in.
Heger bi rastî xwe kurd dibînin û ne dijminê gelê xwe ne, dibê li hemberî plan û projeyên hukûmeta AKPê û dewletê yên tehcîrkirin û êsîrhîştina kurdan bêdeng nemînin.
Heger îtîraz nekin û ew jî piştgiriya tehcîrê û valakirana bajarên kurdan, piştgiriya qetilkirina kurdan bikin, wê demê bi qasî dewleta tirk ew jî sûcdar in.
Yanî wê demê ewê tu ferqeke wan ji cahşên nuha li Sûrê, li Cizîrê û Silopiyê bi leşker û polîsên tirk ra li hemberî kurdan şer dikin nemîne.
Kî li hemberî van plan û projeyên dewletê yên tunekirina kurdan bêdeng bimîne, li hember ranebe ew hevalê neyar e, cahş e, dijminê gelê xwe.
Dibê meriv viya pir vekirî bibêje. Rewş hatiye nuxteyeke pir krîtîk, kurd rûbirûyê felaket û bobelateke mezin in. Lema jî dibê meriv li hemberî planên dewletê û Erdogan bêdeng nemîne…

XXX
Emê ji zarok û neviyên xwe ra bibêjin qatilê me Erdogan e!
Serokmuftuyê Sûriyê Ahmet Bedrettîn Hasûn gotiye,
”Emê ji zarok û neviyên xwe ra bibêjin yên dezgeh û endîsturuya(sanayiya) Sûriyê wêran û talan kirin, yên gelê Sûriyê qetil kirin hukûmeta Tirkiyê û Erdoganê qatil e.”
Sedîsed rast e, şerê Sûriyê Erdogan derxist, wî Daîş, El- Nusra û hemû çete û qatilên cîhatçî ji her dera dinyayê top kir û şand Sûriyê û bi destê van qatilan bi sedhezaran însan da kuştin. Bi milyonan însan koçber kir. Sûriye wêran kir.


Ji ber ku Erdogan şer dixwaze lema şer heye

Akademîsîyen, gelek der û dor banga rawestandina şer û daxwaza aştiyê li hukûmetê dikin.
Baş e bira bikin lê bêfeyde ye.
Bêfeydeye ji ber ku Erdogan îro şer dixwaze, ewlekariya xwe di şer da dibîne. Ji bo ku bi kurdan ra şer dom bike, ji bo ku azadî û demokrasî li Tirkiyê tunebe her dek û dolabê digerîne.
Baweriya Erdogan û dewletê, ji bo ku vê serîhildana kurdan ya dawî jî bişkînin, têk bibin şertên der û hundur musaîd in, lema jî heta bikanibin ewê şer bidomînin.
Dewlet nuha ji alî çek û hêz û teknîkê ve xwe pir xurt dibîne û li der û hundur jî tu muxalefeteke xurt jî tuneye. Lema jî ewê guh nedin kesî, ewê şerê xwe bidomînin.
Ya din îro li Tirkiyê tu dezgeh mezgeh tuneye, her tişt bi biryar û emrê Erdogan dibe.
Û yê biryara vî şerî da Erdogan e û yê kanibe bisekinîne jî dîsa Erdogan e.
Lê belhazir Erdogan şer dixwaze, kara xwe, serketina xwe di şer da dibîne.
Lema jî di demek nêz da ewê şer ranewstîne.
Lê gava bibîne nikane bi ser kevin, gava di şer da zirarên mezin bibînin, gava şer têkeve eleyhê Erdogan, gava muxalefeta li dijî şer li der û li hundur pir mezin bibe a wê demê mimkûn e şer rawestîne.
Bes nuha tiştekî wiha xuya nake, Kurdistan hîn ewê pir wêran bibe.
Lê şer raweste jî û kurd mafekî bi dest nexin jî felaket e. Nabe ev malwêranî û hewqas xwîn bi avê da here.
Yanî di dawiya vî şerî da dibê PKK tiştekî ji dewletê bigre, gava negre, her kesê bibêje wê demê ev şer ji bo çi bo bû?

XXX

Hatîp Dîcle...
Însan him dikane ji başiyê berbî xerabiyê ve biçe û pîs bibe û him jî ji pîsiyê berbî başiyê ve here û bibe merivekî baş.
Yanî yek dikane berê merivekî baş, camêr, canfîda û egîd be, lê bi demê ra biguhere û pîs bibe, erzan bibe, sivik bibe, bibe merivekî teqlebaz, merivekî pir rehet dev ji îdeal û armanca xwe berdide.
Merivek dikane demekê wek çiyayekî, zinarekî qewî be, dost û hevalên wî bi dilrehetî pişta xwe bispirinê, lê bi demê ra, piço, piço biguhere û dawiya dawî bibe dîwarekî tepikan(tepik ji rêxa dewêr tê çêkirin), di şilî û şepeliyê da gava meriv pişta xwe bispirê meriv dilewite…
A çi heyf ku Hatîp Dîcle nuha di nava tevgera kurd ya azadîxwaz da ji zinarekî qewî guherîye û bûye dîwarekî tepikan…

18 januari 2016

Tirk dixwazin tiştê anîn serê ermeniyan bînin serê kurdan jî


Tirkekî bi navê Can Bîlîcan gotiye:
“Tenê riyeke çareseriya terora PKKê heye: Tehcîreke wek ya ermeniyan.
Dibê herêm ji nufûsa kurd ya roj bi roj zêde dibe were paqijkirin. Dibê koça kurdan ya bi alî rojava da were sekinandin, dibê meriv berê tehcîra wan bide Îranê, Îraqê û Sûriyê.”
Tehcîr, yanî bi darê zorê koçberkirin, nefîkirin, surgûnkirin e.
Bîlîcanê tirk çareseriya mesela kurd di qetlîamê û tehcîrê da dibîne. Ev yek fikir û daxwaza hemû miletê tirk e jî, ji sedî nodûnehê tirkan jî dixwazin dewlet qismekî kurdan qir bike û qismekî jî bi darê zorê ji Kurdistanê derxe, wan bişîne Îraqê û Îranê û Sûriyê.
Û bi vî hawî ji kurdan xelas bibe.
Ev fikir hert tim eşkere neyê gotin jî lê bi dewleta tirk, bi hemû partî û siyasetmedarên tirk ra heye û ji çend salan carê jî dixin praktîkê.
Ma heger ne wisa bûya bi milyonan kurd çawa koçberî rojava û nava tirkan dibûn.
Lê ji xwe hukûmeta AKPê bi plan û programa Erdogan û Davutoglu vê daxwaza tirkan ya tehcîra kurdan gav bi gav bi cî tîne.
Çimkî tiştê îro li Kurdistanê dibe tehcîreke pir mezin e.
Bi dehan bajar wêran kirin û kurd mecbûrê koçberiyê û surgûnê kirin.
Herêmên Kurdistanê yên herî şiyar û herî kurdperwer ji kurdan tên paqijkirin.
Ma ev ne tehcîr e çi ye?
Eynî wek tehcîra ermeniyan û Dêrsimê ye.
Lê hîn kurd bi xwe nehesiyan e.
Dewletê bi xêra şaşiyeke PKKê ji bo guhertina demografiya Kurdistanê fersendeke baş bi dest xistiye û Erdogan jî vê fersendê baş bi kar tîne, vê plana dewletê hêdî hêdî tatbîq dike…
Û dinya jî li vê jenosîda kurdan temaşe dike. Çawa ku li ya ermeniyan û rûman temaşe kirin, nuha jî li ya kurdan temaşe dikin.
XXX
Ji roja dewleta tirk ya nîjadperest(irqçî)ava bûye û virda ye dewlet û tirk ji kurdan ra tiştekî pir vekrî dibêjin:
”Yê armanca wî Kurdistan be taliya wî ya zindan e ya jî goristan."
Ev mesaj tirkan tu carî nehat guhertin, ji Ataturk bigre hata bi Erdogan, hemû serokên tirkan eynî tişt ji kurdan ra gotin û îro jî dibêjin.
Lê bi tecrûbeyê sabit e kesên armanca wan ne Kurdistan e jî ji zindan û goristanê xelas nabin. Lema jî meriv dikane bibêje armanca tirkan ya esasî, ya rast mehûkirina kurdan e, yanî bi riya asîmîlasyonê dixwazin me bihelînin, bikin tirk.
XXX

Keça Tahir Elçî Nazenînê gotiye ew bawer nake qatilê bavê wê were girtin. Ji ber ku dewlet naxwaze.
Lema wê jî wek her kurdî gotina rast gotiye,
”Gotina qatil ewê were dîtin û edalet ewê were cî zaroktî ye.”
Rast e, ji xwe tu kurd bi viya bawer nake. Ji ber ku qatil dewlet bi xwe, dewletê emrê kuştina Tahir Elçî da û bi qatilekÎ xwe da înfazkirin.

17 januari 2016

Hin kurd pir heyranê Edward Saîd in


Edward Saîd, ronakbîrekî filistînî ye û heta mirina xwe(2003) jî wek neteweperestekî ereb ji bo filistîniyan xebitî, ronakbîrên cîhanê yên wek wî dijminatiya Îsraîl û piştgiriya filistîniyan nedikirin bi durûtiyê û oportunîstiyê rexne dikir.

Li ser durrûtiya ronakbîrên ewrûpiyan nasyonalîzmê, kolonîalizmê û rojhilat bi sedan meqale nivîsîn.
Lê tu carî bêdengiya xwe ya li hemberî kurdan û piştgiriya xwe ya bi dewletên Kurdistan îşxal kirine ra wek kêmasiyekê nedît.

Edward Saîd, ji ronakbîrekî rastgo bêtir neteweperestekî erb bû û tu carî li dijî bindestiya miletê kurd derneket û piştgirî neda tevgera kurdan ya azadiyê. Heta ji piştgiriyê bêtir dijminatiya şerê kurdan yê li dijî Seddam kir.

Edward Saîd jî wek Yasar Arafat, di dema şerê kendavê û qetlîama Helepçeyê da piştgirî da Sedam û kurdên Kurdistana başûr bi pîyontiya Emerîka û empeyalîzmê îtham kir.

Lê dixwest eynî Emerîka û emperyalîzim piştgiriya filistîniyan bike, di vî warî da tu kêmasî nedidît.
Yanî Edward Saîd wek ronakbîrekî ereb tu carî piştgirî neda tevger û serîhildanên kurdan yên ji bo azadî û serxwebûnê û li hemberî serkutkirin û qetlîamên kurdan tim bêdeng ma.

Lê li gel vê şêla Edward Saîd ya oportunîst û ne ronakbîrane jî hin kurdên me dîsa heyranê wî ne, dîsa jî pesnê vî neteweperstê ereb didin û wî ji bo şêla rewşenbîriyê dikin ronakbîrekî numûne.

Edward Seîd, di seranserê jiyana xwe da tu carî li dijî Tirkiyê gotinek negotiye, zulma Tirkiye li kurdan dike qet rexne nekiriye. Lê hin kurd dîsa jî heyranê wî nin, wî bi asîmanan dixînin.

Sebebê vê korfahmiyê çep û dîndarên tirk in.

Ji ber ku dîndar û çepên tirk, Edward Saîd wek ronakbîrekî yekta, bêhempa û enternasyonalîst pêşkêşî me kirin û kurdên me jî pir rehet di bin vê propagandeya tirkan da man.

Ji bo tirkan(ji bo hemû hêz û îdeolojiyan)ya muhîm diminatiya kurdan û tevgera kurd ya netewî ye; bi kêmanî piştgirînekirina kurda ye.

Kî dijminatiya kurdan bike, kî piştgiriyê neda kurdan, kî li hemberî zulma li kurdan dibe bêdeng be ji bo tirkan ew merivekî baş û maqûl e.

Heta nuha min gelek caran dîtiye gelek siyasetmedar, nivîsakar û ronakbîrên Kurdistana bakur bi heyranî û wek pêxemberekî qala Edward Saîd dikin.

Sebebê vê jî wek kurd em ne ji xwe ra ne, em ne xwediyê şiûr û zanîneke netewî ne, me Edward Saîd bi ser û ber nexwendiye, tirkan çi firotiye me, me ew kiriye û em wê dîtina tirkan dubare dikin…


Gelş ji durûtî û derewên Erdogan bêtir nezaniya me ye



Hin kes ji bo ku virekî û durûtiya Erdogan nîşanî me bidin vîdeo û axaftinên Erdogan yên berê belav dikin.

Di axaftinên xwe yê berê da Erdogan carnan dibêje ”mesela kurd heye û ew mesela min e”,carnan xweseriya herêmî diparêze û ji Kurdistanê dibêje Kurdistan, zulma dewletê li kurdan kiriye yek bi yek rêz dike, filan û bîvan…

Fena ku ev vir, teqle û durûtiyên Erdogan tiştên pir ecêb in, hin kes matmayî dimînin.
Û bi belavkirina van vîdeoyan dixwazin nîşan bidin bê Erdogan merivekî çiqasî durû ye.

Na, vana ne tiştên ecêb in,  derew û durûtiyên wiha hemû dewlet, hemû îşxalkar dikin. Ûjdan û exlaqê dewletan tuneye, berjewendî heye.

Dema ku hewce kiriye, dema fêda Erdogfan di derewa qebûlkirina hebûna kurdan û dana mafên wan da hebûye, Erdogan derew û her babet demagojî kiriye, kurd xapandine, gotiye mesela kurd heye û ezê vê meselê hel bikim.

Lê gava zor, teror û kuştin zimanekî faşîzan hewce bûye, Erdogan wê demê jî ew bi kar aniye, ew xistiye dewrê.

Yanî ji bo xapandina kurdan, ji bo azadnebûna kurdan kînga çi derew, çi ziman, çi soz, çi demagojî  hewce bûye, Erdogan ew kiriye.
Di vir da tu tiştekî xerîb û ecêb tuneye.

Erdogan dewletekê îdare dike û ji bo ku kurd rizgar nebin, ji bo ku Kurdistan ji bin destê dewleta wî dernekeve, dema zimanekî nerm hewce bûye, zimanekî nerm bi kar aniye û dema zirtebozî hewce bûye, zirtebozî kiriye, gef li kurdan xwariye.

Lê ji ber ku em saf bûne, me siyaseta dewletan û dijminê xwe baş nas nekiriye, lema jî em bi vir û demagojiyên Erdogan xapiyan e, lema jî me ji gotin û sozên Erdogan bawer kiriye.
Mesele ev e.

Erdogan, bi soza ”ezê mesela kurd çareser bikim”,  her tim têkbirina, şikandina PKKê û tevgera kurd ya azadîxwaz qest kiriye.

Erdogan her tim gotiye li Tirkiyê  ”yek milet, yek dewlet, yek welat, yek al û yek ziman heye”.
Erdogan tu carî qala hebûna du miletê kurd û dana mafê kurdan yên netewî nekiriye.

Yanî Erdogan bi soza ”çareseriyê” tim û tim  asîmîlasyon û entegrasyona pêşniyarî kurdan kiriye.
Ma ji viya vekirîtir şêl û siyaset heye?

Lê li gel vê jî hin kurd bûn xwediyê hin xeyalên vala û gotin erê her çiqas Erdogan dibêje ”yek milet” jî, lê belê qesta wî ne înkara miletê kurd e, bi vê gotinê  ew qala ”umeta îslamê” dike.

Lê ne rast e, Erdogan tu carî hebûna miletê kurd qebûl nekir û peyveke were vê maneyê negotiye.
Yanî ya rast ne Erdogan, kurdan û bi taybetî  jî kurdên dost û hevalên AKPê, kurdên ku kara wan di hevalbendiya  Erdogan û di ”xapandinê” da hebû xwe û kurd xapandin.

Tim gotin Erdogan ewê mesela kurd çareser bike, lema jî dibê kurd piştgiriyê bidin AKPê.
Lê di rastiyê da Erdogan tu carî negotiye li Tirkiyê miletê kurd heye û ev milet ji hemû mafên xwe yên netewî  bêpar e û ezê vê bêedaletiyê ji ortê rakim, mafên kurdan yên netewî bidim.

Plan, programa û hedefa Erdogan ji roja ewil da ye qedandina PKKê û şerê çekdarî  ye.
Ji bo vê yekê, dem dirêj kiriye, serî li kurdan gerandiye, yanî li gorî şert û mercan çi hewce bûye ew kir.

Geh dilê kurdan xweş kir, geh serê ço û devê tivingê nîşanî wan da.
Geh derew û demagojiya ”çareseriya mesela kurd” kir û geh jî bi operasyonan bi hezaran kurd avêtin zindanan û şer û pevçûn gurr kir…

Lê Erdogan tu carî dev ji retorîka xwe ya  ”terorê” û ”terorîstan” berneda û hebûna miletê kurd û dana mafên kurdan yê netewî qebûl nekir , sozeke wiha tu carî neda kurdan. 

Lê Erdogan gotiye ”mesela kurd di serê we da heye, heger hûn nefikirin mesela kurd jî tuneye.”
Erdogan û hukûmeta AKPê hîn jî wiha difikirin…

16 januari 2016

Heger dewlet îro zora PKKê bibe sibe ewê bigre ser malên we

Ne tenê hukûmeta AKPê û mitefikên wê li dijî beyena akademîsyenan in, kurdên li dijî beyanê jî hene.
Erdogan, Bahçelî, faşîst, kemalîst, hemû dijminên kurdan û heta bi çeteyên Mafîayê jî li dijî beyana akademîsyenan derketin û gotin ev beyan îxanet e, dijminatiya bi dewletê ra ye û piştgiriya terorîstan e meriv fêm dike.

Ji ber ku hemû jî neyarên miletê kurd in, naxwazin kes zulma dewlet li kurdan dike û terora li hemberî kurdan dimeşîne rexne bike.

Lê yên li dijî beyana akademîsyenan in ne ev kes û hêz tenê ne, hin kurdên xwe welatparêz û kurdperwer dibînin jî bi qasî van kesan û hêzan li dijî beyanê ne, di studyoyên telewîzyonên tirkan û dewletê da ew jî beyana 1128 akademîsyenî belav kiribû  rexne dikin û beyanê dixin binê erdê.

Wek Erdogan, Bahçelî û kesên din, ew jî beyanê naecibînin, ew jî dibêjin efendim beyan yekalî ye, PKKê rexne nake, tenê dewletê rexne dike. Û ev jî neheqî ye...
Efendim gelek kesên beyan îmze kirine di esasê xwe da neyarên kurdan in û ji bo kurdan tu mafî naxwazin.

Lê ji bo ku neyartiya Erdogan bikin beyan îmze kirine. Çimkî ew dijminên Erdogan in, derdê wan bi Erdogan ra ye, filan û bîvan….

Dijminatiya PKKê gelek kes bi zanetî ya jî bi nezanî kirine hevalbendên AKPê û dewleta tirk.
Û ya din jî qey meriv li mala kê be, li ser sifra kê be şûrî wî dikşîne. Bi kêmanî meriv dilê xwediyê malê jî xweş dike. Ya na dewlet careke din ewê wan nagre hundur û ewê ji karê xwe bibin…
Ev jî rastiyek e…

Lê ev kesên ku di telewîzyonên dewletê û tirkan da PKKê bi şîdet rexneke dikin, ji erd heta bi ezmên PKKê neheq dibînin û bi dil û can dixwazin PKK biqede tiştekî nabînin.

Heger PKK wek ew dixwazin bêyî peymaneke bi dewletê ra, bêyî ku ji bo xwe û ji bo kurdan tu mafekî  ji dewletê bigre biqede, têk biçe;  yanî heger dewlet bi şer zora PKKê bibe û bi ser keve, roja din ewê dor were ser van kurdên îro di telewîzyonan da PKKê rexne dikin.
Û helbet ser hemû hêz û kesên kurdperwer û welatparêz jî…



Roja din dewletê bi gewriya Kemal Burkay û hemû kesên wek wî bigrin û wan jî biqedînin.
Ji bo ku îro PKK û şer heye dewletê û tirkan di telewîzyonên xwe da, di hin zanîngehan da cî daye wan û ji wan ra tiştekî nabêje.

Lê roja ku PKK, bêyî ku tiştekî bi dest xe biqede, ewê jî ji kar û ji kursiyên xwe bibin û belkî jî gelekên wan werin dadgehkirin û têkevin zindanan jî.

Ji ber ku hêza kurd pê ra dans dikin dewleta tirk e. Heger piçek zanîn û şiûra dîrokê bi me ra hebe, dibê em bizanibin ku ev dewlet pir û pir bêbext û zalim e, qeleş e, kêmfersend e.

Dewleta tirk heta ku motajî kurdan be, wek marê li bende nêçîra xwe be bêdeng e, lê gava bi fireqetiyê keve û girêka xwe bi paş xe, a wê çaxê dibe gurê har û meriv zîfêl zîfêlî dike.

Kemalîstan di dema Şerê Cîhanê yê Yekem û demekê piştî şer, yanî heta ku motajî kurdan bûn bi şêx, axa û mîr û mezinên kurdan  ra xwe dost nîşan dan, ew birin meclîsê, gotin ev dewlet ya kurd û tirka ye.
Lê piştî ku cî dan nigê xwe, tavilê berê xwe dan ser wan kurdên dostên xwe û yên di meclîsê da yek bi yek bi darde kirin û hesabên beyan û gotinên wan yên berê, heta hesabê lixwekirina kincên kurdî ji wan pirsîn.


Lema jî kurdên îro di telewîzyonan da bi heraret PKKê rexne dikin û ji bo têkçûna wê dua dikin, dibê hinekî bala xwe bidin vê dîroka komara Tirkiyê û di vê dîroka nêz da vê dewletê çi aniye serê kurdên hevalbendên xwe careke din bînin bîr û bala xwe….

Yanî heger dewlet îro bêyî lihevkirin zora PKKê bibe, sibe ewê bigre ser malên kurdên hevalbendên xwe û îcar li hustuyê wan siwar be...

15 januari 2016

Tirkan Nabil Fadilê mirî ji gorê rakirine û birine li Sultanahmedê çalakiya întîxarê pê dane kirin.

MIT û polîsên tirk û Erdogan û Davutoglu, Nabil Fadilê mirî ji gorê rakirine û birine li Sultanahmedê ev çalakiya întîxarê pê dane kirin.
Min tu carî bawer nekir ku Daîşê teqîna Sultanahmedê kiribe. Ji destpêkê da min ji MITa tirk şik kir û min got ev karê MITê ye. Tiştê li ser bûyerê dibêjin bi piranî dezînformasyon e.
Ji xwe wa ye her ku diçe şika ji MITê xurttir dibe.
Merivên Nabîl Fadil ji rojnameya Yenî Şafakê ra gotine, lawê wan berê hatibû kuştin û li ser Naîl Fadil ev agahî dane:
”Dema navê Nabîl Fadil eşkere kirin em matmayî man. Ji ber ku me xeber girtibû lawê me di 26ê kanûnê da(çileyê pêşî, meha 12a)miriye, da hatiye kuştin.
Berpirsiyarê Daîşê yê Mumbuçê hat mala me, ji me ra got Nabil Fadil li herêma Set Tişrînê di şerekî bi PYDê ra hat kuştin û cenazeyê wî jî li aliyê PYDê ma. Me jî li Mumbuçê konê şînê vegirt û şîna wî kir. Me bi rojan ji bo lawê xwe Quran xwend û dua kir.”
Yanî MIT û polîsên tirk û Erdogan û Davutoglu, Nabil Fadilê mirî ji gorê rakirine û birine li Sultanahmedê ev çalakiya întîxarê pê dane kirin.
Lê çira vireke heta sibê vêketî namîne. Wa ye îcar jî derewa dewleta tirk derket û tiliya wa nya di bûyerê da xuya bû.
Carê her kes dizane ku Daîş hêzeke girêdayî Tirkiyê ye û bêyî Tirkiyê ne mimkûn e êrîşên wiha bike.
Erdogan vê hêzê (Daîşê) li hemberî Esed, kurdan û Yekîtiya Ewrûpayê bi kar tîne û dixwaze bi karta Daîşê hin îmkanan bi dest xwe.
Tiştê belkêş kesên jiyana xwe wenda kirin hemû alman in, di nava wan da tunebûna tirkekî ji xwe balkêş e û dibê meriv vê yekê wek tesadufê nebîne.
Bi îhtîmaleke mezin ev plana Erdogan e, ji bo ku ji Ewrûpayê û cîhanê ra bibêje hûn dibînin Daîş li dijî me ye jî, wa ye êrîşî me jî dike.
Lê gava meriv li netîcê û li nasnameya kesên bûne hedef dinêre, meriv dibîne ku hedef ne Tirkiye û tirk in, hedef ”kafir” in, ewrûpî ne.
Bi vê qetlîamê Erdogan him çend alman da kuştin û him jî xwe mezlûm nîşan da, ew propaganda û reqlam kir.
Û belkî ji Almanya ji bo ”şerê li dijî Daîşê” hin alîkarî jî bigre.
Lê plana Erdogan çi ye û ji bo çi alman hilbijartin em baş nizanibin jî, lê em tiştekî em êdî baş dizanin; ew jî tiliya MITê di vê qetlîamê da heye, maşe, qatil kî be, ji kîjan hêzê be jî patron dewleta tirk e, MIT e.

XXX
Li gorî Davutoglu Tirkiyê tiştek di Daîşê da nehîştiye, di ava 48 saetan da tam 200 endamên Daîşê kuştine !
Serokwezîrê Tirkiyê Mr. Bean Ahmet Davutoglu dîsa dereweke bi boçik û ji serê xwe mezintir kiriye, gotiye:
”Hema hema di nava 48 saetan da me bi 500 taarûzên tank û û topan li mewziyên Daîşê yên li Iraqê û Sûriyê da û 200 endamên Daîşê kuştin…”
Li hemberî dereweke hewqasî mezin meriv lal dibe.
Tirkiyê di nava 48 saetan da 200 endamên Daîşê kuştine, lê ne medyaya tirk û ne jî ya cîhanê ji şerekî hewqasî mezin haydar bûye!
Mêrik Profosor e, serokwezîr e, mamostê zanîngehê ye, lê derewên bi lîtiran dike. Wey malneket, meriv derewan dike lê ne bi vê ecêb e. Te bigota me 2 heb, 20 heb kuştin. Malneket kuştina 200 kesî tenê kenê meriv tîne.
Lê ew çi derewê bike jî, xwe bike pêkenînê alemê jî baweriya civatê şerê we yê bi Daîşê ra vir e, Daîşê girêdayî we ye. Û bi îhtîmaleke mezin teqîna Sultanahmedê jî MITa we da çêkirin. Hûn çi derewê bikin jî jî bawerî û qenaeta însanan ev e…
2016-01-14


14 januari 2016

Gava ker ket heriyê ji xwedî pê ve kes ranahîje teriyê.


Berf bû, şilî û şepelî bû.
Kerê sofî ketibû heriyê.
Ji bo ku ker ji heriyê derxe sofî pir li ber xwe da, lê heywan di bin bêr da xerab ketibû, hêz pê ra nemabû rabe ser xwe.
Li der û dorê jî kes tune bû were hawara sofî.
Ji bêçaretiyê serê xwe bilind kir û her du destên xwe berbî asîmanan vegirt û bi dengekî bêhêvî got:
- Xwedêyo, weleh heger tu bixwazi tu kanî nuha vî kerî ji erdê rakî,
berfa vî çiyayê hember jî hemû bi ka kî
û devê kerê min di nav kî.
Lê ez zanim tiştê te nekiriye tu nakî…
Yanî gava ker ket heriyê, ji xwedî pê ve kes ranahîje teriyê.
Ji bo ku hûn fêm bikin ne Xwedê avekê li vî agirî dike û ne jî topekê li nava dilê Erdogan dixe.
Çi bikin emê bikin…

XXX

Do çeteyekî Mafîa tirk Sedat Peker, akademîsyenên li dijî teror û êrîşên dewletê derketibûn tehdît kiribû û gotibû "xwîn êwe wek lehiyê biherike û emê di xwîna we da serê xwe bişon."
Lê ne çete û Mafîa tenê kurdan û tirkên aştîxwaz û li dijî terora dewletê ne tehdît dikin, serokê MHPê Devlet Bahçeliyê faşîst û serokê baroya abûqatan Feyzîoglu jî eynî wek Pekerê Mafîa, akademîsyenên belavok belav kirine bi îxanetê û hevalbebdiya dijmin îtham kirine.
Devlet Bahçelî gotiye:
”Em nikanin zarokên xwe teslîmî zihniyeta li zanîngehan destegê dide xayinan bikin. Lema jî dibê YOK(Dezgeha blind ya perwerdeyê) bi wezîfeya xwe rabe û ya din jî dibê rektorên zanîngehan jî di vê mijarê da hesas bin.
Mijara li vir ez dixwazim balê bikşînim ser, ev ekseriyeta ku destegê dide xayinan, ku piraniya wan lêkolîner û doçentên cîgir in, çawa ketine zanîngehan, dibê were tetkîkkirin.”
Wek tê dîtin Bahçelî wek Erdogan gotibû, dixwaze van akademîsyen îmze avêtine binê belavokê ji zanîngehan werin avêtin.
Serokê Baroya abûqatan Metîn Feyzîoglu jî akademîsyenên xwediyê belavokê rexne kiriye û gotiye vana piştgiriyê didin terorê û hevkariyên dijmin in û hemû bi hilweşandina dewleta tirk îtham kirine.
Bi kurtî li Tirkiyê Mafîa, serokê baroya abûqatan, siyasetmedar, medîa û CHP jî bi pirayî di nava vê cepheya nîjadperest û panturkîst û faşîst da ye.

13 januari 2016

Daîş bêyî destûra MITê li Tirkiyê tiştekî nake

Di nivîsa xwe ya do da ya li ser teqîna Sultanahmedê min gotibû, ”bîna genî ji teqîna Stenbolê, Sultanahmedê tê.
Teqînên wiha bi piranî pîşikê dewleta tirk e. Dewleta tirk di vî warî da pir hoste ye. Ji her grup û îdeolojiyê di bin emrê wan da bi sedan însan hene.”
Piştî bûyerê teqrîben bi du saetan, ne wezîrê karê hundur, ne emniyetê, serokkomarê TirkiyêErdogan got, ”yê bombe bi xwe da teqand xwekujekî ji Sûriyê ye.”
Û dû ra jî gotin navê wî Nabil Fadlî ye, 28 salî ye û bi esalê xwe Suûdî ye.
Heger rast be, fena ku wan bi xwe qatil şandibin wir û lema jî di nava 2  saetan da ji rismê wî bigre, heta bi umrê wî û hemû têkiliyên wî eşkere kirin.
Baş e di demeke hewqas kin da Erdogan çawa kanîbû  di heqê qatil da hewqas agahî bi dest xe?
Heger qatil ne zilamê wan be, îstîxbarata dinyayê ya herî xwedî îmkan jî nikane di nava du saetan da nasnameya qatilekî xerîb eşkere bike.
Li alî din, Erdogan ne serokê emniyetê ye, ne wezîrê karê hundur e, çima berî her kesî wî navê qatil eşkere kir?
Bi baweriya min heger navê dibêjin rast be(dikane ne rast be, dezînformasyon be, dibê meriv tim bişik li agahiyên tirkan binêre)wê demê miheqeq tiliya Tirkiyê di bûyerê da heye.
Çimkî yên hatine kuştin hemû xerîb(Alman) in, yek misilman û tirkê nêzî AKPê di nava kuştî û birîndaran da tuneye, hemû jî ”kafir in”, neyarê  Daîşê û Erdogan in.
Yanî Erdogan jî ne li dijî kuştina wan e.
Ji xwe heta nuha hemû sabotaj û teqîn li hemberî kurdan û dostên kurdan û hêzên çep çû bûne. Di van teqînan yekê da jî dîndar û tirkekî AKPyî  jiyana xwe wenda nekiriye.
Ev nikane tesaduf be, tesaduf carê, du caran, lê ne çar, pênc caran. Ji ber ku her tim yên hatine kuştin muxalifên AKPê ne. Tim ew hedef tên hilbijartin.
Heta ji Erdogan û Davutoglu tê bira demagojiya dijberiya Daîşê bikin, lê praktîk nîşan dide ku Daîş wek hêzeke girêdayî Tirkiyê hereket dike û tim jî kurdan û muxalifên AKPê dikuje.
Lê ewrûpiyan hîn jî fêm nekirine Daîş û hêzên cîhadçî yên din hemû jî di bin emrê Tirkiyê û Suûdî da hereket dikin û bi taybetî jî bi emir û dîrektîfên Tirkiyê şerê kafiran û cîhana azad dikin.
Ji dêlî ku berê xwe bidin Erdogan û bi gewriya wî bigrin, ji wî ra bibêjin Daîş maîş hemû çeteyên te ne, wî bertîl dikin, xwe davêjin dest û nigê wî ji bo ku koçberan zêde neşîne ser wan.
Erdogan, Daîş li hemberî Ewrûpayê, yanî kafiran û kurdan wek artêşa îslamê dibîne, ji dêlî artêşa xwe ya resmî, bi Daîşê şerê kafiran û kurdan dike û wan tehdîd dike.
Ev serê 2-3 mehan Erdogan Kurdistan wêran kiriye, polîs û tîmên tirk rojê çend kurdan înfaz dikin, lê ji Ewrûpayê, ji dezgehên Yekîtiya Ewrûpayê qet deng dernakeve, her kes li kuştina kurdan temaşe dike.
Lê dibê ewrûpî baş bizanin ku heta ev cenawir li ser hukim be û ew jî tim ji ber wî daxun, ewê  tu carî rehet nekin, carcaran ewê wan jî tim wiha bide kuştin.
Tiştê Erdogan îro dibêje û dike ji yên Hîtler ne kêmtir e, lê kesî hîn fêm nekiriye ku Erdogan bi îdeolojî û hedefên xwe faşîstekî , Hîtlerekî  tirk e…

Erdogan îcar bi çeteyên Mafîayê xelkê tehdît dike


Erdogan, akademîsyenên gotibûn ”emê nebin şirîgê sûc”, bi Mafîayê tehdîd kir
Sedat Peker, 1128 akademîsyenên li dijî şer derketibûn û gotibûn emê nebin şirîkê sûc, bi kuştinê tehdî kir û got:
”Ez careke din dibêjim, emê xwîna we wek lehiyê biherikînin û bi xwîna we serê xwe bişon.”
Ev ne cara pêşî ye ev çeqelê Mafîayê şûrê Erdogan dişîne û kurdan û xelkê bi kuştinê tehdîd dike, berê jî carê tiştên wiha gotibû.
Erdogan êdî ne polîs û leşkeran tenê li hemberî kurdan û muxaleftê bi kar tîne, Mafîayê jî dixe dewrê.
Ev gotinên Peker ji skandaleke siyasî bêtir, nîşan dide ku bi îktîdara AKPê ra dewlet û Mafîa tevhev bûne, bûne destbirakên hev.
Serokê Mafîayê li ser navê dewleta tirk dipeyive û serokê dewlwetê diparêze û dibêje ewê xwîna kurdan hemû muxalifên Erdogan wek lehiyê biherikîne û pê serê xwe bişo.
Ser xêrê be, bi saya Erdogan dewleta tirk bû dewleta Mafîayê.
Erdogan her çiqas bi tesadufî bû siaysetmedar û serokkomar jî lê di esasê xwe da ew merivekî dinya Mafîayê ye, di nava têkiliyên Mafîayê da mezin bûye. Lema jî dostiya wî ya bi Sedat Peker ra xurt e. Ji xwe ji ber vê têkiliyê ye Peker, fedaîtiya wî wî dike û xelkê bi kuştinê tehdîd ike.

XXX

Mahkima Mafê Însanî ya Ewrûpa, giliyê 3 abûqatên kurd li ser terora Tirkiye li Cizîrê dimeşîne û girtina tedbîrê red kiriye.
Diyar e Erdogan wek Yekîtiya Ewrûpayê Mahkima Mafê Însanî ya Ewrûpa jî teslîm girtiye.
Heger Mahkima Mafê Însanî ya Ewrûpa bi rastî mahkimeyeke adil û bêterf bûya ewê giliyê kurdan qebûl bikira û Tirkiye ceza bikira. Lê ji dêlî wê heq daye aliyê xurt, aliyê xwedî dewlet.
Biryareke zêde ne ecêb e, ev dinya wiha ye...
Ez tim dibêjim dinya bênamûs e, heger ne bênamûs bûya ewê bihata hawara gelê Cizîrê, Silopiyê, Nisêbînî û Diyarbekrê…